رواية معشوقتي

معشوقتي $ البارت الاول

معشوقتي$ البارت الاول

لا يوجد احد في هذا الزمان لم يذق طعم العشق منا من تلذذ به وغاص في اعماقه ومنهم من تعذب جراء هذا العشق ومنهم من عشق في صمت العشق هو اعلي مرتبة للحب اذا عشقت من قلبك ستنسي العالم بأثره ستحارب من أجل ذلك العشق.

يجلسون علي مائدة الطعام وعلي راسهم الجد الاكبر سليم العميري
سليم(الجد):- هااا يا سليم مفيش اخبار جديدة
سليم:- عن ايه يا جدي
سليم(الجد):- مش ناوي نفرح بيك ولا ايه
سليم:- ربنا يقدم اللي فيه الخير يا جدي
سليم(الجد):- طيب يا ابني بس متنساش اللي قولتلك عليه اعتقد انك فاهمني
سليم:- حاضر يا جدي
سليم(الجد):- محمد
محمد:- ايوه يا بابا
سليم(الجد):-اخبار الشغل ايه انا بقالي فترة منزلتش الشركة
محمد:-كله تمام يا بابا حتي مشروع الساحل سليم تقريبا انجزه
سليم(الجد):-تمام هما دول اولاد العميري
ثم وجه حديثه ل مصطفي ولده الاصغر وقال:-مصطفي اخبار بنت اخوك شيماء ايه
مصطفي:-كويسة اوي يا بابا
سليم(الجد):- طيب هترجع امته مقالتش
مصطفي:- هترجع بكرة يا بابا
سليم(الجد):- تمام بعد ما بنت اخوك ترجع بكرة العيلة كلها هتجتمع علشان في قرار مهم انا اخدته وعاوز اقولكم عليه

في صباح اليوم التالي تقف امام المرآة و ترتدي تنورة قصيرة وشيرت باللون الابيض وتربط شعرها كذيل الحصان وترتدي بقدميها حذاء رياضي باللون الابيض ولم تضع اي من مساحيق التجميل علي وجهها
مايا:- ايه دا كله يا شيمو
شيماء:- ايه حلو مش كده
مايا:-اه حلو بس انتي هتروحي الفيلا كده
شيماء:-اه يا مايا هروح كده
مايا:- جدو سليم لو شافك كده هيزعل اوي
شيماء:-انا اتعودت علي كده وخلاص يلا بقااا علشان منتاخرش
مايا:-ربنا يستر

"ايه يا سليم انت سرحان فيه ايه من الصبح " قالها امير ابن عم سليم وهو يجلس مع سليم في حديقة الفيلا
سليم:-ولا حاجة يا امير
امير:-انا عارف انت بالك مشغول بايه
سليم:-ليه ساحر يا امير
امير:-لا مش ساحر بس انا بالصدفة سمعتك انت وجدو وانتوا بتتكلموا
سليم:- وسمعت ايه ان شاء الله
امير:- جدو عاوز يجوزك شيماء بنت عم جمال الله يرحمه مش كده
سليم:- كويس اهو انت كده عرفت ايه اللي شاغل بالي اتهد بقاا وسبني في حالي
امير:- متزعلش اوي كده انا سامع من مايا اختك يعني انها مزة
سليم:-مزة انت بتجيب الالفاظ دي منين
امير:- اتصدق قفلتني انا هقوم اخد شاور كده واتشيك يمكن شيماء تعجب بيا ولا حاجة وانا واد حليوة كده
سليم:-امشي من وشي يا امير
امير:- انا اصلا كنت ماشي اتنيل

تجلس نبيلة و كريمة بالمطبخ ومعها زهرة الخادمة
نبيلة:- انجزي شوية يا زهرة مايا وشيماء علي وصول
كريمة:- انا خلصت كل اصناف الحلويات
نبيلة:-كويس،يا كريمة خلصي انتي كمان يا زهرة اخلصي
زهرة:- تقريبا كل حاجة جاهزة متقلقيش انتي يا ست نبيلة
جلست نبيلة علي الطاولة امام كريمة
كريمة:- تفتكري اجتماع النهاردة علشان ايه
نبيلة:- معنديش فكرة والله يا كريمة
كريمة:- ربنا يستر من قرارات حماكي المفجأة دي
نبيلة:- متقلقيش هوا طول عمره حكيم ومبياخدش قرار الا و فيه مصلحة للعيلة مايا وحشتني اوي يا كريمة
كريمة:- ربنا يرجعهالك بالسلامة ان شاء الله
نبيلة:- يارب

