اضطهاد عائلي

الفصل الاول من رواية اضطهاد عائلي

وفي سماء العاصمة تشرق الشمس وفي احد الشقق المطلة علي النيل ب المعادي تستيقظ فتاه وتفتح عيونها الواسعه الخضراء وذات وموش كثيفة وشعر بني فاتح  طويل يصل الي اخر ظهرها وقامت من علي السرير بكسل وفتحت البكلونة ونظرت علي النيل وقالت : صباح الخير يا صاحبي انهاردة اول يوم ليا في الشغل بجد هوبقا الدكتورة  سجي بحق مش دكتورة تحت التدريب اروح بقا افطر سلام
وغيرت هدومها وعت شعرها وخرجت من غرفتها وجدت ولدها وولدتها قاعدين علي السفرة وقعدت هي كمان وقالت : صباح الخير علي اهل الدار
فريد :صباح النور يا حبيبت بابا
جميلة : صباح النور و الهنا عليكي يا حبيبتي انهاردة اول يوم كا دكتورة في قسم الجراحة مش تحت التدريب
سجي : ربنا معايا بقا
فريد بصرامة وجدية : من انهاردة يا اوعي تعتبري نفسك بنت صاحب المستشفي ف هيكون ليكي مميزات لا ابدا دة انتي هتتحطي تحت المرقبة مني انا شخصيا انا مش هقبل ان بنت الدكتور فريد جلال اكبر دكتور جراح في مصر والمستشفى بتاعتة من اكبر المستشفيات في مصر وبنتة تغلط ابدا
سجي : بابا  انا اللي مش عاوزة اي حد يعرف اني بنتك
جميلة : لية يعني انتي بتتبري مننا ولا اية
سجي :لا يا ماما انا مش عاوزة دة لعدة اسباب اول واحد انه هيقولو عليا وصلت للمكان دة بالوسطة علشان انا بنت صاحب  المستشفي مش اكثر والثاني  والناس هيعملوني حلو علشان انا بنت صاحب المستشفى مش علشاني الثالث هيفتكروني جية للمراقبة عليهم واقولك عليهم وانا واخدة بابا مثل اعلي هو بيفصل تماما بين انه هو دكتور وان هو زوج واب وانا عاوزة ابقا زية افصل بين انة ابويا ومديري
فريد بفخر : انا فعلا عرف اربي
جميلة :موافق علي دة يعني
فريد :طبعا وفخور بيها اووي ان هي عاوزة تعمل اسم وكيان لنفسها
سجي : ماشي يا فيروو هتوصلني ولا اروح لوحدي
فريد :اللي انتي عاوزة يا حبيبتي  بس اول ما تروحي روحي للدكتور حمدي هو رائيس قسم الجراحة وعارف انك بنتي وانا قولتلة يعملك ازي اي دكتورة عادية
سجي : ماشي يا بوص مادام كدة انا همشي انا بقا علشان اروح بدري 
فريد :احب الالتزام في المواعيد
سجي : ماشي يا ابو سجي 
جميلة : كلي كويس
سجي : حاضر
جميلة : تعالي في حضني يا حبيبتي
وخدتها في جميلة في حضنها وهمست لها لسة مش بتكلمية
سجي بهمس : لا وبعدين دة صاحب مش اكثر
جميلة : يارب ارحمني يا رب
فريد : في اية يا جميلة
سجي :مفيش يا بابا ماما المفروض تقعد بيا علي باب السيدة وتشحت بيا وتقول عريس يا ناس
فريد :ههههههههههه
جميلة : عاجبتك اووي يعني
فريد : طبعا 
سجي : طب انا هروح انا يا فيروو قبل ما الست الولدة ما تقلب الرجل الاخضر
وجريت
جميلة : بص بنتك يا فريد
فريد : مالها احلي واجمل بنت في الدنيا
جميلة :خليك دلع فيها كدة
فريد : هو انا عندي غيرها ادلع فية انا نزل المستشفى انا كمان
جميلة : ربنا معاك يا رب
وقبلها من راسها ونزل
