اضطهاد عائلي

الفصل الثاني من رواية اضطهاد عائلي

وبفعلا بعت لها وراحت سجي ومعاها الدواء وطلعت للشقة وخبطت
وفتح لها ليث واستغربت انه في كامل اناقتة وقال لها :سجي تعالي ادخلي
سجي بتوتر لكن لكن تحاول ان تخفية  لعدم ازعاج ليث :ماشي
ودخلت
سجي : فين عمر
ليث : تعالي ورايا في الاوضة دية
ذهبت سجي وراءه بتوتر وفتح الباب الغرفة ودخل ليث الاول وقال : تعالي ادخلي يا سجي
ودخلت سجي وجدت بالفعل طفل صغير نايم ويظهر علي وملامحة تعبانة وبجانبة طبق فية منشفة مبللة
سجي دخلت وقعدت علي طرف السرير وقالت :عندك ترمومتر
ليث هو يعطيها الترمومتر وقال : كانت درجة حرارة وانا بكلمك كانت 40°
سجي : طب هات الحقنة دية
عمر بتعب : ثجي انا بخاف اووي من الحقنة
سجي : روح قلب ثجي انت طب نتفق اتفاق لو وجعتك  هاجي ثاني من اول اليوم ونعلب ولو موجعتكش هخلي بابا يخدني انا وانت ونروح الملاهي تمام اتفقنا
عمر : اتفقنا
وخد الحقنة منغير ما يتوجع
سجي :اية رائيك انفع دكتورة ولا لا
عمر : طبعا تنفعي انتي احلي دكتورة هنروح الملاهي صح
سجي :  طبعا يا حبيب قلبي طب نام دلوقتي شوية عقبال ما اعملك حاجة تتاكل تعالي يا ليث سيبوا يرتاح شوية دية خافض للحرارة
وخرجوا وقعدوا في الصالون وقالت : انت متشيك لية كدة ان شاءالله كنت مستني مين ونسيني
ليث :كنت جايلك لكن افتكرت كلامك ف روحت لعمر الاول اجيبة زي ما انتي قولتي وجارتنا كانت مسافرة سابتوا ليا ومشيت وانا دخلت البس واجيت البسة لقيتوا كدة زي شايفة ومبقتش عارف اعمل اية جبت الكمادات وقعدت وعملتلة لكن الحرارة مكنتش نزل واتصلت بيكي وجيبتي وبس 
سجي : ليث
ليث : نعم
سجي :تتجوزني
ليث : افندم
سجي : تتجوزني انا بحس اتجاهك بمشاعر غريبة حاولت اعتبر ان دية مشاعر صداقة وكدة لكن انا مش متقبلة دة فاهمني
ليث : انت مش فاهم غيرك اصلا سجي ممكن تتصلي بيا
سجي : اشمعنا يعنى
ليث :اتصلي بس
واتصلت بية واعطي لها الهاتف الخاص بة وظهر اسم
( يا رب اجعلها من نصيبي ❤🤲)
ليث : عندي نفس المشاعر دية يا سجي انا كل ما اجي اصرحك بمشاعري دية بقول انك مستحيل تفكري فيا او يكون عندك نفس المشاعر لانك بنت جميلة ولسة متجوزتيش وانا ارمل ومعايا ولد كمان و ف مكنش ليا اتجاة ثاني غير الدعاء ان ربنا يجعلك من نصيبي دية اكثر دعوة دعتها في كل صلاة ليا في وسميتك كدة علشان كل ما تتصلي بيا اقول امين يا رب انك تكوني من نصيبي وقسمتي ولو مكنش في الدنيا بيقا في الاخرة
سجي : بحبك اووي وانت عندي احسن من مليون واحد اعزب يا ليثي
ليث : ليثك مرة واحدة كدة لا في قوانين
سجي : خير يا سيادة المقدم مش مرتاحلك
ليث : اولا تحدديلي معاد مع ابوكي علشان اطلبك منه تمام
سجي : حلو تمام اية ثانيا بقا ربنا يستر
ليث : يبقا مفيش حاجة بينا يعني انا مش همسك ايدك ولا هحضنك والكلام دة علشان متقوليش انت مش بتحبني اه بعشقك لكن براعي ربنا فيكي انتي دعوة ربنا استجاب ليا فيها مش عاوز الشكر لربنا اني اغضبة فيكي لا احنا لازم نشكر ربنا اننا نشجع بعض علي طاعة الله علشان ربنا يكرمنا ويجمعنا في بيت واحد في الحلال  تمام
