نوفيلا تزوجها دون علمها( بقلم سهيلة جمال)

انتى مشكله

وصل مروان وسدرةو هدير الجامعه واول ما مروان وقف العربيه سدرة نزلت جرى منها وهدير وراها وراحوا عند يارا ومروة
يارا. مالك يا سدرة في ايه
سدرة. يرضيكوا اللى هدير عملتوا دا
مروة. طب أهدى كدا وفهيمينا اللى حصل
هدير. والهى يا سدرة مليش ذنب وحكتلها اللى حصل كله وهى بتعيط جامد
سدرة. طب انتى بتعيطى ليه دلوقتي
هدير. علشان انتى عارفه غلاوتك عندى يا سدرة انتى مش مجرد صاحبه وخلاص انتى اختى انتى ويارا ومروة كلكم اخواتى مش متخيله اننا نبعد عن بعد
مروة ويارا اتاثروا جدا وبدأت دموعهم تنزل وسدرة كمان
سدرةبعياط. خلاص متعيطيش تانى
هدير. يعنى مش زعلانه منى
سدرة. يا هبله هو انا أقدر ازعل منك
يارا بعياط. كفايه يا جدعان الجامعة كلها بتبص علينا
انتبه البنات ولقوا اربع شباب بيبصولهم
سدرة. خلاص يا بنات علشان فى شباب مركزين معانا
امسحوا دموعكم ويلا انا اروح اطلب اكل لسه فاضل ساعه على المحاضرة .تعالى معايا يا يارا
وقامت سدرة تطلب الاكل هيا ويارا وهم ماشيين جه
واحد من الشباب اللى كانوا مركزين معاهم ووقف قدام سدرة وكل ما سدرة تتحرك يمين او شمال يوقف قدامها
سدرة. لو سمحت ما ينفع كدا عادينى
شاب. طب نتعرف طيب
يارا. خلى عندك دم وغور من هنا
الشاب. وانتى مال اهلك انتى انا بتكلم مع المزة التانيه
وكان رد فعل سدرة صادم وغير متوقع ابدا
سدرة وجهتله لكمه فى وشه جامدة اوى وشاب اتغاظ وكان عايز يرد الضربه لسدرة ولكن لقى اللى يوجهله لكمه كمان
مروان. انت يا حيوان عايز تمد ايدك على بنت وفى الجامعه وفضل مروان يضرب الشاب وسدرة كانت خايفه على مروان بالعافيه قدر أمن الكليه يفرق بين مروان و الشاب
مروان. تعالوا على مكتبى يا هوانم
نظرت يارا بخوف لسدرة ولكن سدرة لم تكن خايفه ونظرت نظرتة ليارا بتطمنها اصلا سدرة تعتبر بئر أسرارهم وحلاله مشاكل كل واحده فيهم ومصدر أمنهم لما يكونوا واقعين فى مشكله
كانت مروة وهدير راحولهم وعرفوا اللى حصل وسدرة ويارا راحوا مكتب مروان.وخبطت سدرة الباب
مروان. ادخل
وكانت يارا مرعوبه
سدرة بنفاذ صبر. حضرتك كنت عايزنا
مروان. ايه اللى حصل اللى خلكوا اشتبكوا مع الولاد
سدرة. احنا كنا فى حالنا هو اللى جه وضيقنا
مروان. انتى تسكتى خالص انتى كل شويه بحكايه وكل شويه تعملى مشكله وبعدين هو هيكون ضيقك ليه الا إذا كان انتى عملتى حاجه تلفت نظره
سدرة وقد فاض بها. ما كفايه ظلم بقا وظن بالسوء انتى بتعمل معايا كدا ليه كل دا علشان ضربتك بالقلم
كفايه بقا حرام عليك كفايه وخرجت سدرة من المكتب
يارا. حضرتك ظالم سدرة احنا كنا رايحين نطلب اكل وبعدين الولد دا جه ووقف قدام سدرة وحكتله كل حاجه وخرجت بعد كدا ومروان أضيق جدا وحس أنه هو فعلا كل شويه يظلمها أما عن سدرة بعد ما خرجت من مكتب مروان فضلت تعيط والبنات فضلو يهدوها وكلهم زعلانين على سدرة وكلام مروان ليها
وعندما حل الليل على ابطالنا دخلت هدير اوضه مروان
هدير بعصبيه. انت ايه الكلام اللى انت قولته لسدرة دا
مروان. انتى من امتى يا هدير بتكلمى اخوكى الكبير كدا والدكتور بتاع يا هانم
هدير. مروان انت هنا اخويا وبس الدكتور بتاعى دا فى الجامعه مش هنا
مروان. وايه كمان يا هدير كل دا علشان سدرة
هدير. ايوه علشان سدرة اللى بتحبها وبتعاند وبتكابر وفى الاخر بتطلعه عليها صح
مروان. انتى اتهبلتى يا هدير جبتى الكلام دا منين ولا هيا اللى قالتلك الكلام دا هيا مفكرة انى هحبها واتجوزها تبقى بتحلم
هدير. اولا انا مش هسمحلك تقول كدا على سدرة وهيا واللهى ماقالت حاجه انت علطول ظالمها ليه هيا عاملتلك ايه انت مروان اخويا اللى انا عارفه
ولا عقدتك من البنات بتطلعه على سدرة
صفعه نزلت على خدها لم تدرك هذا ولكن هذا ما حدت
يا رب البارت دا يكون مشوق ويعجبكم متنسوش تصوتكم وتعليقكم