جرينا الونسه لحدي الساعه 2 صباحا 😅 الصباح مشيت الجامعه كسلانه والطريق كلو نايمه😅لمن وصلت ابيت اصحا لي مالك🙂وهو شغال يصحي فيني ويقول لي ي بت انا م فاضي ليك انا عندي محاضره 😒قلت ليهو امش خليني امشي محاضرتك انا بجي بعد شويه . وم كنت قايلاهو ح يصدقني فات خلاني الحمار😟وانا نايمه قريب الساعه🙄والعربيه شغاله والمكيف شغال العسل داك😍قصدي لؤي😅جا طالع وماشي علي عربيتو كانت جنب عربيه مالك لمحني وانا في ساابع نومه🙂جا فتح الباب وبقي بيصحي فيني وانا اقول ليهو مالك ياخ قلت ليك بجي بعد شويه😟عرفني انا مسطحه من السهر لمن وعيت لي نفسي لقيتو بيصحي فيني قلت ليهو الجابك شنو🙂ومالك وينو قال لي مالك مشا المحاضره سألتو من الساعه قال لي 10 ونص قلت ليهو شنوووو😟يعني انا نايمه ساعه ونص والمحاضره خلصت🙂 بقا يضحك فيني وانا اقول ليهو م تضحك لانو دا كلو بي سببك😒قال لي قومي ارح نشرب قهوه عشان تصحصحي😅👊بطلت العربيه وقفلتها ومشيت شربت قهوه ضربت لي هديل بتقول لي ويينك قلت ليها شالتني نومه انا عند ست الشاي البره دي بشرب قهوه قالت لي طيب جاياك جاتني سلمت علينا ولؤي قال لي استأذنكم انا 😊مشا وبقت تقول لي ولاء وهي مخلوعه😅الما بخليها تنخلع شنو لكن😂قالت لي دا منو ي بت قلت ليها اتلاقيت معاهو في الطياره 😅قالت لي يعني هو كمان من امريكا😍قلت ليها لا بيزور امو في الاجازات ❤️اتونسنا شويه كدا ودخلنا الجامعه مشينا المحاضره ولسوء الحظ كانت مع اب صلعه لا وكماان جا قال لينا عندكم تيست وفيهو اعمال سنه 😊هديل شغاله تنبز فيهو 😂قالت لي انا راسبه قلت ليها انا الحمد لله بقرا محاضرات اليوم باليوم😊فعلا اشتغلت التيست والحمد لله كلو عارفاهو وانتهيت اول واحده كمان سلمتو ورقتي وطلعت مسكت تلفوني ومركبه سماعاتي واغني كالعاده😊ضربت لي رو رديت هلا حبي❤️قالت لي خلصتي؟قلت ليها ايوه😍قالت لي ح اجيك اسي بالعربيه بتاعت بابا ونطلع نمشي الكوافير لانو عندي عرس صحبتي وح تمشي معاي قلت ليها طييب اكلم مالك واطلع❤️اتصلت لي مالك م رد علي والمشكله انو مفاتيح العربيه معاي قلت امشي اديهم ليهو مشيت سألت ولد عن مكان القاعه قال لي ارح اوديك مشيت معاهو قال لي اسمك منو؟قلت ليهو اسمي ولاء قال لي انا مؤيد😊قلت ليهو اهلا 😊وصلني قلت ليهو شكرا❤️ لقيتو قاعد مع بت الكلب عشان كدا م رد علي🙂وقفت بعيت اتصلت وم بيرد علي مشيت ليهو عديل سلمت عليهم والبت تعاين لي سااي😂شاكلتو لي م بترد علي مكالماتي😒ودي منو ساااكت ساي البت قالت لي انتي منو؟قلت ليها اختو م تخافي😂وقعدت اضحك وهم زاتو بقو يضحكو اديتو المفاتيح وقلت ليهو جاياني رودينا بي عربيه عمو طالعين. قال لي خلو بالكم❤️وطلعت لقيتها واقفه لي حكيت ليها بي موقف مالك بقت تضحك قالت لي بتكون حبيبتو 😅قلت ليها ظاهر عليها ي بت😂كدي خلينا من الموضوع دا قلتي لي ماشين عرس🙂قالت لي اي وابشرك فيهو جكس نضيف 😍قلت ليها تافهه😒مشينا الكوافير اتمكيجنا ولبسنا فساتين عجييبه انا حقي بالكبدي وحق رو كحلي❤️ومشينا طلعنا الصاله
يتبع..