                     🤓🤩🤩🤩🤩🤩🤓
وصلت سجي المستشفى وطلعت ل الدكتور حمدي زي ما ابوها قال ليها وكان مثلما توقعت راجل كبير في السن في سن ولدها تقربيا
حمدي : اهلا يا بنتي اتفضلي ولا عاوزاني اقولك يا دكتورة
سجي : بنتي طبعا احلي
حمدي : ماشي يا بنتي اولا انتي هتشركي مع صحابك في المرور وفي وفي النبطشية  وقال ليها انها عندها اول عملية ك دكتورة جراحة انهاردة وانها تستعد لدة وشرح ليها عن العملية الجراحية
سجي بتوتر  : حضرتك انت متاكدة اني هقدر اعمل دة
حمدي : اكيد وانا هبقا معاكي ك نوع من الاطمئنان بالنسبة ليكي لكن بعد كدة اكيد هتبقي زي ابوكي استاذنا كلنا
سجي : مثلي الاعلي هو بابا اكيد لكن  لو سمحت محدش يعرف اني بنتة
حمدي : دة اكيد
سجي : شكرا لحضرتك استاذن انا
حمدي : اتفضلي طبعا
وكانت سجي متوترة جدا لدرجة انها عيطت  وطلعت عن ابوها بسرعة
ودخلت عندة في مكتبة الخاص
فريد : سجي مالك فيكي  اية بتعيطي لية
سجي بدموع : بابا اول عملية ليا انهاردة وانا متوترة ومش عارفة اعمل اية الطب كلة راح من دماغي حاسة اني كنت في الكلية بلعب مش بدرس مش عارفة اعمل اية دلوقتي ارجع اسمع شرح الدكتور ثاني في الكلية ولا اعمل اية
فريد : ههههههه حبيبتي اهدي كدة عادي دية التوتر اللي كلنا مرينا بية اقعدي واسترخي كدة وانا اطلبلك لمون وحاولي تشوفي ان دة عادي وقعدت علي الكرسي اللي امام ابوها وبتحاول تهدي ومسكت تلفونها واتصلت باحد وصدرمن التلفون صوت : الو اخير صحابتي الانتيم رضيت عني وكلمتني
سجي بصوت واطي : لا مرضتش ولا هرضي
ليث : مالك بتتكلمي بصوت واطي لية لتكوني مخطوفة ولا حاجة
( ليث ضابط مخابرات كفؤ جدا بيحب شغلة طويل وعريض وعندة غضلات وشعرو لونة بني وناعم وعيونو زرق  يعرف سجي من ايام المدرسة لكن مشفهاش ثاني بعد دخلو للكلية الشرطة واتجوز جواز صالونات وخلف عمر ابنه عندة ثلاث سنين وماتت مراتة وقابل سجي ثاني بالصدفة واتعرفوا علي بعض ولما كبروا وبداءوا يتكلموا وبقوا صحاب انتيم )
سجي بصوت واطي :لا يا فصيح انا قعدة قدام بابا
ليث : وفيها اية يعني دة عمي ممكن يكون فكرني كملن سلميلي علية
سجي بنفس النبرة : مفيهاش حاجة لكن انا بتكسف اتكلم مع راجل قدام بابا معن بابا عرف عني كل صغيرة وكبير لكن بتكسف اتكلم قدامة صحيح هو انت فين
ليث : هكون فين يا حسرة اكيد في المكتب بس اية اللي خالكي تتعطفي وتتكرمي وتتصلي بيا
سجي : خايفة اوووي يا ليث
ليث :حد من عيلتك اتخطف
سجي بصوت عالي :يا لهوي عليا في اية يا ليث ايةحكايتك مع الخطف
بص فريد ليها اتكسفت وبصت في الارض من الكسوف
سجي بصوت واطي  : منك لله خرجتني عن شعوري
ليث : هههههه اصل انا طول النهار عمليات خطف بس خير خايفة لية
سجي : انهاردة اول يوم ك دكتورة مش تحت التدريب   واول  عملية ليا انا هموت من الخوف
