السر القديم

8-10

اللي يقرة لايك ويعلق حتى توصل للكل
القصة بيها شي مختلف وعبرة حلوة

#السر_القديم٨
شهد السلمان

بطريق الرجعة للبيت ليث جان لازم ايدي مثل عادتة و يسولف بس سكت فجأة ووكف السيارة حتى ننزل ع الجسر
فتحلي باب السيارة ونزلت ؛ جانت تمر نسمات باردة تخلي الاعصاب تهدى و ضوة البنايات ويتلألأ وينعكس على الشط و بحركة خفيفة من امواجة
يطلع الصوت العذب للمي كأنما مقطوعة موسيقية كاملة حسيت نفسي استرخيت شوي بعد الشد الصار
انتبهت على ليث يتأمل الشط وعيونة فرحانة اندار علية ويحجي بكل حنية و رومانسية 
- تدرين اكثر شي مفرحني اليوم شنو ؟
- شنو ؟ 
- حضنج
ما اريد تزعلين مني بس من اربع سنين لحد قبل لا تجيني مصار هيج حضن بيناتنا ابد
- شتقصد ؟ ما احنا كل يوم نتحاضن
- صح بس حضنج اليوم بي مشاعر وكأنه ردتي تدخلين بضلوعي
- ليث اني مالي احد بهاي الدنيا امي وانت واهلك اعز ناس بالنسبة الي لا تتخيل فد يوم اني كارهتك او محابتك بس كل الموضوع انه ما اكدر اعبر عن مشاعري مثلك ما اعرف
- المهم انت مرتاحة وياية
- مرتاحة كلش
- اسالج سوال
- اسال
- اول مرة شفتيني عجبتج ؟
- تقصد من خطبتني !
- اي
- اجذب عليك اذا كتلك فكرت وانعجبت بيك بس انت تدخل الكلب ووجهك تبين بي الطيبة
- اسال سؤال ثاني ؟
- اسال هههههه
- ليش مكدرتي تحبيني ؟
- ومنو كالك هالشي
- هالاشياء تنحس متنكال وميحتاج احد يجي ينبه عليها
تعرفين ..
جنت اتمنى احب وانحب واحس اللي احبها ذايبة بية

شديت ايدي على ايدة وصرت قريبة منة لاول مرة اباوع لعيونة و تكون  نظرتي موجهة الة

- لا تفكر بهاي الطريقة اني مراح اكون مرتاحة ويا غيرك ولا تتوقع فد يوم اذا اني محبيتك مثل ما انت تريد معناها اني ما احبك
اكو هواية امور اهم من الحب وكلامة واني شفتهم بيك
- مثل شنو ؟
- حمايتك ، امانك ، خوفك علية ، حسيتك سند الي واعتقد هالشي كلش مهم باي علاقة حتى تنجح وتستمر
بعدين انت تعرف احنا من تزوجنا لحد اليوم ممتعاركين عركة جبيرة ما عدا اختلاف الاراء بشغلات معينة وهذا يعني انه احنا متفاهمين كلش ومدام ماكو مشاكل فأحنا بخير
- اي بس تعرفين مرات المشاكل هي ملح الحياة تصير وحتى تقوي العلاقة اكثر
- ما اعرف اني اشوف العلاقة بدون مشاكل احسن حتى متصير حزازيات بين الزوجين
- برأيج اذا صارت مشكلة بيناتنا جبيرة لا سمح الله حنكدر نتجاوزها ؟
- ما اعرف بصراحة ممفكرة فد يوم يمكن تعودت على الهدوء بحياتي فما اريد يصير شي محلو بيناتنا ابد
شنو تريد نجرب المشكلة ؟
- لا تستعجلين عليها ههههههه
- هههههه يمة
اني بردت
- واني دفيان محسيت ههههههه
- يا دفيان شوف الهوا ثلج
- دفيت من ايديج والله
- اممم يلة نرجع نعست همين كلش
- يلة حبيبتي
- اني اعرف انت تعبانة كلش بس مجاي على بالي اروح البيت
- لعد شتريد ؟؟
- اريد اسهر وياج برة شنو رايج نروح نشوف فلم
- هسة الوكت تاخر
- خلي نروح واذا ماكو نرجع للبيت شكلتي ؟
- ماشي مثل متحب
- ولا اكلج خلص انت تعبانة
- لا لا والله امشي نروح اصلا مشتهية شامية كلش
- يلة هذا هو لعد
اطيب شامية لاحلى حبيبة بالدنيا
- همزين بدلت هدومي هههههه
- لعد اني من كتلج اخذي هدوم طلعة وياج خما غشيم ؟
- هاااا طلعت مخطط للسهرة ههههه
- اييي لعد شعبالج حبيبتي  ههههههه
- لوتي منو يكدرلك انت
- ههههههه