وكيف لااكون

البارت 12

#وكيف_لااكون

#دلال_عبد

_صدكيني عدها مصلحه لان لو عدها كلب جان رجعت من سنه من ثنين عدها غايه

_مادري والله اني تعاركت وياها بس هي جايه من سبوع بالعراق وتندل البيت ومراقبتنه على اي ساعه تجي ..

باهلحظات رن جرس البيت ليعلن عن وصول . .......

_ماما بس لا خاله اجت

_دكومي شوفي منو اسويها هاي خالتج اتخبلت تالي وكت

ميس رحت للباب والخوف والقلق مرافقها :- منوو هذا مو بيت صفاء انتي خاله انسام روحي خاله  متوهمه

صفاء سمعته ضربت على كصتها وضحكت :- لاابد احنا  مو احنا 

الطرف الثاني :- العفو اختي احنا حرس ست ريتاج  دزنا استاذ يزن 

_شنووو (فتحت الباب تباوع ثنين شباب ضخمين طول وعضلات واحد منهم اسمر كولش والخ افتح لابسين زي رسمي اسوء)  شنو الموضوع فهموني منو ريتاج

_صفاء لحكتها سحبتها من ايده دخلتها للبيت :- اهلا وسهلا بيكم  

_ تسلمي مدام اي شي تحتاجو انطونا خبر  احنا بالخدمه

_متقصرون تكدرون هسه ترحون والصبح تعالوو

_ العفو مدام تعليمات استاذ يزن ادكول حرس على مدار ال24ساعه 

_ هسه استاذ يزن مايدري بيكم احنا محنكوله  روحو نامو الجو بارد مو مال تبقون طول الليل باره

ميس :- اي صحيح روحو  ،بهالبرد حتى الحراميه رزقهم متوقف خطيه

صفاء :- لازم كاسرين خاطرج

_بعد كلمن ومهنته  والله يرزق الجميع

_ مدام يعني هسه نروح على مسؤليتكم 

صفاء اي اي  روحو

ميس :- بس واحد يحجي عليكم كلهم هاي اومر مسي  

صفاء ضحكت :-  اويلي على مسي شكدملكوف  تصبحون على خير   ومثل ماكوتلكم الصبح تعالو
(دخلت  وسدت الباب)

ميس :- ماما شنو ذوله وليش جايين لادكولين احنا بخطر ترا اني اخاف انخطف .

_مسي لاتخاف روح نام مدام العقل المدبر يشتغل صح  لاتخاف من شي

_منو قصدجالعقل المدبر انتي !!

_ايمان 

_هااا مو اكول صفاء متطلع منه سالفه بيه خير

_انجبي وروحي انطمري ولاجفصين بالحجي 

_هاي شبيج صفيه ابد متتحملين شقه  ،يعني هاي فوك مادالطف الجو  تغلطين علي ااااخ  الك الله يالفقير  ،  اروح انام احسن