فضلت الليل كلو افكر واقرا ف الدليل 😴 لحد م عيني وقعت ع جامعه ف الخرطوم نسبها كانت حنييينه😍💕 وكمان فيها معمار ❤❤❤ سبحان الله ، طبعا قبل م اقدم كان لازم اعرف موقع الجامعه واستفسر عنها ، وبالفعل دا العملتو فتشت عنها ف قوقل وسالت عنها الناس والحمدلله طلعت جامعه كويسه💕وحلووه وم بعيده م بيت ناس حبوبه (ام امي💕) بس كنت منتظره التقديم يفتح ❤.
فصله🍃. من بعد النتيجه بقت بتجيني كوابيس كتير 👺تقريبا كل يوم بصحا مخلوعه شديد😳 وقلبي دا عايز يطلع من مكانو من الخوف😨 حاجات لم اصحا م بتذكرها بس بكون خااايفه وبفضل مصنقره ف نص السرير ، كنت اوول زول بتذكرو سند💕 وبكون عايزه اتصل عليهو م عارفه ليه بس يمكن لاني كنت بحس بالامان ⛄لم اتكلم معاهو ، بس دايما الوقت م بيكون مناسب وكنت م بحب ازعجو وبقول حيكون نايم 🙉، ف بفضل مصنقره وبس بفتح المحادثه حقتي معاهو واقعد اقرا فيها وتلقائيا بنسا الخوف وبطمن وبفضل اقرا المحادثات لحد م انوم 💤♥.
مره حكيت ليهو اني بتجيني كوابيس كتيره بقت ، طبعا انا م بحلم نووهائي بس تجيني كوابيس 👻 حتى هوا قال انو م بيحلم كذااب😂😂👏، المهم اليوم دا م كنت قادره انوم لاني بجد خايفه من الكوابيس قمت حكيت ليهو قال لي م تخافي ان شاء الله م بيجيكي 💕ولو حصل اي شي اتصلي لي وبقينا بنتونس لحد م نمته 💓.
⭐ ( عن كمية الحنيه الفي الزول دا😍 ، اليشوفو يقول انسان صعب متجرد من المشاعر وم عندو حاجه لزول😑 لكن مجرد انك تتعرف عليهو💕 وتفهمو بتلقا انو جواها كميه من الحاجات الحلوه ♥، ايوا يمكن عندو مشكله ف التعبير بس من خلال تعاملو معاك بتحس بمشاعرو وقدر ايه هوا انسان طيب💞 )
(كنا بنحب نهظر ونتعاور مع بعض بننسا روحنا ونتعامل زي كأننا طفلين ف روضه ونضحك ف روحنا 😂😂😂 ، كنت بتكلم ليهو زي الشفع😂😂👶 وبلخبط الحروف السين تبقا ثاء والراء تبقا لام والشين تبقا سين غايتو جنس صواطه😂😂😂🙈 وهو بس يقعد يضحك والذ حاجه كان بياخد مساافه لحد م يترجم رسالتي ويفهم انا قاصده شنو وكمان لحد م يرتب الكلام عشان يرد علي بطريقتي 😍😂😂😂، م كان بيعرف بس احلا شي انو بيحاول ✨♥)
ولا لم نفصل ونفك خارم بارم فجأة من غير اي مناسبه 😂😂😂طبعا بنكون واصلين مرحله بعيييده من الزهج ف بنحاول نخفف عن روحنا كدا وكل واحد بيكمل للتاني غايتو بجد جايين من كوكب تاني 😂😂😂😂🙊.
طبعا حتى الاغاني طلع زوقنا واحد 😎، اغاني غريبه وكنت بحس اني م طبيعيه😂😂 لاني بحب اسمعها هي فعلا اغاني حقت ناس مريضه 💃😈، بس لم لقيتو هوا كمان بيحب يسمعها شويه اطمنته😂😂😂♥. ياخ عن كمية الحاجات الكنت فاكره نفسي براي بعملها وشايفه نفسي غريبة الاطوار زي م بيقولو 😎✋ وطلع هوا برضو بيعملها غايتو الحمدلله طلع ف زول زيي ♥😂😂😂.
عدت فتره بقينا م بنتكلم مع بعض بسبب انو سافر الخرطوم واتشغل وكمان تلفونو بقا طبيعي مقفول 💔وقدر م ضربته ليهو كان بيديني مغلق ورسلت ليهو كميه من الرسايل ، كنت متضايقه من حركتو انو فجأه اختفى😓 وتلفونو مقفول يعني ولا حتى فكر يطمني عليهو😒 بس ع قدر م كنت متضايقه منو كنت خايفه وبالي مشغول عليهو وكنت فاقداهو شديد😢💔 .
عدة فتره وفضل قافل تلفونو وم عارفه عنو حاجه 💔، بس فجأه اتذكرت حركات اسمر انو كان بيختفي ويظهر وقت م هوا عايز ويبعد ويقرب بمزاجو غضبته شديد😤 منهم الاتنين وزعلته من نفسي😔 اني تاني قاعده اكرر نفس الغلط لانو سند عمل نفس الحركه حقت اسمر بس الفرق بين اسمر وسند انو سند لم اختفى فقدتو 😩وكنت خايفه عليهو شديد بالذات انو زول مجنون ومتهور وممكن يخرب الدنيا😶 بس اسمر لم كان يختفي ايوا كنت بشتاق ليهو بس م بخاف عليهو ولا كان بيفرق معاي كتير😪 ، مسحت رقم سند وقررته اني م افكر فيهو ولا من اي ناحيه ولا اخاف عليهو يعني اطلعو من حياتي وخلاص......
(عن كمية الخزلان البتلقاوها من ناس كنت فاكر ومتامل انهم يطلعو احسن من القبلهم 💕بسس هااااك الصدمه😪👊💔)
يتبع 😈 ❤
أنت تقرأ
محبة بعد خوف
Romanceبيقولو محبه بعد عداوه بث هنا محبه بعد خوف المحبه دي جات بسبب حاجه اسمها تشابه ارواح لم تلقا زول روحو زي روحك من جوا بيشبهك شديييد بس صدقني م هتعرف الحاجه دي إلااا لم تدي نفسك فرصه انك تقرب منو وتتعرف عليهو كويس وتنسا كلام الناس وخوفك منو وقتها بسسس...
