معشوقتي $البارت الثالث
خرجت شيماء من المكتب وتوجهت للخارج واعادت الاتصال بهذا الرقم مرة اخري ثم قالت:- ايه يا شريف كل دي اتصالات
شريف:- كنتي فين يا شيماء وحشتيني اوي
شيماء:- وانت كمان يا حبيبي وحشتني اوي
شريف:-اومال ليه مش بتردي عليا
شيماء:- معلش من الصبح وسليم لازق ليا مش عارفة اكلمك
شريف:- يوه انا زهقت منه والله
شيماء:- ومين سمعك ياحبيبي كلها ايام واقدر احصل علي ورث ابويا واهرب معاك واتجوزك واخلص من سليم دا بقااا
شريف:- ربنا يقرب البعيد يا حبيبتي
شيماء:-سلام بقااا دلوقتي علشان متاخرش عليه
شريف:- سلام يا روحي
اغلق شريف المكالمة مع شيماء ثم قال:- فات الكتير مبقاش الا القليل خلاص
عادل:- انت لسه بتكلم البت اللي اسمها شيماء دي
شريف:- اه بكلمها بس وحياتك مش علشان سواد عيونها دا علشان ال money يا صحبي
عادل:- ودي هتجبلك فلوس منين
شريف:- دي وارثة ملايين يا عم عادل جدها وعدها انها اول ماتجوز ابن عمها هيسلمها ورثها وهي حرة فيه تجيب هي الفلوس بس
عادل:- وبعد ما تجيب الفلوس
شريف:- هطيرها طبعا هي ناقصة تلزيق
عادل:- ايه الدماغ دي دانت مصيبة
شريف:- ولسه انت شوفت حاجة دانا شريف السباعي يا ابني
دخلت شيماء علي سليم المكتب ثم قالت:- انا جعانة اوي
سليم:- طيب يلا نروح لان انا كمان لسه قدامي ساعتين واقبال المهندسين هروح اغير هدومي
خرجت شيماء هي وسليم من المكتب ولكن سليم صدم حينما راي ماهي امامه
ماهي:- سليم وحشتني اوي
سليم:- ايه اللي جابك هنا
ماهي:- وحشتني اوي اعمل ايه بقااا
سليم:- طيب روحي انتي دلوقتي وانا هكلمك بعدين
قبلته ماهي من وجنتيه ثم قالت:- اوكيه يا حبيبي باي
سليم:- باي
شيماء:- هي مين دي
سليم:- صحبتي
شيماء:-وانت بقااا ليك صحاب بنات
سليم وهو يفتح باب المصعد ويشير لها بان تدخل: - اه اكتير
شيماء:- كويس اوي
دخل سليم وشيماء الفيلا ولكن سليم طوال الطريق لم يبالي ب شيماء اي شئ ولا يعطي لها اي اهتمام اطلاقا صعد سليم لغرفته ثم ارتدي بنطلون رياضي وشيرت ونزل للاسفل
محمد:- تعالي يا سليم عاوزك
سليم:- حاضر يا بابا
دخل كلا من سليم ومحمد غرفة المكتب
محمد:- اتفضل اقعد يا سليم
سليم:- خير يا بابا فيه حاجة
محمد:- انت راضي عن جوازك من شيماء يا ابني
سليم:- اه يا بابا ليه
محمد:- يا ابني انت بعد بكرة هتكتب الكتاب وهتعمل الفرح لو في حاجة قولي انا اقدر اساعدك
سليم:- مفيش حاجة خالص والله يا بابا انا موافق عن الجوازة دي بإرادتي
محمد:- طيب يا ابني ربنا يوفقك
سليم:- ربنا يخليك ليا يا بابا
جلسوا جميعا يتناولون الغداء في صمت تام قطع ذلك الصمت صوت سليم(الجد) وهو يقول:-سليم
سليم:- ايوه يا جدي
سليم(الجد):-هتاخد شيماء النهاردة وتخرجوا تشتروا الشبكة وكمان في كتلوجات وصلت من باريس هتختار انت وهي منها فستان الفرح
سليم:- مش هينفع النهاردة يا جدي لاني هقابل كبار المهندسين النهاردة والاجتماع دا مينفعش يتأجل خالص ممكن تاخد مايا وماما ومرات عمي وتختار اللي هي عاوزاه وانا هبقي احاسب لكن انا مش هعرف اعطل شغلي خالص لان المعاد دا مهم اوي
سليم(الجد):- خلاص يا ابني اللي تشوفه
سليم:- طيب بعد ازنكم بقااا يدوب الحق اجهز نفسي
أنت تقرأ
رواية معشوقتي
Romanceلا يوجد احد في هذا الزمان لم يذق طعم العشق منا من تلذذ به وغاص في اعماقه ومنهم من تعذب جراء هذا العشق ومنهم من عشق في صمت العشق هو اعلي مرتبة للحب اذا عشقت من قلبك ستنسي العالم بأثره ستحارب من أجل ذلك العشق.
