دخلو المطعم وقعدو والاضاءه منخفضه وفي شموع وموسيقى بصوت منخفض...بكري جره الكرشي عشان امل تقعد وهو مشى قعد قصاده وبقى يعاين في عيونه كانو اول مره يشوفه
امل:عاين م تعاين لي كدا عليك الله
بكري:خليني اشبع منك
امل:بخجل يياخ
بكري:هههههههه اصلاً لما تخجلي بتكوني حلوه
امل:خلاص ي بكري عشاني
بكري:طيب
امل:دقيقه المكان فاضي لي ماف اي زول غيرنا
بكري:المكان دا كلو الليله بتاعك حجزتو كلو عشانا الاتنين
امل م عرفت تقول شنو ف بقت ساكته وبتتبسم
بكري: تتذكري كيف حبينا بعض
امل: اكييييد ي الخفيف
بكري: ههههههههههههه لو كنت عارف الخفه ح تبقيك حلال كنت بقيت زي الكيس
امل: ههههههههههه لالا خليك زي م انت مالي عيوني كدا
بكري: بعد م ارجع من السفر ان شاء الله عاوزك تختاري الحته الانتي عاوزه تمشيها ونمشي نقضي احلى اجازه مع بعض
امل:اي مكان المهم تكون انت معاي
بكري:ان شاء الله ي حبيبتي
طلبو الاكل وبذو ياكلو والونسه كانت حلوه شديد
امل:بكري عاوزه اطلب منك طلب
بكري:عيوني ليك
امل:عرس تاني
بكري:لي انا مكتفي بيك وانتي ماليه عيوني
امل:عرس عشان تجيب الولد النفسك فيهو
بكري:ولد من زول غيرك انا م دايرو اصلاً
امل:بس انا....
بكري:هووووس الدايرو ربنا ح يكون بعدين نحن متزوجين لينا ٨ سنين بس العمر قدامنا لسه شيلي الفكره دي من راسك
"وإني أحببتُك بمليون طريقة سرقت قلبي واستوطنتني، أنت الركن الهادئ في حياتي وحبّي الوحيد المستدام للأبد، وإني أحببتُك كحجم جبال عالمنا هذا، كأن وجهك الشيء الوحيد الذي يأخذني مني ويغرقني فيه، لطالما كانت ملامحك هي الطمأنينة الوحيدة لقلبي، أعود إليها وأحبها في كل مرة دون ملل"
رجعو البيت واول م فتحو باب البيت بكري شال امل ودخل بيها البيت
امل:والله انت م نصيح
بكري:عشان بحبك
امل:طيب نزلني انا سمنت م زي زمان
بكري:وينو السمن دا ريشه بس انتي
امل:اي اي حنكني كوووويس
بكري:انا بعرف احنك هههههههههه
امل:هه لالا نهائي
بكري:ههههههههههههههه
لحدي م وصلو السرير وهم بهظرو وبضحكو مع بعض وقضو ليله من احلى الليالي العشاوها... وهي راقده في حضنو
يتبع.....
