امل طلعت من المستشفى ومشت البيت لقت الحاجات الجابه ليها بكري وقعدت تبكي
والايام عدت بسرعه وولدت وليد بكري
وليد طلع مشاغب بحب اللعب والضحك والهظار وراسو قوي شديد
امل:انزل تحت ي وليد عشان م تقع
وليد:لاااا لاااا
امل:اسمع الكلام عشان م اجي ادقكك
وليد:لاااا لاااا
امل:طييييييب (مشت ليهو ورقدتو في السرير وبقت تضحك فيهو)
وليد:خلاص ي ماما والله خلاص هههههههههه
امل اتعلقت بوليد زي م كانت متعلقه ببكري خصوصاً انو وليد طلع بشبه بكري شديد
امل:يلا ي ولي المدرسه
وليد:م ماش ي ماما
امل:لالا لازم تمشي عشان تنجح وتبقى شااطر زي بابا
وليد:بابا كان بمش المدرسه
امل:اي كان بمش وبقرا وبنجح وانت لازم تبقى ديو
وليد:حاضر ي ماما
ومشى المدرسه العنيد ... لحدي نهايه اليوم اتصلو عليها ناس المدرسه
:سلام عليكم استاذه امل وليد فجاه تعب ووديناهو المستشفى
امل:تعب كيف يعني ياتو مستشفى
عرفت اسم المستشفى ومشت وقابلت الدكتور
امل:دكتور انا ام وليد اتنقل ليكم من المدرسه
الدكتور:اهلين ام وليد ممكن تتفضلي
دخلو الغرفه حقت الدكتور وبدا يشرح ليها الحاله شنو
الدكتور:بصراحه م عارف اقول ليك شنو بس الاعمار بيد الله ولدك فضل ليهو ايام معدوده
امل وقفت ع حيله :في شنو ي دكتور
الدكتور:اقعدي لو سمحتي ولدك اتولد بفايرس خطير ونادر جداً
امل:اتصرف ي دكتور ممكن اسفر اي بلد وممكن ادفع اي مبلغ بس ولدي لازم يعيش
الدكتور:للاسف ماف حل دا قضاء ربنا...حالياً هو صحى اديتو حقنه بتاعت فايتامينات حاولي م تحسسيهو بحاجه
دخلت ليهو ولقتو بلعب مع الممرضه وبضحك واول م شاف امو قام حضنه امل مسكت دموعه وم قدرت تبكي قدامو ساقتو البيت ونومتو في حضنو وبقت حاضناهو عليها شديد
يتبع...
