وكيف لااكون

البارت22

#وكيف_لااكون

#دلال_عبد

_ايمان صح كلامج بس اني والله احبه ماكدر مو بايدي

_ميس لعد يطبج طوب

ايمان :- اششش صوتكم خ اجاوب  نعم اهلا اهلا
..... ضحكت بهلسرعه يعني مستعجل ...... طيب اني مووافقه   ... .. ماااشي مااشي  هلاو باي 

ميس :- ها شكو منو هذا 

_شاهين ديكولي جايبلي ملفات و اشياء تخص الراجحي وهسه جاي علي مستعجل اضاهر وضحكت 

_ مدري ليش احسج فرحانه

_هاا... لاعادي بس ضحكت  سالفه ابالي .. اكول ميس اريد ملابس من عندج  

_اشعر بالصدمه  ايمان الانثى المؤنثه  تلبس من مسي عجييييب

_ضحكت وشبيج مصدومه عادي يعني انوع ابلبسي 

_ اممممم تنوع  اي يابا نوعي ليش لا 

_ختاريلي لعد بين ماا سبح

_وهي متوجهه للكنتور ؛ شوفي لبسي امممممم هذا البنطلون الكابوي  الي قبل كم يوم شتريته  بعدني ملابسته  يعني تبقيلي فلوسه

اماني :- على اساس انتي مشتريته من فلوسج مو من ماما

_ استغفرالله ست اماني  خلينه نسترزق على باب الله روحي انتي حيري بهشاك اغااا

_  ايمان  ضحكت عادي عادي اي شي جديد قديم المهم استايل رياضي  اليوم عاجبني التغير
رحت سبحت   لكيت ميس محظرتلي بنطلون  كابوي  ازرك وجاكيت جلد اسود وحذاء رياضي اسود

بدلت وشسورت شعري على ماشي  عجبني التغير اني بالعاده نهائي مالبس استايل رياضي بس حلو التغير 

ميس دخلت للغرفه صوفر :- ايه الحلاوه دي موزه موزه  ، شوف الذوق والتنسيق عمي  بشرفج مااصلح
ممصمه ازياء

_وهي  تحسب بالفلوس  ، وين الربط انتي مختاره ملابس لو مصممتهن وضحكت  ترا هي مسألة ذوق لااكثر

_  اهوو عاد كامت تتفلسف براسي روحي  عمي روحي

_ جاو جاو  حبيبي مسي جاااو

اماني متمدده على سرير :-  اكول ميس ماملاحظه ايمان متغيره

_شلون يعني 

_يعني  واضح عليها ملامح الحب

_والله عاد انتي خبره بالحب 

_اووف يالحب ميس لاتتورطي وتحبيلج واحد وربي بس اذيه   بالاخص احنا بنات صفاء محرم علينه الحب

_سالمين خيه الناصحه اشدخل ماما بالحب لاتربطين غيرة وشك هشام بماما ترا ذاك هو مريض نفسي

_ لاوالله لامريض نفسي ولاشي  بس مو كادر  ينسى انو اني بنت وحده تطلع وتطب بكيفها لاحسيب ولارقيب  مايتوقع تربيتها نقيه تختلف عنها