قال لي انتي بتقولي كدا عشان الولد الاسي دا صح وريني الكلب القال ليك الكلام دا منو طوالي صرخت في وشو قلت لي حازم احترم نفسك اوعك تقول كلمه في لؤي فاهم قال لي لي بتحبيهو صح قولي لي انطقي قولي قلت ليهو اي اي بحبو انت مالك فجأه وقف العربيه ونزل وجا فتح بابي ومسكني من يدي ونزلني قال لي انزلي دايرك قال لي ولاء انا اسف علي كل شي حصل زمان واسي مستعد اجي اتقدم ليك واخطبك بس عليك الله م تخليني انا دايرك
قلت ليهو شنو😂وضحكت ضحكه استهبال كدا قلت ليهو عليك الله انت داير تغشني بالكلمتين القلتهم لي ديل انا م زي البنات ديل تمام ولو سمحت رجعني البيت ولا اقول ليك برجع براي مسكني من يدي وانا لمن وجعتني 💔قلت ليهو حازم فكني قال لي م بفكك قلت ليهو فكني انا م دايره معاك كلام قال م بفكك الا توافقي وماسك لي يدي ووجعتني شديد وانا طوالي طاااخ كف في وشو دا لمن حمر قلت ليهو لمن تبقا راجل وتعرف تتعامل مع بنات تاني تعاي اعرض وشك دا قدامي ي م محترم
وانا بقول في الكلام دا حسي بي راحه كدا عجيبه احساس رهيب اول مره احس بيهو وطوالي ركبت لي امجاد ومشيت البيت اول م وصلت طوالي جري غرفتي وشلت تلفوني وضربت لي لؤي قلت ليهو لؤي قال لي احكي قلت ليهو انا بحبك قال لي شنو م سامع عيديها تاني قلت ليهو دا م وقت هبالتك😒قال لي بالجد ي ولاء انتي م بتكزبي❤️ قلت ليهو ودا موضوع يكزبو فيهو بقا يصرخ بي اعلي صوتو ويقول ولاء وافقت ي ناس وافقت وانا اقول ليهو ي مجنون اسكت😂 قال لي ي ولاء واقسم بالله دا احلي يوم عشتو في حباتي انا اليوم دا مستحييل انساهو قلت ليهو بالجد انت عيشتني احلي لحظات حياتي وكنت معاي في الحلوه والمره وانا م ح القي رفيق حياه احسن منك❤️
عدت الايام والشهور والسنين لؤي اتخرج وسافر كندا يشتغل عشان يكون نفسو ❤️قال لي والله ي ولاء بس اول م امسك قروش في يدي طوالي اجي واسوقك ❤️قلت ليها علي راحتك انا م مستعجله❤️امتحنت السمستر الاخير في سنه 3 ❤️يوم ونحن بنتكلم قال لي قومي افتحي الباب قلت ليهو شنو م فهمت قال لي قومي بتفهمي اسي قملت لبست عبايتي ونزلت فتحت الباب فتحت الباب لقيت صندوق كبيير كدا فتحتو لقيت فيهو كديسه شيرازي لونها ابيض 😍😍انا م مصدقه بقيت ماسكه الكديسه وببكي فجأه اسمع ليك صوت بيقول لي بتبكي مالك رفعت راسي لقيتو لؤي ياخ دايره اموووت من الصدمه انا حضنتو من غير م احس🙈❤️وبقية بضرب فيهو وبقول ليهو لي م كلمتني قال لي الليله عيد ميلاد حبيبتي كيف م اكون معاها واحتفل معاها😍وانا زي الاهبل الما فاهم حاجه بس ببكي وميته من البكا قلت ليهو الليله شنو قال لي 27/11 قلت ليهو واي بالجد الليله عيد ميلادي 😭وانا بس شغاله ابكي منظري بيش شديد زي م بيقولو😂💔بعد هديت كدا طلع لي علبيتين صغار كدا قال لي يلا قلو ليهو ديل شنو فتحتهم لقيهم خاتمين فضه واحد لي وواحد ليهو قال لي يلا خطوبتنا اسي والعرس الاسبوع الجاي لانو م قادر اصبر بالله😂❤️ضربتو قلت ليهو تافه😒👊
لبسنا الدبل وكانت خطوبه حللوه بي ملابس البيت بس م كان هاميني ابدا لانو كان احلي عيد ميلاد في حياتي ❤️
عدت اسبوع والعرس بعد شهر❤️ جا وماما وبابا جو للعرس موضوع الحبسه والكلام دا ياخ موضوع حلو شديد والعجب الشيله اخرناها انا ورو وهديل ❤️الشهر مضى ويوم العرس جا وانا بدل م اكون متوتره وخايفه مبسووطه شديد😂عاد كيف م اكون مبسوطه ولؤي ح يبقي راجلي🙈❤️اتزوجنا كان احلي يوم في حياتي ❤️مشينا شهر العسل جزر المالديف قضينا اجمل واسعد الحظات مع بعض وكل م مرت الايام كل م حبيت لؤي زياده واحترمتو زياده لانو بعاملني كأني ملكه❤️بعد شهر العسل انتها سافرنا السودان لي اهلنا سلمنا عليهم ورجعنا سافرنا كندا وانا كمان خلصت قرايتي هناك واشتغلت في احسن شركه في كندا ودا كلو بي سبب لؤي لانو كان سند لي في الحياه وكان دايما بيرشدني وكان فخور بي ❤️
مرت سنتين جبت احلي توأم في العالم سميتهم رودينا وريناد لانو كنت واعده رو انو لمن اجيب بت ح اسميها عليها وفعلا شالت كل ملامحها وطبعها❤️
دي كانت حياتنا فيها الساهل وفيها الصعب❤️ فيها الكعب وفيها السمح
كانت بسيطه وكلها سعاده وفرح❤️
.......النهايه.....
