وكيف لااكون

البارت 30

#وكيف_لااكون

#دلال_عبد

(هشام مارد عليه ولا كأنو سمعها صعد يركض لغرفته )

اساور لابسه بدي طويل ونازعه البنطرون ومسويه متمدده ونايمه جانب . دخل هشام للغرفه ممنتبه عليه نزع قميصه شمره بالكاع دنك يفتح بالحزام

اساور كعدت تفرك بوجها تمثل انو كانت نايمه :- هشام انت اجيت

هشام اندر عليه وفاتح عيونه :- هاي انتي شسوين هنا

_هااا اجيت الصبح ومنايمه وعمه رادت تنظف البيت وكالت نامي فوك هم انظف وهمينه خاف احد يجي

_ عينه عليه من فوك ليجوه رافع حاجبه وبنظره استصغار :- والي ينام ينزع

_ اي لعد يبقى مضايق

_ همممم (دنك على قميصه شاله من الكاع حتى يلبسه ) لا عمي يشلح ولايضايق يلا اني طالع وانتي اخذي راحتج نامي وشبعي نوم

(كامت اساور من مكانه تقربتله اخذت القميص من ايده ) هشام الله يخليك ريحني ترا مصايره هاي

_ نعم

_يعني ولا كأنو احنا مخطوبين الي مثلنه عايش برومانسيه ومخلصيها طلعات وهدايا ونسه.....

_ انطيني القميص خ اطلع

(تقربت منه اكثر حاوطت ركبته باديها وكأنو ترقص هشام جامد بمكانه مغمض يحاول يصيطر على اعصابه ) هشام ليش هيج نافر مني جرب اتقرب رح انسيك الدنيا بالي بيها .

_ لزم ادينها نزلهن وبتعد عنه ودار وجهه لميز المرايه ، هاي الحركات مال وحده (سكت شوي ) ... استغفرالله سمعيني يابنت خالي خليني اكون صريح وياج ، انتي امي ختارتج الي اني ابد ابد ممفكر بيج كزوجه وخاف عبالج بعد الزواج رح اتغير لا ابد والله هذا اني لا سالفه لاضحكه لاطلعه لاطبه راح تكوني فقط جنه الامي لاكثر ولا اقل ....

((اساور وكفه ودموعه على خدها ))

_ها ونسيت اكولج اني ماريد جهال يعني اكون اكثر صراحه وياج اني اختلف ماحب اسوالف المزوجين لتافهه ...

_ مسحت دموعه واخذت نفس :- هشام وصلت رسالتك ، اني هم بعد الي سمعته كرامتي متسمحلي انزل نفسي اكثر من هيج ..

_ يارب يزقج بابن الحلال الي يسعدج ويستاهلج

_ دنكت اخذت بنطرونها لبستها ، نزعت الحلقه وهي تبجي اتفضل

_ اني ماقدمتها الج امي هي الشترتها ولبستها الج انطيها الها

______________________________________

بيت صفاء

لكل كاعد على طاوله الطعام وعيونهم على صفاء الي تصرفاته مو طبيعيه تركع بالصحون بعصبيه وهي تاكل عاقد حواجبه