نوفيلا تزوجها دون علمها( بقلم سهيلة جمال)

خوف ولهفه

كان خائفا عليها.قلبه ينبض بلهفة. هو طوال حياته لم
يرغب بعناق بنت او حتى حملها بين ذراعيه لكن معها يختلف الأمر عندما رايها اول مرة لقد أمره قلبه باللحاق بها لقد أمره عشقه أن يغار عليها من ذلك اليوسف لقد أجبره شغفه أن يتبعها لقد حكم عليه قلبه بحبها
فاقت سدرةوبدات تفتح عيناها تدريجيا لقد كان الجميع حولها بلا استثناء جميعهم من يحبوها الا واحد يعشقها يرغب أن تبقى معه هو فقط ولكن عليه
بالصبر
والد سدرة.الحمدلله يا رب انتى كويسه يا بنتى طمنينى عليكى
سدرة بتعب.انا كويسه يا بابا انا اسفه يا حبيبي خضيتك وتعبك معايا
والد سدرة. انتى بتقولى ايه يا بنتى هو انا عندى اغلى منك انتى وجنى
سدرة.ربنا يخليك لينا يا بابا
يارا.يا وليه قومى بقا انتى هتعملى فيها متهورة
ضحك الجميع ولكن مروان كان نظره معلق على سدرة ولقد لاحظ والدها
هدير. حرام عليكى يا سدرة كدا تخضينا عليكى
مروة. لولا دكتور مروان هو اللى جابك هنا المستشفى وكان قلقان عليكى
والد سدرة. انا مش عارف اشكرك ازاي يا استاذ مروان
مروان. تشكرنى على ايه حضرتك انا ماعملتش حاجه
والحمد لله اننا اطمنا على الانسه سدرة. يلا يا هدير علشان نمشى
هدير بتمرد. لا انا عايزه اقعد مع سدرة واطمن عليها
مروان. مانا مش هسيبك تروحى لوحدك
والد سدرة. خلاص يا مروان يابنى تعالى انا وانت نروح الكافتيريا تحت نقعد شويه عقبال ما البنات يقعدوا مع بعضهم
مروان. ماشى اتفضل حضرتك
وذهب محمد ومروان الى الكافتيريا وظل البنات فى الغرفه
هدير راحت قعدت جنب سدرة على السرير وخدتها فى حضنها
هدير بحنان.مالك يا سدرة ايه اللى حصل يا حبيبتي احكيلنا
سدرة بعياط. قابلت يوسف النهاردة
مروة. يا نهار اسود امتى دا
سدرة. لما انتوا كنتوا فى المحاضرة وهدير راحت الحمام هو جه وسلم عليا وعرفنى على خطيبته
يارا. طب أهدى
سدرة بحزن. انا لسه بحبه بس مكنتش عايزة اشوفه تانى علشان قلبى ميوجعنيش تانى كفايه اوى تلت سنين قلبى كان وجعنى اوى فيهم
هدير بعياط. خلاص والنبى علشان خاطرى انا كمان قلبى بيوجعنى لما بشوفك كدا
بدأوا كلهم يعيطوا وحضنوا بعض كلهم
مروة. خلاص يا سدرة انسيه انا عارفه انك كنتى على أمل أنه يكون من نصيبك بس فكرى معايا كدا هو لو نصيبك كان فعلا جه اتقدملك بس ربنا اكيد شايلك حد احسن منه بكتير حد يستاهلك حد مثلا كان خايف عليكى النهاردة
سدرة بعدم فهم. حد مين؟!
هدير. مروان يا سدرة
يارا. ومالك يا هدير بتقوليها بزعل ليه كدا؟؟
هدير. مفيش حاجه
سدرة. دودو انتى هتخبي عليا انا بردو انا من الصبح حاسه فيكى حاجه  تحكى حبيبتى
هدير. انا مش عايزة اشغلك معايا انتى تعبانه والنهاردة كان صعب عليكى
سدرة بحنان. تشغلينى دا ايه انتوا عارفين يا بنات انا بحسكوا بناتى مش اصحابى لما واحدة فيكوا بتبقى زعلانه ببقى شايله همها
هدير ودمعه نزلت منها . مروان مروان مزعلنى اوى يا سدرة انا بقالى يومين مش بكلمه
يارا. معلش دا مهما كان دا اخوكى يا دودو
سدرة. ايوه يا هدير مروان اخوكى الكبير بردو وبعدين انتى زعلانه منه ليه
هدير. علشان ساعه مشكلتك انتى ويارا وكلامه ليكى
انا مستحملتش وزعقتله
سدرة. ليه كدا يا هدير يعنى تزعقى لاخوكى بسببى لا يا دودو انتى غلطانه
هدير. بس هو ظلمك
سدرة. بردو يا دودو وبعدين دا فى الجامعه ويارا حكتله اللى حصل
يارا. ايوه وحسين بعدها انو ندم على اللى قاله لسدرة
سدرة. صح كدا يبقى لازم يا دودوى يا حبيبتي تعتذرى لمروان وتصلحيه توعدينى بكدا
هدير. ماشى يا قمر انتا
مروة. بت يا يويو انا مش مرتاحه العيال دول متيجى
نجوزهم ونسترهم
انفجرت الفتيات من الضحك
يا رب البارت يعجبكم وبعتذر عن التاخير وانا أن شاءالله هعوضكم هيكون الحلقات ورا بعض علىطول