ترانيـم ــ ( طريقي في الحياة )

بارت 8

مساء الحب والسعادة حبايب 💕
///// البارت الثامـن /////
#بقلم_الكاتبة_شمس
( شمس السعـدي )

********* #ترانـيــم ***********

الباب مفتوح ..
وانا واقفـة ادحق في الشارع .
كل هذه الاراضـي والبيوت والبنايات حـولي .
لكـن احس نفسي واقفـة في المجهـول ..
حياتـي لاتُعرف لهـا بداية ولانهاية ..

احاول ابقى قوية لأجل لينـا .. لكن قلبـي يصرخ ويتمرد احسو ضدي يحاول يضعفنـي ويخلينـي استسلم ..

اصحي ترانيم !!
انتـي هوني مجبورة .. طلعوكـي من بيتكي ومدينتكي بالقوة ..
مالازم تستسلمي لقلبكي .. لامجال للعواطف في حياتكي ..

صحتني من تفكيري الخالة ام رماح ..
امي ياترانيم .. ياامي ..

ترانيم .. هااا خالة اسفة مااسمعتكي ..
ام رماح .. اشنو الي شاغل بالك ياابنيتي ..

ترانيم .. حاليا مايشغل بالي الا اهلي والوقت الي يجمعنا معاهم القدر ..

ام رماح .. ياامي وكلي امرك للرب هو الي بيدو ملكوت كل شئ ..

دخلت لينا وعمو ابو رماح ..
كانت فرحانة كثير وتقول .. رنوم اغشعي اشنو اشتريت الكي ..
كانت مشترية لي دفتر واقلام تعرفنـي اعشق الكتابة ..
لينا .. عجبتكي ..
ترانيم .. حبيبتي عجبني كثير .. وانتي اشنو اشتريتي ..
لينا .. انا اشتريت هذا الحجاب .. عمو ابو رماح قلي راح يليق على عيونكي ..
ترانيم .. اكيد راح يليق لكن انتي ماتحبي ليش اشتريتي
لينا .. حتى لو مااحبو .. لكن احنة ببلد واحد وكلنا اهل ولازم نحترم عادات وتقاليد غيرنا وخاصـة انو احنة عايشين بمدينتهم ..

كانت تدحق بعمو ابو رماح وتبستم ..
عرفت انه هذا كلامو ..
وهي حبتو لدرجة تسمع كلامو وتطبقو ..

ام رماح .. يلة خلونا نفتح الاكياس ونرتب الاغراض ..
ترانيم .. انا راح اخذ البرغل واطبخو بين مايستوي اعمل الحشوة ..

عملت البرغل وهدرتو على نار هادية..
تذكرت سراب لما تقول ..
اهدر التمن .. او هدري التمن على نار ناصية ..

اشتقتلك يااختي !!
كملت وبقينا نلف بيها انا وخالة ام رماح ..
وعملنا بصحون بلاستك وغلفناها بأكياس حفظ ..
خالة ام رماح .. ترانيم بنتي اخذي الكبة انتي ولينا على الحسينية الي يمنا ..
عندهم مجمدة .. 
عمو ابو رماح .. وصى على مجمدة بس اتأخرت بالتوصيل
اخذناهم ورحنا لناس كانو من الفلوجة اعتقد كلامهم مو مصلاوي مثلنا ..
رحبت فينا المرة واخذت الكبة..  وقالت ..

-انتو تشتغلوا بالمواد الغذائية ؟؟
-اي .
-انا من رأي تعملي صفحة ع الفيسبوك احسن .. انتي محد يعرفج هنا واكيد ماراح تستفادين ..
-عمي ياخذهم ع السوق ويبيعهم ..
وانا ماعندي انترنت ..
شكرتها ورجعنا ..

لينا .. اختي اشتاقيت السرور انتي مااستاقيتي الهم ؟؟
ترانيم .. شلون مااشتاق وعقلي مايقدر ينساهم ..
لينا .. اختي احنة ليش هربنا منهم ؟؟
ترانيم .. الحياة تتطلب هيكي .. انه لازم نترك اشياء ورانا حتى نقدر نعيش فيها ونقاوم ..
لينا .. اشنو هالحياة الي تخلينا مشتتين كل يوم بمكان ..
لو باقين بالموصل افضل ..