ترانيـم ــ ( طريقي في الحياة )

نالبارت 2

مساء الورد حبايب .. 💕
///// البارت الثانـي /////
#بقلم_الكاتبة_شمس
( شمس السعـدي )

********* #ترانـيــم ***********

تأخذني خطواتي بعيدا..
و اتوه بين الذكريات..
والوم نفسي على مافات..
واشتكي من قسوة الحياة ..
توهني زماني..
وارهقتني أحلامي...
احلام بسيطة رسمتها..
ظننت اننـي سأكملها..
فإذا بها تحولت لدموع...
لاهات جرحت الروح في العمق..
وأصبحت اكتبها في مذكراتي..
فربما بعد أن تتلاشى خطواتي..
يقرأها احبابي في غيابي !!

بعد ماحركت السيارة ..
دگ موبايل علي ..
رد ..
ها عزيز نسيت شي !!

بقى يستمع الة بعدها گالة ..
لو مخليهم بشقتك احسن !!
بس لا امي تسويلنا سالفة ..

كان يتكلم بهمس والغاز وماقدرت افهمو وافهم لغتو ..
من غشعت كلام علي . افهمت انهم مو من بغداد ولا من الغربية ..
او محافظات الشمال ..

لهجتهم مختلفة عنا .. ماانكر كان في خوف قليل بداخلي
مااعرف مصيري او طريقي وين ماخذني ..
لكن كل شي اهون من بقائي بالموصل والرعب الي شفتو ..

كنت احاول اكون اقوى الاجل لينا ماتغشعني خايفة وتنرعب معاي ..
هي تستمد قوتها مني ..

لينا بطبعها مرحة وتحب الحياة لكن بعد الاحداث الي صارت تغيرت وعم عليها الهدوء ..

لينا .. احنة وين رايحين ..
ترانيم .. مااعرف حبيبتي يمكن على بيت اهلو لعزيز ..
لينا .. ليش هو وين بيتو ..
ترانيم .. نوصل ونعرف ..

علي .. اووووه صدگ نسيت .. وگف السيارة ونزل ..
بقينا ننظر من الشباك وخايفين ..
هذا لوين نزل وتركنا ..

رجع بيدو اكياس من جنطة السيارة ..
فتح باب السيارة ..
-هاكم هاي عزيز اشترالكم لفات گص للطريق اكيد لسا مامتعشين موووو ..

بقينا صافنين بوجهو ..
-ترى والله مااحجي عجمي .. انا اتكلم عربي عربي تفهمون عربي ..
كان يحاول يترجم بكل الطرق وكل ظنو مانفهم عليه ..
لينا مااتحملت ضحكت بصوت عالي ..

-شكلك يضحك وانت تترجم .. واحنة كذلك مو غرب .. ونفهم عربي ..
ضحك وگال .. جا صار ساعة احجي وياجن شبيجن صافنات ماتردن واني من كل عقلي اترجم ..

اخذت الاكياس منو ورجع للسيارة يسوق ..
ابتسمت ابتسامة خفيفة ..
بعد ماشفت ضحكة لينا لأول مرة ..

انطتني لفة اشرتلها مااشتهي ..
انطت العلي ماقبل ياخذ ..
لكن اصرار لينا اجبرو انه ياخذ منها ..

وصلنا يم سيطرة ..
فتح الشباك علي .. لان كان مشغل تكييف بالسيارة
كان الشرطي يغشع علينا ويسأل علي ..

انتو من وين جايين ..
-من بغداد ..
-والبنات شيصيرن منك ..

يمكن قارن الشبه بينا وبين علي .. علي اسمر مو مثلنا
علي .. اقربائنا البنات ورايحين للعمارة اهلي هناك ..