دايما كنت بحس انو داسي مني حاجات كتيره بس اكيد م بقدر اجبرو يحكي لي 🔪😈 ، ف بس كنت خالاهو ع راحتو ودايما بقول ليهو وقت تحتاج لي حتلقاني وكان بتبسط شديد 💓 ودا المطلوب👌😍.
انتهى رمضان وجا العيد وكنا مساهرين الليل كلو نتونس اتخيلو انا ومنو 😮 انا وسند 💕 لحد م جات الساعه 5 ص وكان نعس شديد.
سند: انا نعسته شديد م قادر
انا: ي ود استنى صلاة العيد بعداك نوم مره وحده😂👊
سند : والله م قادر
انا : طب لو نمت حتقدر تقوم للصلاة؟
سند: لو صحيتيني انتي بقوم 😍
انا : طيب بصحيك ، جلابتك جاهزه ؟
سند : اي من امس
انا : تمام يلا لحد بعدين خلي التلفون جمبك
سند: طيب
فعلا نام وديييك النومه لحد المغرب😂😂😂😂💔 فضلت اضرب لحد م الصلاة فاتتني انا كمان الا رحت الجامع البعيد والحمدلله لحقت صليت فيهو وهوا راحت عليهو الصلاة 😂😂😂😂👊زفت خلاص.
صليت ورجعت اكلت وعيدتا ع اهلي وصحباتي بالتلفون ، م ف زوول اداني عيديه😕💔 لكن لقيت قروش حقت اخوي الكبير شلللتها😌😂 بعداك رقدت نمت.
ياها ديك النومه لحدددي بالليل 😂😂👏 صحيت اكلته وعدا اليوم م اتكلمت تاني مع سند لاني كنت بنوم هو بيصحى والعكس😂😂😂😂 لحد تاني يوم العصر حتي لمينا ف بعض واتونسنا وحكا لي كل البرامج الحصلت معاهو ، طبعا دا كلو وانا وسند م عيدنا ع بعض لسه 😌 اي سند كنا بنتونس بالرسايل لكن عايزين نعايد ع بعض ف مكالمه 😌👏 قلت ليكم م جادين 😂😂😂😂😂💔
بعد كم يوم ضرب لي الصباح صحاني من النوم وعايد علي 😍💓 وكنا مطالبين بعض عيديه لانو م ف حد ادانا عيديه قلنا ندي بعض 💞💕
فصله💫. يلا كان ف حاجه غايظه سند طووول الوقت 😂😂 اننا بنساهر سوا لكن الصباح هوا بيصحى بدري وانا بفضل نايمه 😏 الاخت عاطله نعمل شنو😌👏👏 ، يوم اقول ليهو مفروض اصحى بدري كان زي العيد عندو بفرح شدييييد😂😂😂👊 وبيضرب يصحيني هو ،( طبعا كون اني اخليك تصحيني من النوم ف دا معناها انو انت زول مهم شديد بالنسبه لي لانو النوم دا اهم شي عندي 😍😍 )، كان بيصحيني عشان يضمن اني قمت بدري 😒👊وعشان اول م بصحى م بجمع سريع وبقول خارم بارم وممكن افضل كدا ربع ساعه متربعه ف نص السرير لغاية م اركز ،كان بيتكيف لم يسمع الخارم بارم حقي ويقعد يضحك ويمسكا لي 😂😂😂😂👏👏👊.
⭐الحاجه الحلوه اننا م بنزعل من بعض ولا بنقدر نزعل اساسا💞 لاننا اتعودنا ع بعض.
هو م رسل لهيام تاني ولا حتى م عيد عليها وبصراحه م فتحنا موضوع زي دا ، انا هيام الكلمتني انو م رسل ليها وانهم ليهم فتره طويله م اتكلمو ، واسمر رسل لي رساله بعد العيد بفتره عيد علي واعتذر انها جات متاخره بس لانو الايام الفاتت كان عيان بصراحه قريت الرساله وم ركزته شديد وم رديت عليهو اساسا عملت م شايفاها 😪 .
حكيت لسند انو اسمر رسل لي واني م رديت عليهو م اتفاعل مع الموضوع ، وحكيت لهيام غلطتني اني ليه م رديت عليهو وقالت لي احمدي ربك ع الاقل اتذكرك ورسل قلت ليها م بتفرق معاي كتير ولو كان م رسل كان احسن وقررت اني م ارد عليهو واعمل م شايفاها😪😪.
من كلام هيام عرفت انو موضوع سند وانو م رسل ليها ولا حتى للعيد ماكل معاها جمبه ومزعلها بس عامله م شغاله بيهو وانا م كان عندي شي اعملو ف النهايه سند حر وانا م اقدر اتدخل ف حاجه هوا م اخد رأي فيها 💔.
(إحساس تشوف العلاقات بتدمر وبتنتهي قدامك 😮وانت م ف يدك شي تعملو 💔😞 احساس مؤلم شديد).
يتبع 😈 ❤
أنت تقرأ
محبة بعد خوف
Romanceبيقولو محبه بعد عداوه بث هنا محبه بعد خوف المحبه دي جات بسبب حاجه اسمها تشابه ارواح لم تلقا زول روحو زي روحك من جوا بيشبهك شديييد بس صدقني م هتعرف الحاجه دي إلااا لم تدي نفسك فرصه انك تقرب منو وتتعرف عليهو كويس وتنسا كلام الناس وخوفك منو وقتها بسسس...
