ဝေဟင် အလုပ်ကနေ အိမ်ကို အစောကြီးပြန်ရောက်လို့ ရေခဲသေတ္တာထဲမှာ ထည့်ထားတဲ့ အသီးအရွက်တစ်ချို့ကိုထုတ်ပြီး ဟင်းချက်ဖို့ ပြင်လိုက်သည် ။ သူတစ်ယောက်တည်းအမို့ ကိုယ်တိုင်ချက်မစားဖြစ်ပေမယ့် ဆိုင်ကတစ်ခါပြင်တွေကို စားရတာ ငြီးငွေ့လာလို့ ရှိတာလေးကို ဖြစ်သလိုချက်စားလိုက်မည်ဟုတွေးလိုက်သည် ။ အရွက်တွေပြင်ပြီး ကြော်မယ်လုပ်ကာမှ အိမ်မှာ ဆီဝယ်ဖို့မေ့သွားတာကို သတိရပြီး အရွက်ကို ခဏချထားကာ ဆီဝယ်ဖို့ တိုက်အောက်ကို ဆင်းလာလိုက်သည် ။ Convenience store ထဲဝင်ပြီး လိုအပ်တဲ့ပစ္စည်းတစ်ချို့ကို ယူကာ ပိုက်ဆံရှင်းရန် ကောင်တာသို့လာလိုက်သည် ။
ကောင်တာနားရောက်တော့ ဖုန်းလာတာနဲ့ ဝေဟင်ဟာ ဖုန်းကို ကောက်ကိုင်လိုက်သည် ။
" ဘာကိစ္စလဲ ........အောင်အောင် .... ။ ညီမ ..... ဟိုဘူးပါထည့်ပေး "
ကောင်တာပေါ်မှာတင်ထားတဲ့ အပြာရာင်ပီကေဗူးကို လက်ညိုးထိုးပြပြီး တစ်ဖက်မှပြောလာသည့် အောင်အောင် စကားကို နားစွင့်လိုက်သည် ။
" ................. "
" အာ ......... မင်းကလည်း မနက်ရောက်မှ ပေးမယ်လေ ။ ဒါလေးအတွက်နဲ့ တကူးတက ဖုန်းဆက်နေသေးတယ် ။ ဒါပဲ ....... ငါမအားဘူး "
ဝေဟင် ဖုန်းကို ဘောင်းဘီအိတ်ကပ်ထဲထည့်ကာ ပိုက်ဆံအိတ်ကိုနိုက်ထုတ်လိုက်သည် ။
" ၁၈၀၀၀ ပါ အကို............'
Cashier ကောင်မလေးဟာ ပစ္စည်းတွေကို အိတ်တစ်လုံးထဲ အကုန်စုထည့်ပြီး သူ့ကိုလှမ်းပေးလိုက်သည် ။ ထို့နောက် ဝေဟင်ဟာ အထုပ်ကိုဆွဲပြီး တိုက်ခန်းဆီပြန်လာလိုက်သည် ။
ညဖက်မလို့ လမ်းကရှင်းပေမယ့် တစ်လမ်းလုံးက လင်းထိန်နေလို့ ဝေဟင် ဖြေးဖြေးချင်းလျှောက်ပြီး လာခဲ့လိုက်သည် ။ ထိုစဉ်ဘာကြောင့်မှန်းမသိ သူ့ရဲ့ဘယ်ဘက်မျက်ခွံ လှုပ်လာလို့ မနက်ဖြန်အလုပ်မှာ ဘာပြသနာတက်ဦးမလဲဟု မဆီမဆိုင်တွေးရင်း သူနေတဲ့ ငါးလွှာသို့ တက်လာခဲ့လိုက်သည် ။
" ကိုလေး ........... "
ဟုတ်ပါတယ် ....... သူ့မျက်လုံးတွေအကောင်းကြီးရှိသေးလို့ သူ့တံခါးဝရှေ့မှာ ရပ်စောင့်နေတဲ့သူက ကိုလေးဆိုတာ သူသေချာသိလိုက်ပါတယ် ။ ကိုလေးက သူ့ကို စူးစူးရဲရဲပင်ကြည့်လာပြီး ထုံးစံအတိုင်း ဆူပူကြိမ်းမောင်းလာသည် ။
