Spoken Word Poetry ( Tagalog )

Dalawang Magkalayo : Pusong Pinagtagpo

Hello guys sa tinagal tagal ngayon lang ulit ako naka pag publish, sobrang busy sa work at the same time minsan wala ng oras sa sarili, but this time gumawa ako ng tula para sa aking Special someone <3

---

I'm just happy na masaya na ulit ako sa tinagal tagal ng paghihintay dumating din siya, soon magkikita rin kami <3
ang tulang ito ay hindi lamang naglalaman ng pagmamahal ko sa kanya, kung hindi ang aral na sana ay tumatak sa ating isipan
--
*na hindi indikasyon ang distansiya para sumuko ka, bagkus ito ang magpapatunay na paglayuin man kayo ng mga hangganan at karagatan di nito matutumbasan ang pag-ibig na dalisay para sa isang taong iyong pinakaiingatan*

I.
Sabi nila ang pag-ibig daw ay bulag
ngunit akalain mong nakita kita? 
sa layo ng distansiyang 
namamagitan sa ating dalawa
natagpuan kita, sa panibagong yugto.
at sa paghawi ko ng 
panibagong pahina
hindi manghihinyang bumalangkas ng 
istorya lalo na't kung 
ikaw ang kasama aking prinsesa.

II.
diko parin malilimutan
ang unang gabi, mga oras 
na tayong dalawa ay nagkakila
sa social Media
sa simpleng pag accept
nagsimula ang istorya
hanggang sa ako'y bumati
di maipaliwanag 
ang ngiti sa aking mga labi
sadyang di ako mapakali kung ano
ang iyong masasabi
sa aking pag pagpapansin 
Binibini <3

III.
hanggang sa tayo'y 
naging magkaibigan 
napagusapan ang mga bagay 
kung saan tayo may hinanakit 
at nahihirapan.
hindi ko lubos akalain na mabibihag mo 
ang puso kong pihikan,
sa bilis ng pangyayari ay nais na kitang ingatan
hawakan, yakapin at sabihing 
pwede bang ikaw nalang?
dahil kung oo ang sagot mo
Mahal, ora mismo
mamahalin at iingatan ko ang tulad mo.

IV.
at tila isang himala
ang buong katawang lupa ko
ay hindi makapaniwala,
ng aking makita na ikaw mismo
ang nais mag-ingat sa isang gaya ko
isang gaya ko na hindi naman gwapo
pero kaya kang mahalin 
higit sa nagagawa ng ibang tao,
isang gaya ko, na handang ibigay ang puso ko
sa isang tulad mong 
kayang mahalin at ingatan ang tulad ko
isang gaya ko, na hindi lang sa una
magaling bagkus 
binibini ikaw ay mamahalin 
at araw araw kang pipiliin.

V.
lumipas ang mga araw na kay saya
tila ayoko ng matapos pa ang
mga sandaling sa atin ay nagpapasaya
nagdudulot ng ngiti,
sa labi ng bawat isa
mga biruan na parang nagliligawan 
tila mga paro-parong 
naghahabulan sa madilim 
ngunit nagliliwanag na buwan.
ang boses mong naging musika
na hinahanap ng aking tainga 
diko na nais pang mawala,
ang ganitong pagkakataon na kasama ka.

VI.
ngunit hindi natin maiiwasan,
na sa isang relasyon ay
magkaroon tayo ng alitan,
ginagamay ang kahinaan at kalakasan,
dahil sa pag-ibig kailangan nating malaman 
na hindi lang puro saya o kilig ang
pwede mong maranasan.
maari tayong magkainitan,
o di kaya'y magkasumbatan 
sa galit ng dalawang nagmamahalan 
nakakalimutan na nilang sila
ay nagiibigan,
dalawa tayong magkalayo,
ngunit magkadikit ang puso.

VII.
Sa malupit na Mundo 
at di maintindihang sistema ng tao,
napakapalad mo kung makahanap ka
ng taong totoo at magpapahalaga sayo.
na kahit galit ka,
na kahit naiinis ka
na kahit ganyan ka
at kahit hindi mo malaman
kung ikaw paba ang nagsasalita 
ay iintindihin ka niya,
at ibubulong niya sayong 
"tama na, Mahal na mahal kita"

VIII.
kung kaya't ng dumating ka sa buhay ko
Jane Cathleen Mallo
napagtanto ko 
na masarap pala sa pakiramdam
mahalin ang taong mahal ka rin.
ikaw at ako, tayo ay magsasama rin 
sa panahong walang takda 
nais kong makasama ka 
hanggang sa pagtanda.
tatawanan ang mga naging problema 
at alalahanin ang unang 
araw ng ating pagkikita.
dalawa man tayong magkalayo
ngunit puso natin ay magkasundo
dalawa man tayong magkalayo
pagmamahal ng bawat isa ay buo.

IX.
Hindi hahadlangan ng oras at distansiya 
ang pasensya ng isa 
sapagkat araw-araw ay sasamahan kita
sa saya 
maging sa kalungkutan 
o di kaya sa kabagabagan,
kung pakiramdam mong nag-iisa ka
at parang walang gustong dumamay sayo sinta
nandito ako,
ang pareha ng iyong puso 
na kahit malayo
ay iibigin ka ng buong puso.
ikaw at ako, tayo
dalawang magkalayo
ngunit magkadikit ang puso.