في شركة العميري للمعمار يجلس هو وشقيقه الاصغر يتحاورون في بعض المشاريع الهندسية
محمد:- كفاية كده انا خلاص تعبت من كتر الشغل
مصطفي:- وانا كمان يا محمد تعبت اوي
محمد:- تفتكر ابوك قرر ايه كده وهيقوله لينا النهاردة
مصطفي:- يا خبر النهاردة بفلوس بكرة يبقي ببلاش بس ابوك عليه قرارات غريبة الصراحة
محمد:- بس كلها في مصلحة العيلة يا مصطفي
مصطفي:- فعلا في مصلحة العيلة
محمد:- يلا نقوم نروح ع الفيلا لان مايا وشيماء علي وصول
مصطفي:- يلا

اجتمعت جميع العائلة في فيلا العميري
سليم(الجد):- سليم كلمت مايا وشيماء
سليم:- اه يا جدي كلمت مايا
سليم(الجد):- وهيوصلوا امته
سليم:-ربع ساعة كده ويوصلوا
اثناء تحاورهما دق جرس الباب فتحت زهرة الباب
نبيلة:- مين يا زهرة
زهرة:- دي الست مايا والست شيماء وصلوا
اطلقت زهرة زغروطة فرحة تعلن بها عن فرحتها بقدوم مايا وشيماء
سلمت نبيلة علي مايا ثم قالت بتساؤل:- اومال فين شيماء
مايا:- معاها تلفون برااا هترد وتيجي علطول
سلمت مايا علي جدها سليم ووالدها محمد وعمها مصطفي وزوجته كريمة وعلي شقيقها الاكبر سليم وابن عمها امير
جلست مايا بجانب جدها سليم
سليم(الجد):- اخبار الامتحانات معاكي ايه
مايا:- الحمد لله يا جدو كله تمام
سليم(الجد):- وعد مني اول ما تنجحي هشغلك في الشركة وتطلبي كمان الهدية اللي تعجبك

جائت شيماء من الخارج ولكن عندما نظروا اليها صدموا مما ترتدي
شيماء:-هاي
نظر لها سليم الجد بغضب شديد ثم قال:- شيماء
شيماء:- نعم يا جدو
سليم(الجد):- ياريت تطلعي تغيري المسخرة اللي انتي لابساها دي
شيماء:- مسخرة فين دي
نبيلة لتخفف من هول الموقف:- شيماء حبيبتي تعالي معايا فوق هقولك حاجة وانتي يا زهرة ادخلي جهزي العشا بسرعة
ذهبت شيماء مع نبيلة لانها تحبها كثيرا فمنذ وفاة والدتها هي التي احتضنتها فكانت بمثابة والدتها دخلت كلا من نبيلة وشيماء الغرفة
نبيلة:- ايه يا شيماء مالك كده مش قولنا بلاش اللبس دا يا حبيبتي
شيماء:- يا ماما انا برتاح كده اعمل ايه يعني
نبيلة:- معلش يا حبيبتي غيري هدومك وانزلي بسرعة علشان نتعشي سوا
شيماء:- حاضر

بعد قليل هبطت شيماء من الاعلي وهي ترتدي شيرت ابيض وبنطلون رياضي اسود وتركت شعرها لينسدل اسفل ظهرها
سليم(الجد):- تعالي يا شيماء
شيماء:- ايه يا جدو
سليم:- متزعليش مني يا حبيبتي انتي عارفة اني عاوزة احافظ عليكي انتي بقيتي مسؤلة مني بعد وفاة ابوكي وامك الله يرحمهم
شيماء وهي تقبل يد جدها:- الله يرحمهم يا جدي ويطولنا في عمرك
سليم(الجد):- طيب يلا يا حبيبتي علشان نتعشي مع بعض

بعد العشاء جلست العائلة باكملها يتناولون المقبلات ويحتسون العصائر المثلجة ويضحكون سويا
سليم(الجد):- طبعا كلكم بلا اثتثناء عندكم فضول تعرفوا انا جمعتكم ليه
همس امير في اذن سليم ب :- الحق جدك هيفجر القنبلة دلوقتي
سليم:- اخرس يا امير
امير:-حاضر يا اخويا
سليم(الجد):- امير
امير:-نعم يا جدو
سليم(الجد):- بطل رغي واسمع انا هقول ايه
امير:- حاضر يا جدو
محمد:- هااايا بابا قولنا انت قررت ايه
سليم(الجد) :- انا قررت ان شيماء وسليم يتجوزوا ثم نظر لشيماء وقال:- ايه رايك يا شيماء
صمتت شيماء للحظات ثم قالت :-..................

#اشوفكم البارت الجاي
#معشوقتي
#بقلم السلطانة أحلام حواس 👑