نوفيلا تزوجها دون علمها( بقلم سهيلة جمال)

حبك بيكبر فى قلبى

صباح جديد على ابطالنا بيبدا
قامت سدرة من كعادتها تصلى القيام و تصحى عيلتها ويصلوا كلهم الفجر جماعه وسدرة بتسجد نزلت دمعه من عينها ودعت ربنا يرزوقها الزوج الصالح وفى اللحظه دي افتكرت مروان بس رجعت نفت الفكره من راسها بعد كل اللى عمله معها لكن هيا متعرفش أن مروان انسان ملتزم جدا بس عنده عقدة من البنات وعلى الجانب الآخر مروان بيضوء ويصلى الفجر وفضل يبكى وهو بيصلى ويدعى أن سدرة تكون من نصيبه
مروان. يا رب انا عارف انى أساءت الظن فيها زى كل البنات وطلبت منها الطلب دا بختبر يا رب انا اول مشوفتها اعجبت بيها بس الظاهر انه عدى مراحل الاعجاب بكتير يارب تكون حلالى يا رب تبقى هيا نصيبى وفضل مروان يدعى لحد ما الصبح نور المكان
هدير بتكلم سدرة علشان هدير هتعدى عليها ويروحو الكليه سوا
هدير. سدرة انتى جاهزة علشان اول معدى عليكى تنزلى على طول يا ما لو اتاخرتى هخنوقك
سدرة بضحك. براحتى على فكرة ماشى
وكان مروان داخل الاوضه بتاع هدير وكانت هدير  فاتحه الاسبيكر علشان بتلف طرحتها وكانت بتتكلم هى وسدرة
سدرة. بقولك ايه يا هدير متتاخريش علشان اول محاضرة دكتور مروان ماشى
هدير. هو احنا هنخاف يعنى ولا هنخاف يعنى
ومروان واقف وراها وهيا مش واخده بالها
سدرة. بضحك .مابلاش يا دودو انا عارفكى شجاعه جدا
هدير. ولا يهزنى خالص ولسه بتكمل كلامها لقت مروان قدامها
سدرة. بس هو صعب اوى و فظيع ومعقد انتى مستحملها ازاى دا ربنا يكون فى عون اللى هتتجوزه إذا كان في مجنونه تضحى بعمره وتتجوزه
كل دا ومروان بيسمع وحاط ايده على بق هدير وهدير غرقانه فى الضحك وسدرة عماله تتكلم
راح مروان مسك التليفون وادها لهدير وقالها بإشارة تكمل كلامها معها
هدير. بضحك. بس هو طيب والهى انتى بس لسه متعرفيهوش
سدرة. مين كدا الى طيب دا شرير وشرير اوى كمان
هدير.طب خلاص علشان موت من الضحك يلا بقا روحى زانا أن شاءالله مش هتاخر عليكى
سدرة. ماشى يا قلبى يلا لا اله إلا الله
هدير. محمد رسول الله
وبعد ما قفلو
مروان. دانا هطين عشتك يا هدير ماشى ابقى قابلينى لو خدتى درجه واحده
هدير بخوف. لو النبى خلاص حرمت يا بيه
مروان بحزم. هتسمعى اللى اقولك عليه وتنفذيه
هدير. ماشى حاضر
رنت هدير على سدرة علشان تعرفها انها تحت البيت
سدرة.انا ماشيه يا عمتو عايزة حاجه
ثناء. لا يا حبيبتي خلى بالك من نفسك
سدرة.حاضر يا عمتو امال القردة فين
ثناء. راحت المدرسه من شويه
سدرة. طب يا عمتو سلام ونزلت سدرة بسرعه ولكنها انصدمت
سدرة. انت انت بتعمل ايه هنا
مروان. من غير كتر كلام اركبى
سدرة. لاوالهى وانت مين قالك انى هركب معاك انت فاكرنى ايه انا استحاله اركب
مروان.ماشى بس هعتبرى نفسك شايله المادة بتاعتى
سدرة. اعلى ما فخيلك اركبه وسابتهم ومشيت
فضل مروان ماشى وراها بالعربيه وهيا مضيقه من اللى هو بيعمله وفجاه وهيا ماشيه واحد بيعاكسها وعايز يمسك أيدها .مروان اول ماشاف كدا نزل بسرعه البرق من العربيه وراح لسدرة ومسك الولد الى بيعاكسها وادله لكمتين وفقد الوعى
مروان متعصب جدا وعروقه بارزة
مروان بغضب. انا مش قولتلك اركب عجبك اللى حصل دا افرض انا مش موجود كنتى هتعملى ايه
كل دا وسدرة دموعها بتنزل مش عارفه تفرح ولا تزعل مش عارفه تفرح علشان كانت ديما تلاقى راجل يخاف عليها ويموت اللى ياذيها حتى لو اتعصب عليها زى ما مروان عمل معاهاولا تزعل علشان بيزعقلها وهيا عمرها ما سمحت لحد أنه يتعدى حدوده معاها
مروان.اركبى لو سمحتى
سدرة سمعت كلامه وركبت العربيه ورا مع هدير وطول الطريق كلهم ساكتين ومروان كل شويه يبص من المرايه على سدرة وهيا اخدت بالها بس هيا كانت
فرحانه اوى من حولها
البارت دا فى رايى احلى بارت كتبته وطويل زى ما انتو طلبتو وديما رايكم يهمني واللى حابب ينقد حاجه يتفضل