سجي :تمام يا عم ليث ممكن بقا ترويني المطبخ من فين علشان اعمل اكل للواد التعبان دة
ليث بضحك لانها حكت له عن مغامراتها في المطبخ مع امها وقال : سجي ابوس ايدك بلاش عمر تعبان مش ناقص تسمم
سجي : لاوالله دية اخرتها علي فكرة انا تتطورت في عالم الطبخ جداا بيقت اعرف اعمل بيض مسلوق وانظف فرخه واحطها في المية اللي بتغلي واتبل بانية واسخن عيش شوف بقا يا ظالمني انت
ليث :فعلا ظلمك اووي بيقتي تعرفي تعملي فرخة مسلوقة في تطور حلو
سجي : مين قال اني بعرف اعمل فرخة مسلوقة انا بعرف بس احطها في المية مش اكثر ولا اقل بس انا معايا الموبيل اتصل ب جمولتي حبيبت قلبي امي تقولي علي الباقي وريني فين المطبخ بس
ليث : طب سبيني انا اقولك
سجي : لا انا هساعد نفسي بنفسي وريني انت المطبخ فين وانت هتشوف الشيف اللي جوايا
ليث :  ربنا يستر تعالي
ودخلوا المظبخ 
سجي : هات حلة يا ابني
ليث : ابنك انتي مش ملاحظة اني اكبر منك 4 سنين
سجي بعند  : اللي يكبر عنك بسنة كانه كبير عنك بيوم يعني انت اكبر مني ب 4 ايام بس
ليث : بغض النظر عن المثل اللي اتقلب دة هتعملي اية اكل يا اميرة عصرك وزمانك
سجي : عندك فرخ ولا انزل اروح لعمو بتاع الفرخ واشتري
ليث : لا فية في الثلاجة كنت جايبها انهاردة ومتنظفة كمان
سجي : طب جابها عقبال ما احط مياة في الحلة وتعالي شالها انت
ليث : ماشي اجبلك الحلة ولا اية الاول يا قصيرة بس تصدقي طولتي انتي كنتي اقصر واحدة  في المدرسة كلها
سجي : انت اللي طويل زيادة عن الطبيعي
ليث :خدي الحلة اهية حطي فيها مياة
وحطت فيها المية وشغلت البتوجاز
سجي :اسنتي بقا اتصل ب ماما
واتصلت بجميلة وفتحت الاسبيكر
جميلة بغضب : الو يا سجي انتي فين انا كنت عارفة انك مجنونة لكن مش لدرجادي
سجي :اية بس اللي مزعلك يا جوجو
جميلة :ومش عارفة كمان الساعة كام يا محترمة
سجي : تلقيها 7 ونص كدة
جميلة : الساعة 10 يا سجي انتي عاوزة تموتني نقصة عمر يا بنتي انتي فين لحد دلوقتي انا مسكتة ابوكي بالعافية
سجي :مستحيل الساعة 10 فعلا الوقت كالسيف اذا لم تقطعة قطعك بيقولك يا جوجو اذا ضغيت الوقت وانت شاب يضيعك الوقت وانت كهل بصي انا مش متصلة عشان نتكلم عن الوقت بقولك في دلوقتي انا حطيت مياة في حلة وحطتها علي النار تمام بعدين اعمل اية بقا علشان اعمل فرخ مسلوقة
جميلة : انتي مالك بالكلام دة والله لو هموت بيقا منك يا سجي بقولك ابوكي علي اخرة وكل شوية يسال عليكي اقولة جت وانا نزلتها تجيب حاجة ليا ومفيش بنت عندنا بتقعد كل دة برة البيت ولو ابوكي عرف انك مجتيش من الصبح هيعمل مشاكل كثير وهيعملك انتي فراخ مسلوقة تعالي بسرعة
سجي :قولي بس بتتعمل اززي
جميلة : سجي انتي فين انتي مجنونة ولا اية
سجي :يا ربي علي الاسالة دية لازم اجاوب يعني اولا انا في بيت ليث
