#وكيف_لااكون
#دلال_عبد
_عزه هشام هاي اماني واكفه بالباب جايه
_شنو وين جايه شمدريج
_ هاي رسالته
💬ها فرح وينج اطلعيلي اني برا بشارع منتظرتج
هشام ابقي اني رح اطلع احجي وياها .....
اماني :- بالكوات كدرت اطلع بحجه اروح اشوف صديقتي لان ممدومه دشوف شنو عنده ماعدنه
راسلت فرح وبقيت منتظرتها برا لانامها احسها مطيقني واخاف اشوفني اسمعني كلمه محلوه وهمينه اخاف ارد عليه ويزعل هشام بقيت منتظرتها قريب من بيتهم لحظات واجه هشام شفته يمشي ع كيف ويتلفت منا ومنا
_ هلاو اماني اش جابج هنا انتي ويامن اجيتي
_ هشام شبيك حبيبي ليش عيونك حمر وذبلانه صاير شي خاله بيه شي لاسامح الله ليش جهازك مغلق اتصل محد يرد علي صاير شي
_ دنك و هز راسه بمعنى لا
_ لعد شبيك ضايج
_ لزم ايدها تعاي خلي نطلع بسياره عندي موضوع مهم وياج
_خير ان شاءالله
(اخذها وصعدو بسياره )
_ يدخن وعينه ع شارع وبالكوه يحجي :- ليش قافلين باب الحوش مالتكم الفجر اجيت كعدت يم بابكم وشفته مسنسل
_اوووف هشام لو تدري اصار بينه احنا مهددين وانتقلنه الغير بيت بس هسه الحمدالله الي مهددينه القو القبض عليهم
_الحمدالله
اماني مستغربه وضع هشام لا حقق وياها ولاكله ليش طلعتي بدون علمي
ولاسأل على شنو مهددين ، هشام بيك شي اشو موعلى بعضك
_ وكف السياره قريب على نهر دجله فتح الباب (نزلي خلينه هنا الجو حلو ) وشمر كطف الجكاره وعينه على نهر ، حك خشمه ورفع شعه ، اماني انتي تدرين بيه اني شكد احبج ....
_ قاطعته وهي مبتسمه :-القلوب سواقي
_ ( مكتف ايده ومدنك ويحرك برجله بالكاع حركه للامام والخلف ) احم وتدرين بيه شكد اخاف عليج وحلمي هو انو انتي اتكوني ام جهالي ، جنت اتمنى اعيش اني وياج ابيت بعيد عن انظار العالم وصير عدنه بنوته صغيره مثلج من اصيح عليه تبقى ترمش بعيونه مثلج ....
_ وكفت كدامه وهي مبتسمه وملامح فرح ودهشه باينه عليه :- لالالا اني ماريد بنيه اريد ولد هيج مثلك شهم وعنده غيره ويصير رجال اخو خيته
ااااللللللللللللله هشام شكد حلوووو مجرد ما اتخيل الموقف احس كلبي ينبض براحه
_ بتعد عنه متوجهه صوب النهر :- اماني انتي مؤمنه بالله وتعرفين هاي حياتنا وكل الي جاي انعيشه الله كاتبه النا و كولشي قسمه ونصيب ....
أنت تقرأ
وكيف لااكون
Literatura Femininaثلاث بنات وأم مراهقه مهمله لاتعرف مدى خطورة ماتفعله ....... ليقعن بناتها ضحية غبائها كيف سيسير بهن العمر ومالذي سيواجهنه والى اين سيذهب بهن القدر ....
