انا انثى ولكن

٩

** البارت التاسع **
**
**
**
**
**
**
**
**
**
**
**
**
**
**
**
**
السعوديه .. الرياض
الساعه 1 اخر الليل ..
فله ابو البراء ..
البراء طلع من غرفته بعد ما

وهو يسوق كان يسرع لان مابقى على رحلته الا ربع ساعه ولازم يوصل قبل الوقت .. اخذ جواله يبي يقفله عشان لو حظ كشف انه طلع ويتصل يلاقيه مقفل .. نزل عيونه على الجوال وفي هاللحظه لفت عليه سياره بالغلط وصدمت فيه بقوه خلت سيارته تطلع عن المسار وتنقلب على الرمل .. البراء اول ما حس بالسياره اللي صدمته حتول يتفاداها بس للاسف ما قدر وحس بالسياره وهي تطلع عن المسار صرخ لما شاف السياره تنقلب وبعدها فقد الوعي ..

بعد ساعتين ..
صحى البراء وهو يحس بالم في رجوله .. صار يلتفت حوله مستغرب المكان .. انا وبن .. انتبه بشخص يفتح ولما دخل شاف انه دكتور وقتها عرف انه بالمستشفى ..

الدكتور ابتسم لما شاف البراء صاحي .. الحمد الله على السلامه .. كيفك الحين تحس في اي الم..

البراء .. انا ليه هنا ؟..

الدكتور توه بيتكلم الا ينفتح الباب ويدخل منه ابو وام البراء واخته رهف ..

ابو البراء .. الحمد الله على سلامتك يبه ..

ام البراء وهي تبكي .. الحمد لك يارب انك سلمت ولدي من الشر..

البراء .. يمه يبه ليه انا هنا وايش هذا الالم اللي احسه برجولي .. ولف يناظر رجوله شاف وحده منهم عليها جبس والثانيه ملفوفه بشاش .. ورجع لف على الدكتور وش صار لي ..

الدكتور .. انت ما تتذكر اللي صار لك ..

البراء .. اللي اذكره ان السياره انقلبت فيني ..

الدكتور .. اي وفيه ناس اسعفوك وجابوك هنا كانت حالتك صعبه دخلناك الطوارئ واكتشفنا ان عند كسر مضاعف برجلك اليمنى وجروح في راسك ويدك ورجلك اليسار .. والحمد الله اننا قدرنا نسيطر على الوضع وبخصوص الالم اللي برجلك الحين راح اعطيك مسكن وراح تستمر عليه لين ما تجبر رجلك باذن الله ..

البراء نزل عيونه وتفكيره راح لسلطان وان الطياره اكيد فاتته ..

ابو البراء .. باذن الله طيب متى يقدر يطلع من المستشفى؟..

الدكتور .. يعني على حسب الكسر متى يبرا لانه ماراح يقدر يمشي عليها وهذا كسر مضاعف يعني راح يطول من شهر الى شهر ونص ..

البراء بصدمه رفع عيونه له .. شهر !! .. كثير ..

الدكتور .. عشان الكسر يبرا ..

ابو البراء .. طيب مشكور يادكتور والله يعطيك العافيه ..

الدكتور .. الله يعافيك .. وطلع ..

ام البراء جلست بجنب ولدها .. يمه بسم الله عليك .. وش طلعك في هالوقت يمه ؟..

ابو البراء.. وايش وداك على طريق المطار .. ليكون كنت راح تسافر من ورانا ؟!..