بكري:انا سايب ليك قروش ح تكفيك الشهر كلو ان شاء الله لو احتجتي اي حاجه اضربي لي ياسين صحبي
امل:ان شاء الله تمشي وتجي بالسلامه
بكري:ان شاء الله ... ادعي لي الصفقه دي تنجح لو نجحت ح نتنقل نقله تانيه
امل: ان شاء الله ربنا يوفقك ويسهلا ليك ي رب
بكري باس ليها يدها...ربنا م يحرمني منك ويسعدك ع قدر م اسعدتيني
امل:بحبك
بكري:وانا كمان بحبك
وصلو بيت عمو ودخلو البيت
امل:بااابا كيفك
ابو امل:بخير الحمدلله انتي كيف طولتي مننا
امل:تمام الحمدلله
ابو امل: م يكون راجلك دا م داير يجيبك
بكري:معقوله بس ي عمي هههههههه اها انا جايبه تقعد معاك شهر لحدي م تشبع منها
ايو امل:دي بشبعو منها دي حته من قلبي ياخ
امل:وريهو انو انا م بشبعو مني بدل كل يوم والتاني مسافر
بكري:ههههههههههه عارف والله
امل:ماما
ام امل:اموله حبيبتي كيفك
امل:تمام انا ي ماما انتي كيف
ام امل:الحمدلله تمام
بكري: كيفك ي خالتي
ام امل:تمام الحمدلله صحتك كيف وكيف ابوك وامك
بكري :كويسين الحمدلله
ام امل:شنو يعني الاختفاء دا ي امل...راجلك دا م يكون حاقر بيك
امل:شديييييد ي ماما
بكري:اناا ههههههههههه
ام امل:هوووي ي بكري كلو الا بتي الوحيده
بكري:والله ي خالتي جوه عيوني بس بتك بتاعت حركات
ام امل:عارفاك ي ولدي...خلاص الليله ح تبيت معانا ماف ليها رجعه
بكري:ههههههههه ح اخليها معاك شهر بي حاالو ي خالتي
ام امل:لالا يوم واحد م ناقصه عزاب انا هههههههه
امل: انا عزاب شايفه بتقول شنو ي بابا
ابو امل:هههههههههه بتهظر معاك ساي البت دا كلو يستحملك واشيلك انا جوه قلبي
امل حضنت ابوها شفتي ي امي الكلام كيف
ام امل:خلاص خلي ابوك يرقد جمبك لما تخافي بليل
امل:لالا انتي كمان ماما حبيبتي انا
كلهم بقوا يضحكو وبعدا بكري استأذن وقال ح يمش لناس بيتم وبعدا يشيل شنطتو ويمش المطار
ابو امل:تصل بالسلامه وخلي بالك من نفسك
بكري:ان شاء الله ي عمي دعواتك
ابو امل:ان شاء الله موفق
ام امل:اكل كويس واتغطى كويس ي ولدي
بكري:حاضر ي خالتي م ح اوصيك ع امل
ام امل:دي في عيوني
بكري:تسلمي ي خالتي...يلا سلامو عليكم
امل:لا يعني انا .......
بكري........
يتبع....