ليث : اولا عارف ان انهاردة اول يوم ليكي وكنت هتصل بيكي وبعدين انتي خايفة من اية انا متاكد انك احسن دكتورة في العالم دة كلة وهتعملي انجازات كثير وهبيقا ليكي اسم كبير اووي وبكرة اجي عندك وانا متصاب وانتي تتدخلي العمليات وتعلجيني
سجي :بعد الشر عليك انت مجنون يا ابني طب تعالي زيارة لاي حد
ليث :الموت علينا حق واحنا بنروح المهمة مش بنعرف احنا هنعيش ثاني ولا لا اصلا
سجي : اية الطاقة الأجابية دية كلها يا ليث بقولك خايفة
ليث : ههههه تحبي اجيلك
سجي : لا شكرا مش عاوزه خليك في مكتبك يا سيادة المقدم
ليث : طب يا وحيات سيادة المقدم خلاص بقا متزعليش مني انا والله كنت تعبان اوي ونسيت اني اتصل بيكي حقك عليا يا انتمتي
سجي : ما كل الصبيان كدة بيغلطوا كدة والبنات بيصالحوا
ليث : علشان البنات قلبوهم طيبة حقك عليا بقا
سجي :والله ماشي مسمحاك بس المرادي بس
ليث  : ماشي بقولك عاوز اشوفك انهاردة علشان نحتفل بيكي
سجي : ماشي امتي وفين
ليث : امتي الساعة 6 كدة وفين في كافية....... اكيد عارفة
سجي : اتفقنا بس جيب عمورة معاك علشان وحشني اووي
ليث  بضحك : حاضر يا ستي يا يا ريت كنت عمر علشان اوحشك زية
سجي : لا علي فكرة وحشني اووي انت كمان وعاوزة احكيلك علي حاجات كثير
ليث : انا اكيد هبقا مغرور علشان الاميرة الصغيرة قالتلي وحشني و اوي كمان
سجي : علي اساس انك مش مغرور يا ابو عيون زرق
ليث بغرور : دة انا التواضع نفسة يا بنتي
سجي : تصدقك انك كذاب اووي دة انت حتي بتقولها بغرور
فريد : سجي مش كفاية كدة كلام بقا وتروحي اوضة العمليات علشان تتعقمي الاول
سجي : طب سلام دلوقتي يا ليث
ليث : كلميني اول ما تخلصي يا دكتورة
سجي :دكتورة اية بس بص انا همسك المشرط اغمض عيني  افتح اي حتة تيجي فيها ايدي وخلاص
ليث : هههههههه اهدي كدة اللهي يسترك وسمي الله كدة واقري الفاتحة وهتنجحي ان شاءالله
سجي : ربنا يسهل يا رب
ليث : سجي
سجي : نعم
ليث : مطوتك في جيبك اللي يقولك غششيني قطعية غشي انتي
سجي : يا ظريف سلام سلام
قفلت معاه
فريد بجدية : ثاني مرة وانتي قاعدة قدام مديرك يا دكتورة مينفعش تتكلمي في الموبيل
سجي : ماشي يا دكتور انا اسفة
فريد : مفيش مشكلة انا حبيت بس الفت نظرك لدة يا ريت ثاني مرة متحصلش
سجي :اكيد يا دكتور مش هتتكرر واشكر حضرتك انك لفا نطري لحاجة زي دية بعد اذن حضرتك
وخرجت وذهبت الي غرفة العمليات
                           🤓🤓🤓🤓🤓
وفي مكتب ليث
دخل لية تامر اخوة
ليث :عاوز اية
تامر :وهعوز اية منك اصلا
ليث : امال جي لية عشان تحرق دمي يعني
تامر : انا ضابط زيي زيك
ليث :لا فوق انا سيادة المقدم وانت لسة رائد
تامر : اه وانت يا سيادة المقدم عرفت تحافظ علي مراتك ولا عامل فيها مقدم ولا انت بتعرف تعمل حاجة اصلا مش عارف ازي اصلا وصلت ل مقدم بالسرعة دية وانت فاشل
ليث اتعصب اووي من كلامة وعرف ان دة غرضة لكن بين لة انة مش فارق معاه وقال ببرود : لما توصل وتبقا زي كدة ابقا اتكلم علي مكتبك بقا يا شاطر
