حتي نسيت اني جعانه لقيت خالتو جايبه لي اكل قال لي انتي جيتي المطبخ لي شنو طيب اقعدي اكلي😂❤️قعدت اكللت ومعاي رو قالت لي في فلم في ام بي سي 2 اول عرض رأيك شنو نحضرو قلت ليها اوكي تمام قال لي طيب ارح البقاله نشتري حاجات ونجي ماشين علي العربيه كدا قلت ليها رو الجو حلو ياخ تعالي نمشي بي رجلينا قالت لي ي بت الدنيا ليل وانا بخاف 😂قلت تخافي من شنو وانا في ي بت يلا ارح وبطلي هباله قالت لي لو حصلت لي حاجه علي مسؤليتك حمرت ليها كدا ومشينا ونحن بنتونس والجو حلوو شدييد ياخ هوا باارد وفيهو ريحه مطر شكلها ح تصب وفعلا ونحن ماشي نقطت كدا 😍رو قالت لي ي حماره اسي لو جينا بالعربيه م كان حصل معانا كظا اسي ح نتبلي قلت ليها ي بت احلي حاجه يلا امشي وانتي ساكته 😍وصلنا البقاله دخلتنا كظا المطره صبت شديد 😂😍رو بقت تصرب فيني وبتقول لي انا خايفه ياخ والهبله بقت تبكي😂قلت ليها ارح م بتحصل لينا حاجه 😂قالت لي ي هبله الحاجات الشايلنها دي بتتبلي قلت ليها صح والله طلعت تلفوني اتصلت علي محمد م بيرد اتصلت ليهو كم مره م بيرد اتصلت علي مالك ردا لي قال لي انا في النادي م بقدر اجي لانو المكان بعيد داير لي ساعتين عشان اصل قلت ليها طيب بتصرف قلت وقفل انا طبعا م خايفه لانها مجرد مطره لكن رو م عارفاها مالها😂💔قلت ليها ي بت م تخافي 😂 بتاع البقاله قال لينا م تطلعو في المطره دي خلوها تقيف تاني اطلعو بقينا واقفين مستنين المطره تقيف والمشكلة انو هي ماشه تزيد زياده رفت تلفوني قلت يمكن محمد رجع لقيتو م رجع بس لقيت مكالمه من لؤي😍رديت قال لي وين ي الشافعه😂قلت ليهو دا م وقتك قال بي مالك زهجانه ودا شنو الصوت دا قلت ليهو محبوسين في بقاله 😂قال لي شنوو😳قلت ليهو المطره صبت وم قادرين نطلع قال لي اضربي لي ناس البيت قلت ليهو ضربت م بيردو ومالك في النادي قال لي طيب وصفي لي البقاله وصفت ليهو البقاله نص ساعه كظا لؤي جا 😂قلت ليهو صحبي ياخ قال لي بطلي الحنك واركبي ركبنا ونحن في الطريق رودينا بقت تشاكل فيني😂 وقالت لي لؤي مستحملها كيف البت دي😒قال ليها اسكتي ساي مسحمل بلا انا😃ضربتو قلت ليهو ي معفن شوف البسمع ليك منو 😒قال لي خلاص وحياتك😂 وصلنا البيت رو الخوافه نزلت وجرت طوالي 😂وانا دايره انزل لؤي مسكني من يدي قال لي ولاء خلي بالك من نفسك وم تطلعي بالليل نهائي ولا بي رجليك ولا بالعربيه ثم ثانيا التوب سمح فيك😂قلت ليهو شكرا 😂ويلا باي انا ماشه نزلت وطوالي جري غرفتي غيرت ملابسي ومشيت لي رو حضرنا الفلم. ونمنا سوا😍❤️صحيت الصباح بدري نشيطه مشيت الجامعه كان عندي محاضره واحده خلصتها ومشيت محل كدا اشتريت لي رو هديه عباره عن طقم فضه كامل لانها بتحب الفضه😍 وجيت البيت عشان نحضر لي الحفله زينا البيت زينه حللوه شدييد وصحباتها ساعدونا شديد بالجد❤️اول م جات داخله من الامعه خلعناها بقت تصرخ لمن شافت البيت والزينه وصحباتها بقت تبكي وتحضن زول زول 😂😍فرحانه شديد ياخ قطعنا التورته محمد جاب ليها هديه في صندق كدا اول م فتحت الصندوق لقتو مفتاح اتفاجأت محمد قال ليها برا😃قالت ليهو شنو البرا قال ليها شوفي المفتاح دا كويس😒شافت المفتاح وطلعت برا لقتها عربيه برادو😍رو دي دايره تجن بس قعدت في الارض وبقت تبكي😂قالت ليهو يعني ي حمودي انت م كنت بتكزب علي لما قلت لي عيد ميلادك الجاي بجيب ليك عربيه😭❤️قال ليها انا اكزب علي اختي خبيبتي ومشت حضنتو ياخ بالجد انا ن شفت اخ بالحنان دا قبل كدا بالجد ربنا يخليهو ليها ❤️واي وحده من صحباتها جابو ليها هديه انا قلت حقتي بديها ليها بي طريقتي انتهت الحفله واي زول طلع غرفتو وهي مشت عربيتها العاجباها تشيل واصور فيها مشيت شلت هديتها وشيت ليها اديتها ليها فتحتها بقت تصرخ😂وتتمتم م عارفه تتكلم وتبكي في نفس الوقت قال لي م عارفه اقول شنو ياخ انا محظوظه بالجد انو عندي اهل وتصحاب بحبوني كدا ❤️😭😭😭قلت ليها م تقولي ولا حاجه انتي تستاهلي اكتر من كدا😍❤️
يتبع..
