فتحت الباب ولقت علبه كبيره مغلفه وبوكيه حق ورد وبوكيه حق شكلاته
ياسين:الحاجات دي موصيني بكري اجيبه ليك ومعاهم الظرف دا بس قال ليك افتحيهو بعد م تشوفي الحاجات دي كلها
امل وهي مبسوطه شديد:طيب م قصصصرته ي ياسين تسلم
ياسين:م عملته حاجه ي مرت اخوي...يلا تصبحي ع خير
امل:وانت من اهلو
العلبه دي تقيله كدا لي ي ربي ح تكوني فيها شنو ...شالت الحاجات ودخلته غرفته وختته في نص السرير وبدت تفح في العلبه ولما فتحت كوركت باعلى صوت
امها جات جاريه جري في شنو ي بتي
امل:شوفي بكري جاب لي شنو
ام امل:قطعتي قلبي ي حيوانه
امل:معليش ي امي وااااااااي انا فرحاااانه شديييييييد م قادره اصدق
ام امل :اخليك تكملي ي حيوانه
امل:طيب ي امي
جاب ليها دهب بقيمه ٥٠٠ الف ومفتاح حق عربيه وتذكرتين سفر للملديف وتلفون جديد
بعده فتحت الورقه وبدت تقرا في الكلام
كلمه امل يعني طول العمر سعة الرزق بس بالنسبه لي عندها معاني كتيره
بعني لي الفرحه الدايمه بعني لي الضحك في نص الزعل بعني لي الزول الوقف معاي من الصفر لحدي م وصلني للانا فيهو
حبيتك بالطفوله الجواك وحبيتك زي م انتي حتى يعوبك حبيته قدرته اكمل بيك النواقص الفيني
علمتني الحياة بأن الصداقة أجمل علاقة وان المشاعر لا تقدر بثمن وان هناك أناس لا يستحقون النسيان.. علمتني الحياة ان لا أتوقف كلما تعثرت سأنهض، واذا بكيت سأضحك وان شعرت بالحزن سأفرح تعلمت ان الحزن يتبعه فرح، والشعور بالكآبة يتبعه راحة والضيق يتبع فرج وكل كسر سيجبره الله
خليك مبسوطه دايما ي حبيبي لانو السعاده بتشبهك حاجه اخيره العربيه ح تصلك بكرا من المعرض....بحبك
نامت وهي حاضنه الحاجات دي كلهاا عليها واتمنت انها م تصحى ولحدي م نامت الابتسامه م فارقته
يتبع....