تامر : جي ليك علشان ماما عاوزة تشوف ابنك مش عارف علي اية الصراحة عاوزة تشوفة
ليث : وانا مش موافق اني ادية لواحدة متعرفش معني الرحمة اتفضل علي مكتبك
تامر : براحتك يعني هتريحنا اكثر اصل الواد طالع لابوة واحنا مكوناش نقصين نسخة ثانية منك
ليث :اخرج برة يا تامر وانساني وانسي ابني وقولهم في البيت الكلام دة
تامر :ماشي يا عم شيفنا احنا اللي هنموت ليك ما تروح في داهية تاخدك انت وابنك وتريحنا
وخرج وساب ليث متعصب لدرجة انه عاوز يكسر المكتب بكل حاجة فية ومش عاوز فية حتة سليمة
وجم صاحبة  المقربين وهما قصي وسليم
قصي : الواد الرخم دة جالك ثاني لية
ليث بعصبية  : هو لقي نفسة فاضي ف قال احرق دم ليث شوية انا مش عارف عملتلهم اية انا علشان يعملو دة كلة اكان حرق دمي وزعلي بيتغذوا علية ولما لقوا اني كبرت وممكن ازيهم فا اكتفوا بحرق دمي
سليم : اهدي يا عم الاسد شوية انت كدة بتنولهم اللي في بالهم خليك فرفوش زي كدة اتعلم مني حاجة يا عم
قصي : بيقا ضمنت انك مش هتحس ثاني يا اسد
ليث : هههههه فعلا
سليم :  مش هزعل منك بس علشان خاطر عمورة خلفتي في عالم المخابرات
ليث : لاونبي ابعد عن ابني
سليم : كدة يا اسد ماشي
ليث :بس عاجبني اوي موضوع اسد دة بدل ما يدوروا علي لقب ليا جابو معني اسمي وبقا لقبي دة انتو اذكا منكو مفيش
قصي :صحيح عمر عامل اية مع البيبي سيتر الجديدة
ليث : مشتها زي اللي قبلها بدور علي واحد طة جديدة
سليم : الواد دة متعب زي ابوة دة احنا جبنا بيبي سيتر من كل انحاء العالم دة انا اكتشفت بلاد اول مرة اسمع عنها
ليث :هو مش مرتاح ليهم والمعاملة مش بتبقا كويسة قدامي ما بالك من ورايا وانا يعتبر طول النهار في الشغل وساعات طول النهار والليل ومش برجع البيت علشان المهمات عاوز واحدة اكون مطمن علي ابني معاها فهمت
قصي :وهو فين دلوقتي اوعي تقول سايبة لوحدة
ليث :لا وديتة عند جارتنا يقعد عندها عقبال ما اجيب بيبي سيتر
قصي : طب ما تخلي جارتكوا دية معاها علطول واديها فلوس وكدة واكيد هتوافق
ليث :هي بتشتغل ومتجوزة بس انهاردة علشان اجازة ليها وكمان عمر مش بيحبها قاعد عندها بالعافية
سليم :انا هطق من ابنك دة
ليث : ياض ابني دة ملك
قصي : طب سيبك من ابنك دلوقتي وتعالي نشوف المهمة
ليث : بس همشي الساعة 6 ماشي
سليم : ماشي
                           🥴🥴🥴🥴🥴
وخرجت سجي من غرفة العمليات والعملية نجحت
حمدي : شوفتي الموضوع سهل اززي مش محتاج التوتر دة كله
سجي : انا كنت هموت والله من التوتر
حمدي : مش الاولة علي الدفعة اللي تقول كدة عاوز يكون عندك ثقة في نفسك اكثر من كدة
سجي : اكيد يا دكتور
حمدي : تعالي طيب اوديكي المكتب واعرفك علي صحابك
وذهبوا الي مكتب هو عبارة عن مكتب وامام المكتب كرسين وكنبة كبيرة نوعا ما وكان بيها ثلاث اشخاص
حمدي :اعرفكوا دية الدكتورة سجي ودة الدكتور ادهم ودية الدكتورة مني ودية الدكتورة فجر
سجي : اهلا