جميلة بصراخ : نهارك اسود انتي بتعملي اية في بيتة
سجي : ماما اهدي بقولك انا في المطبخ مش في اوضة النوم واهدي فاتحة الاسبيكر
جميلة : ما هو دة اللي ناقص يا بنت بطني
سجي بهزار : ما كنت فيها من شوية
جميلة : انتي عاوزة تموتيني صح تعالي يا سجي ربنا يهديكي بكرة عندنا عمك جي وعيالة وستك جاية كمان
سجي : بجد هو بكرة الجمعة
جميلة : اه يا سجي
سجي : خلاص يا ليث ابقا تعالي انت وعمر علشان تتعرف علي العيلة ولا اية يا ماما
جميلة : طبعا يا بنتي يشرف وانا نفسي اتعرف علية طبعا
سجي : خلاص ابقا تعالي بعد صلاة الجمعة علطول يا ليث
ليث : تمام اتقفنا بس يلا اوصلك علشان فعلا الوقت اتاخر اووي مينفعش تكوني هنا لحد دلوقتي مامتك معاها حق يلا
سجي : والفرخة
جميلة : فرخ اية بس يا سجي
ليث :انا هعمل الفرخة لما اجي يلا بقا يا بنتي ومعلش يا طنط انها في بيتي لحد دلوقتي لكن انا عندي ظروف هي اللي خالتها تيجي بيتي اصلا انا اسف بجد
جميلة :انا عارفة يا حبيبي انك راجل محترم ومش هيحصل حاجة يعني لكن دية الاصول بردو ومينفعش بنت تفضل في بيت شاب لحد الساعة 10 باليل ولا انت اية رائيك
ليث : اكيد يا طنط علشان كدة بتاسف لحضرتك
سجي : خلاص يا ماما انا ماشية اهوا سلام بقا
وقفلت مع امها
ليث : هوصلك استني ثوانى
سجي :لا خلاص خليك انت مش مهم انا هاخد تاكسي وامشي
ليث :سجي مش هينفع اسيبك لوحدك دلوقتي يلا
سجي : وعمر
ليث :عمر نايم وهاجي قبل ما هو يصحي اكيد يلا بقا علشان الحق اجي قبل ما يصحي
وبفعل وصلها لحد منزلها ونزلت وطلعت عند امها
                      ︵‿︵(´ ͡༎ຶ ͜ʖ ͡༎ຶ ')︵‿︵
وطلعت منزلها وفتحت جميلة لها ودخلت جميلة المظبخ وسجي وجدت ابوها جالس في الصالون
فريد بستغراب : انتي لسة بهدومك اللي كنتي بيها الصبح
سجي  قعت جانبة ودخلت في حضنه
فريد بحنان  : ها قولي
سجي : بابا انا عاوزة احكيلك حاجة
فريد : علشان كدة قولتلك قولي
سجي : انا كنت هقابل ليث اللي حكيتلك عنة قبل كدة
فريد : دة اللي كنتي بتكلمية وانتي قاعدة معايا
سجي اتكسفت اوي ودخلت في حضن ابوها اكثر وابوها حضنها اكثر وقالت :  اه هو وكنت هقابلة بعد المستشفى علطول في كافية كدة لكن هو مجاش واتصلت بية وقال ان ابنة تعبان وطلب مني اجيب الدواء واجيلة البيت ورحت واديت ابنة الدواء وقعت معاه شوية وخو وصلني انا كدة غلط ولا صح
فريد : انتي حاسة بالذنب علشان كدة جاية تخدي رائي  سجي بدفاع عن نفسها :لا يا بابا انا دكتورة وانا عملت واجبي مش اكثر ولا اقل وعالجت عمر اللي درجة حرارة بتاعتة كانت 40
فريد : وانتي لازم تروحي البيت بتاعة يا سجي ما كان ممكن تقوليلو يروح علي المستشفى بية وهيلقي اكيد اهتمام اكبر حتي يكون في دكتور اطفال مش دكتورة جراحة
سجي : البيت بتاعة كان بعيد عن المستشفي وكان هياخد وقت كثير عقبال ما يوصل
فريد :والكافية مكنش بعيد عن بيتة بردو
سجي معرفتش ترد لان فعلا الكافية كان بعيد عن البيت لدرجة انها راحت في ساعة
