صلوا ع النبي 💚💛
روايه موج بحر...
الحلقه 6
. 😍😍
-------------
هند-انت بتحب نورا ؟؟!!!
فتحي -ومحبهاش ليه إيه اللي وحش فيها نورا حلوه ومكبرتش زي بناتها دي كانت متربيه علي عز ولا نسيتي يا بنت بايع الجيلاتي.
هند بغيظ-بنت بايع الجيلاتي دي اللي مش عاجبك انت كنت حافي وراها دلوقتي بتبعني يافتحي بتبعني وعشان مين مرات اخوك.
فتحي-مرات اخويا السابقه هو اخويا عايش؟
هند -انت فاكر اني هسكت وهسيب بيتي يتخرب وهيا تاخدك علي الجاهز كان غيرك اشطر انا مش هسكت ومش هعديها علي خير...وبعدين هتبسلك علي إيه دانت اربع وعشرين ساعه مرمي علي القهوه لولا الارض اللي بتجيب فلوس مكناش هناكل انت شبه عاطل.
فتحي بغضب رفع ايده ونزلت علي وش هند.
فتحي -كلمه كمان وهدفنك مكانك...سابها فتحي ومشي. ...
هند حطت ايدها علي القلم.
هند -وحيات القلم ده لا ادفعك تمنه غالي وما حد هيدفنك غيري.
--------
: عند هاني...
بعد ساعات من ماشيهم لمكان غابات خالي...
هاجر بخوف-هاني انا خايفه.
هاني-متخافيش جمدي قلبك انا معاكي.
هاجر-المكان كله اشجار بس ياهاني افرض طلع علينا اسد .
هاني-يارب يجي واخلص من زنك ده يا بنتي اسكتي اسد ايه بس دانتي معاكي الاسد كله.
هاجر -نعم ياخويا فين الاسد ده انا شاكه فب عضلاتك دي اصلا.
هاني-هاها لا وانتي الصدقة عطالهم حقنه هوا ونفخهم اخرسي بقي يا اخر اعمالي الهباب تصدقي صادق كان ارحم علي الاقل مكنتش بشوف خلقته اربعه وعشرين ساعه.
هاجر بزعل-يعني انت زعلان انك بتشوف خلقتي معاك؟
هاني بمكر-تقريبا كده.
هاجر -ماشي يلا نمشي.
هاني ببتسأمه-يلا. ...
.
مشيت هاجر...
هاجر فسرها-طب انا زعلت ليه انا اللي اتعلقت من يومين ما انا عبيطه برج جوزاء اتعلق في اللي مش بيعبرني... واللي كان تحت ايدي وبدوس عليه مكنتش بطيقه لازم ارجع قبل ما اتعلق اكتر... يلا الحمد لله.
هاني-ماشيه ساكته ليه اكلتي سد الحنك.؟
هاجر -هاه عادي مش عايزه اتكلم.
هاني -لاء والله! مش عايزه تتكلمي ماشي اصلي فكرتك زعلتي مني.
هاجر -وازعل منك ليه ده حقك ثم اقرب فرصه هعرف ارجع بيها هرجع‘.
هاني-ليه مش قولتي مش عايزه ترجعي وهتكملي معايا.
هاجر بضيق-لاء غيرت رايي امشي بقي.
هاني-ياتي كميله عليها وهيا زعلانه والله ملبن...
هاجر - والله؟ امشي يا رخم بقي هزعل من إيه يعني.
هاني بجديه-انا مش عايزك تتعلقي بيا يا هاجر انا بتكلم معاكي بجد لاني انا معرفش ايه اللي لسه هيحصل معايا اصلا خالص...وعلي فكره انا اتعودت عليكي انا مكنتش بضحك مع اي بسرعه ولا بكلم حد علي طول بس اخدت عليكي بسرعه.
هاجر ببتسأمه-اممم ماشي كل عقلي كمان.
هاني-لا هاكلك انتي يا ملبن.
هاجر-هههه انت بتعاكسني في الغابه؟
هاني-كتك نيله امشي هعاكسك علي إيه انا قولت اعبرك فوسط الشجر ده ثم انتي مش استايلي خالص.
هاجر -تقصد ايه يعني مش استايلك...انت مغرور اوي.
هاني-ههههه طبعا مش هاني العمري يابنتي.
هاجر-غبي والله