مني بترحيب : اهلا بيكي يا دكتورة سجي
فجر : نورتي مكتبنا
سجي : بنورك
حمدي : انا همشي انا بقا علشان تتعرفوا علي بعض اكثر
وخرج
ادهم  : دة اول يوم ليكي يا دكتورة سجي
سجي : اه بلاش دكتورة دية احنا هنبقا صحاب قوليلي  سجي عادي ولو اقولكوا باسماءهم عادي
مني : اكيد  يا سجي تعالي اقعدي
ادهم : سجي عاوزة يوم اية تكوني تباتي هنا
سجي : عادي خليها يوم الاحد
ادهم : ماشي
مني : دة فعلا اليوم اللي احنا مش بنلقي حد بيات فية بصي كل  جمعة وسبت واحد بس اللي بيجي وبنغير كل اسبوع ماشي
فجر : اية يا جماعة طب خلوها تاخد نفسها
سجي :لا عادي يا فجر وانا موافقة
وقعدوا يتكلموا واخدو علي سجي ووجدوها روحها حلوة ودمها خفيف وحبوها وسجي كمان حبتهم
فجر : ادهومي قلبي انا يا ناس
ادهم : عاوزة اية يا فجر هاتي من الاخر
فجر : حبيبي اللي فاهمني انا جعانة روح انزل جيب اكل
ادهم : ماشي هنزل وعلي حسابي المرادي شوفتي الكرم
مني : ادهومي اللي بحبة دة سيدي الكرم كله
ادهم : يا عيني علي الحب يا ناس
سجى : وياريت تجيب حاجة ساقعة معاك يا ادهومي
ادهم :انتي كمان يا سجي ماشي ماشي
سجي : هههههههه
ادهم : طب انا نزل بقا
وافتكرت ليث
واتصلت علية
ورد ليث :  الو ياسجي عاملتي اية
سجي :  تمام الحمد لله نجحت يا ليث
ليث : الف مبروك يا دكتورة
سجي : علي معادنا صح
ليث :اكيد
سجي : تمام سلام بقا شكلك مشغول
ليث : مش مشغول ولا حاجة عادي زهقان شوية بس
سجي : لية
ليث :عمر مش لقي بيبي سيتر حلوة لية وبودية عند جارتي و كدة وطول النهار قلقان علية وغير شغلي متعقد شوية
سجي : طب اهدي كدة وان شاء الله كل حاحة ليها حل وانا عندي حل لمشكلة عمر دية هقولولك لما اشوفك انهاردة علشان اطمن انك هتيجي
ليث : علي اساس اني كل عمري قولتلك اني جي ومجتش دة انتي اكثر واحدة مش بحب اتاخر عليها مش عارف علي اية الصراحة
سجي بغرور: طب بذمتك رايح تقابل واحدة قمر زي كدة وتتاخر عليها يبقا معندكش دم
ليث : وبتقولي عليا مغرور
سجي : اتعلمت منك بقا
ليث : طب اقفلي بقا علشان الحق اكمل شغلي علشان متاخرش عليكي
سجي : سلام بس لو اتاخرت هموتك
ليث :ماشي يا ستي سلام
وفقلو وجاب ادهم الاكل  واكلو جميعا في جو من المرح
                            😍😍😍😍😍
وجاءت الساعة 6 وكانت سجي وقفة قدام الكافية
ودخلت وقعدت
سجي : الاستاذ لسة مجاش ماشي استني شوية
وقعدت ساعة كاملة مستنية ليث ومظهرش حتي
سجي :لا كدة كثير يعني لو مش هيجي كان حتي اتصل مش يسبني كدة
واتصلت بية
ليث : الو يا سجي ممكن تجيلي البيت لو سمحتي عمر تعبان اوي وعندة سخنية جامدة وانا مش عارف انزل اجبلة الدواء لو سمحتي هاتي اي  دواء للسخنية  وتعالي
سجي : ماشي حاضر بس ابعتلي العنوان
ليث : حاضر
وبفعلا بعت لها وراحت سجي ومعاها الدواء وطلعت للشقة وخبطت
وفتح لها ليث واستغربت انه في كامل اناقتة وقال لها :سجي تعالي ادخلي
توقعتكم ❤
بقلمي منه ماجد 🤩