قلت ليهو حازم في حاجه الليله؟قال لي لالا والله بس حبيت اشوفك واوصلك البيت عندك اعتراض🙂قلت لا ياه معقوله وصلني البيت قال لي خلي بالك من نفسك قلت ليها طيب يلا باي طلعت مشي غرفتي لقيتو مرسل لي رساله في الواتس كدا (الليله لاقيتو وملأ السرور😍❤️)قلت دا مالو ولا رديت علي الرساله غيرت ونزلت اكلت وجيت لقيتو مرسل لي تاني قال لي مالك م بتردي😒قلت ليهو م عرفت ارد قال لي يعني اعتبر الاجابه لا 🙂قلت ليهو اجابه شنو😒قال لي بتحبيني ولا لا قلت ليهو حازم دا شنو الكلام البتقول فيهو دا قال لي بحبك اعمل شنو؟قلت ليهو الحب العديل دا😂طبعا انا قايلاهو بهظر🙂قال لي اي العديييل دا وانا م دايرك توافقي اسي لانو انا بحبك❤️في سري قلت كيف م دايرني اوافق وبحبني دا اهبل ولا شنو😂😒قلت ليهو طيب
المهم الايام عدت وانا بقيت اليوم كللو بتكلم مع حازم 😂❤️ولما م اتكلم معلهو بحس يومي دا كيف كيف 😂💔ناقص كدا يوم وانا في الجامعه قاعده مع هديل وبتونس معاها في نص الونسه كدا قلت ليها والله ي حازم😂وانا ولا منتبهه لي نفسي😂💔ودايره اتم كلامي قالت لي دقيقه دقيقه سمعت حاجه انا قلت ليها مالك ي بت الناس 🙂قالت لي حازم دا منو؟ قلت ليها شنو😳حازم شنو ي بت اسي الجاب سيره حازم منو؟قالت لي م تستهبلي احكي لي اسي في نص الكلام قلتي حازم بدل تقولي اسمي😒المهم حكيت ليها كل شي وقلت ليها اليوم كلو بفكر فيهو قالت لي طيب هو بحبك؟قلت ليها هو قال لي اي🙂قالت لي طيب تاني في شنو ي هبله انتي زاتك بتحبيهو قلت ليها م عارفه يمكن يكون م حب قالت لي ي بت انتي هبله اذا انتي انا قدامك قلتي لي اسمو معناها دا شنو اسي طلعي تلفونك ورسلي ليهو قولي بيهو بحبك اترددت وقلت اقولها واتوكل شلت التلفون ورسلت ليهو في الواتس طوالي ردا لي قالي لي ولوويه خبرك قلت ليهو بخيير عايزه اقول ليك حاجه قال لي احكي قلت ليهو بحبك قال لي انتي جاده😍قلت ليهو ايوه قال لي ي سلاام ياخي ولي من زمان م قلتيها قلت ليهو صحبتي نصحتني اني اقولها سكت بعد مسااافه ردا لي قال لي طيب لكن م ح نرتبط ارتباط عديل طبعا كلامو فاجأني شديد قلت ليهو كيف يعني قال لي ولوويه انا بحبك وم داير اظلمك 💔في سري قلت دا شنو الاهبل دا طوالي هديل شالت مني التلفون ورسلت ليهو قالت ليهو ولا ارتباط ولا بتاع قال لي بس ي ولاء والله بحبك وانا خايف اظلمك كتبت ليهو طيب ي محمد من الليله نحن اخوان تمام قال بس ي ولاء كتبت ليهو ولا بس ولا بتاع خلاص الكلام انتهي وعشان علاقتنا كظا حلوه انا م ح اقطعها وح نفضل اصدقاء زي م كنا زمان وقفلت علي كدا 💔طبعا انا مصدومه وم عارفه الشعور الجواي حاسه بي قلبي دا كأنو غازه فيهو سكين ودموعي دايره تنزل بس م قادره اطلعها بس لقيت نفسي مسكت التلفون وكتبت في الحاله حقتي ي ريت لو م فتحت خشمي دا💔طوالي حازم شافها وردا لي قال لي ولاء انتي م عملتي حاجه غلط م تعملي في نفسك كدا قلت ليهو حازم من الليله نحن اخوان وبسس قال لي اذا دا بريحك انا م عندي مشكله 💔عدت الايام والكلام بيناتنا بقي عباره عن السلام عليكم وعليكم السلام بس يعني مرات مرات بنتونس💔
يوم وانا في المحاضره اتصل عليي بابا وانا عشان في المحاضره م رديت عليهو وطوالي عملت التلفون سايلنت لمن طلعت لقيت 20 مكالمه انا قلقت واتوترت شديد دايره اتصل لقيت تلفوني م فيهو رصيد جريت جري علي الدكان وانا ببكي الناس دي كلها تعاين لي شافني لؤي وانا جاريه جا جاري وراي اشتريت الرصيد وطوالي اتصلت علي بابا اول م الخط فتح قال لي وينك ي بت بتصل ليك من قبيل م بتردي المهم امك دي عيانه شديد ولسي لي المستشفى ح نعمل ليها عمليه يوم الاحد قلت ليهو بي صوت عالي امي مالها امي فيها شنووالتلفون وقع من يدي والخط فصل وانا وقعت في الارض ببكي وبصرخ امي مالها جا لؤي لقاني واقعه في الارض بقا يصرخ ويقول لي مالك ي بت قول ليهو وااي ي لؤي امي عيانه وراقده مستشفي وانا ببكي وبصرخ وهو بيحاول يعدي فيني م قادر وانا بعد شويه كظا اغمي علي من الصدمه م حسيت نفسي الا وانا في المستشفي
يتبع...
