التفاعل معتمد على كم متابعة والبقية وين ؟؟
#السر_القديم٢٣
شهد السلمان
اصعب ليلة مرت علية حسيت انفصلت روحي عن جسمي والنظر عن عيوني و انفاسي مدتدخل بصدري
كل شي داير مدايري واكف ثقتي انهزت بالكل حتى بنفسي
كمت الوم نفسي على محبتي الها وعلى عشقي وهيامي بيها
يومين مرو علية مثل الميت اني ؛ دورت على عمر اختفى
فص ملح و ذاب وما اكدر اباوع بوجه تمارا
تمنيت الكى عمر واحبسهم بمكان واحد وادفنهم هم الاثنين وهم ما تطفى ناري ..
شيطفيها ونار الاحساس بالخيانة مشتعل بداخلي حتى مدا اكدر الومها و لا اعاتبها او اباوع لوجهها ..
عدت ايام واني صافن وافكر ولكيت الحل هو سهر هي اللي راح توصلني لعمر
اتصلت عليها مجاوبتني دزيتلها رسالة رجعت هي اتصلت علية
- الو
- ليوثي عمري
- سهر اني اسف لان حجيت وياج هيج
- لا تعتذر حبيبي جنت انتظرك تخابرني والله
- سهر اني جنت خايف اعترفلج بحبي و تحججت بتمارا بس بعد اللي دزيتي الي لكيتها احسن فرصة حتى اطلكها وتصيرين انت مرتي بمكانها مردت تصيرين زوجتي الثانية ردتج الاولى والاخيرة
- صدك حبيبي ؟
- و داعت عيونج الحلوة
- ليث حبيبي طلكتها !؟
- و راحت بلا رجعة همين عوفينا من سيرتها خلينا بمستقبلنا
- خل تولي هي متستاهل اصلا واحد يحجي بيها وحدة خاينة
- المهم حبيبتي
انت هسة مستعدة تصيرين زوجتي
- اكيد طبعا بلا مسال هالسوال
بس اذا .. رجعت بقرارك ورجعت تمارا !؟
- طلكتها ٣ مرات شارجعها !
- والله ودي اهلهل واركص بالشارع
متتصور شكد فرحانة
- واني بعد فرحان واريدج اليوم قبل باجر يمي
- بس عمر شلون ؟؟؟
- شسويلة لعمر هو مو صوجة خطية كلة صوج تمارا هي نطتة مجال وبعدين اختي اصلا متريدة لعمر فمراح ياثر علينا بشي
- يعني متريد تاذي ؟
- طبعا لا هو شنو ذنبة اني كل اللي يهمني هو انت
- حبيبي شكد احبك
- زين هسة شلون منين اطلبج امج ومسافرة واخوج ماكو مليون مرة دكيتلة
- عمر اكيد مهزوم من الصار ويجوز يم عمامي ما اعرف بعد
ع العموم تكدر تطلبني من ابوية
- هو مو مطلك امج !؟
- اي واذا غير يبقى ابوية هسة اكتبلك رقمة وعنوانة هو ساكن بمحافظة ثانية
- شوفي اريد اكلج شي
- اي
- اني اريد جهالج همين مو بس انت يعني اريد اصيرلهم اب
- يا عمري الله لا يحرمني منك
- و ما اريدج بعد تحجين ويا عمر اريد نترك كل الناس نبقى بس اني وانت
- لا خلي يولي عمر اصلا اني وياه منتفاهم عشت كل عمري وهم مفضلي علية بكل شي وهسة صار دوري اعيش مرتاحة
- الا ادللج دلال مصاير و داعتج اخليج ع الكاع متمشين اني اشيلج بيدي
- ههههههه فدوة رحت للحنين
- حبيبتي انت يلة خل اروح انام ولا تنسين الرقم والعنوان
- صار حبيبي نوم العوافي
- الله يعافيج
سديت التلفون ودزتلي هي راسا العنوان و رقم ابوها واكيد عمامها همين ساكنين بهالمحافظة معناها اكدر اجيب عمر بكل سهولة لان اكيد يمهم مو يجوز مثل مكالت سهر
أنت تقرأ
السر القديم
Poesíaمع خيبة امل واضحة بعيونة وبملامح وجهة رجع الفستان بالغلاف مالتة وسد السحاب و طلع من الغرفة تاركني بحيرة جهلي بالمناسبة اللي هو جان متحمس انه اني اعرفها كعدت على الكرسي وبديت اباوع على نفسي بالمراية الكدامي وجهت عيوني على الميز مليان عطورات ومكياجات ...
