صلوا ع النبي...
💚💛
مش عايزه ايموشات... يكفيني اشوف الاراء...
عشان اكمل فيها وبس...
بدأيه خير بأذن. الله
------
روايه/موج بحر
الحلقه الاولي...
.
أحمد العمري ...الشهير ببحر
30سنه ...جدع وجدي فنفسه وشغاله وبين الناس غامض فبعض الاحيان... خريج طب بيطري... شغاال سواق عند صادق الكيلاني رغم كرهه الشديد ليه وهنعرف بقيت قصته فالاحداث
-
قدر جلال -بنت جميله ملامحها هاديه تبلغ من العمر 26سنه خريجه السن رغم ظروفها هيا واهلها الصعبه مفيش وظيفه راضيه تقبلها وهنعرف السبب فبقي الاحداث...
-------
فيه قصر صادق الكيلاني -
صادق بجديه : انت كل ده كنت فين؟
أحمد -هكون فين حضرتك يعني انا مش هنا من الساعه 7 الصبح قولتلي وصل مدام ألفت عشان طيارتها 9 روحت وصلتها؟
صادق: ودلوقتي الساعه11 ونص كنت فين بسلامتك !
أحمد بتنهيده ضيق -أنت ناسي الحيوانات اللي فالمزراعه اللي بروح اشوفهم إيه مفيش وقت ليهم بتحسبو؟
صادق بعصبيه-متردش عليا الكلمه بكلمه أنت نسيت نفسك؟
أحمد بتنهيده-لاء منستش بس بوضحلك الامور.
صادق -عادي مش هاخد علي كلام دكتور حمير زيك.
أحمد-دكتور الحمير اللي مش عاجب حضرتك ده كان جايب 98% مش جاهل واقف قصادك يعني.
صادق -رد عليا كمان رد شكلك نسيت أخوك.
أحمد بغضب مكتوم -لاء منستش أخويا متقلقش لو نسيته مكنتش هبقي في الزول ده ثانيه واحده ربنا يفك كربه بقي ويرجعله حياته اللي ضاعت.
صادق بضحكه -وهيفك كربه ازاي بقي اخوك مضي علي 14 مليون جينه ادفعهم وهخرجلك أخوك والشغل اللي مش طايقه ده سيبه...
أحمد بجديه وانفعال-انت عارف كويس إني مش هقدر ادفعهوملك اهلي الله يرحمهم اللي سابو انت اخدته ومش مكفيك أعملك إيه يعني؟ وبعدين هو اللي مضى اانا مش عارف ذنبي إيه افضل كده في الزول ده كل ما امشي تهددني بيه ثم انا معرفش انت مضيته عليهم ليه؟
ولا اخدهم هبب بيهم إيه ولا راضي تخليني اشوفه واعرف...... اقولك عايز تموته موته وارحمني بقي انا ماشي.
صادق قام وقف -استني عندك؟
---------
في بيت جلال...
قدر -ماما حبيبتي انا هنزل ادور علي شغل.
نورا - طيب ياحبيبتي بس علي الله المره دي تلاقي.
قدر-تعبت والله حظي نحس معرفش ليه.
نورا- والله يا بنتي متنزليش مفيش فايده حتي شهادتك مش عارفه تشتغلي بيها.
قدر-وهنصرف منين ياماما طيب
نورا بحزن-خدي الدهب بتاعي بيعيه لحد ما ربنا يبعتلك شغاله يابنتي
قدر بلفهه- إيه ياماما بس اللي بتقوليه ده لما اموت زي بابا ابقي قولي كده.
نورا-بعد الشر ياحبيبتي يجعل يومي قبل يومك انتي واختك
.
هاجر كانت خارجه من الاوضه لبسه ...
هاجر-انا هنزل معاكي ياقدر ادور انا كمان
قدر-لا ياهاجر خليكي انتي في مزاكرتك وان شاء الله ربنا المره دي هيقف معايا وهلاقي وهتفرج.
هاجر بلمضه - علي الله لان انا خلاص يا جدعان قلبي وقف من العيش والجبنه هاتولي مكرونه بشميل اكلها كلها لوحدي نفسي ادلع بطني شويه عشان تعرف تزاكر وانجح.