فريد :اكيد كان بعيد لكن انتي فضلتي انك تروحي البيت بتاعة لان في حاجة انتي عاوزها مش هتنفع تتعمل في المستشفى
سجى : بابا انت تقصد اية  انت قولتلي لو في ايدك تساعدي اي حد ساعدية مهما كان هو مين وليث صاحبي وصديقي ودة ابنة وليث محترم جدا وانا رايحة كنت عارفة ومتاكدة انه محترم
فريد :انا عارف انه محترم لكن هو صديق وبس يا سجي
سجي : لا يا بابا دة مش صديق وبس دة حبيب كمان انا بحبة بحبة اوووي لدرجة الجنون بحبة وكنت هعترف لية لكن مجاش وانا رحت لية البيت علشان اقولة كدة ومينفعش اقول له في المستشفى دة واول حاجة قالها اني احدد معاد معاك يجي يطلبني منك بابا انا اول مرة اروح مكان مغير ما تكون حضرتك عارف بية لكن انا بحبة ومشاعري هي اللي حركتني خلتني اسوق ساعة علشان اوصل لعندة ومتعبتش وحتي لو تعبت اول انا اشوفة هيروح التعب دة كلة
فريد استغرب اووي هي بنته الوحيدة كبرت اووي كدة هي دية اللي كانت امبارح طفلة وانت بتمسك ايدة علشان تقدر تمشي هي دية اللي كان بيوصلها للمدرسة وتبقا بتعيط علشان هو سيبها هي دية اللي كان بيلعبها هو العمر جري بسرعة اوي كدة وبنته دلوقتي بتحب وحبيبها عاوز معاد علشان يقابلة معقول الطفلة اللي بضفائر دلوقتي بقت عروسة طب هو دلوقتي المفروض يعمل اية اول مرة يكون في الموقف دة
ضمها الي حضنة وقال : انتي كبرتي امتي يا سجي كدة
سجي : اسف اوووي يا بابا اني عملت كدة بس بحبة
فريد : انا عمري يا سجي عمري ما تخيلت اني هقعد معاكي واتكلم عن الحب ولا حتي جية في خيالي
سجي :ولا انا انا بحبة ومش عارفة اززي ولا امتي سامحني
فريد ببتسامة : بصي يا سجي الحب مش حرام ولا بيدك انك تتحكمي فية لكن في حاجة في ايدك ولازم تتحكمي فيها علشان الحب يفضل حلال وهي تصرفاتك وعلطول يا سجي قبل ما تتصرفي التصرف دة فكري هل دة هيغضب ربنا ولا لا لو هيغضب ربنا ابعدي عنة لو لا بيقا خلاص اعملية فاهمة
سجي : طب انا دلوقتي غزمتة علي بكرة علشان يتعرف علي اهلي وكدة ويكلم حضرتك كمان
فريد :ماشي يا سجي
سجي :طب انا هروح انام بقا
فريد : سجي متعمليش كدة ثاني وتروحي في مكان منغير ما تقوليلي انتي بنتي الوحيدة واتعزبت انا وامك عقبال ما جبناكي وانا مش عارف انتي فين انا كنت هموت من الخوف عليكي
سجي : ماشي يا بابا اسفة
ودخلت اوضتها وجت جميلة
فريد ببتسامة : بتعملي اية في المطبخ كل دة
جميلة : قاعدة علشان انتو تتكلموا برحتكم
فريد :اكيد سمعتي كل حاجة كنتي عارفة دة
جميلة وسندت علي كتف زوجها ولفت يدها حول يده وقالت :والله ابدا يا فريد بس هي جت حكت عن اللي اسمة ليث وعيونها كانت بتلمع لمعة غريبة كدة بس قولت متهيألي لكن لما كانو زعلانين حستها متغيرة شوية وزعلانه من جوها بس انت عارف بنتك بتكتم جوها ومش بتتكلم بس بردو قولت عادي صاحب قريب منها والطبيعي انها لما بيكونو زعلانين اكيد هي هتزعل بس كدة
فريد : وانا زيك لكن قولت مستحيل بنتي تحب حد وانها صغيرة علي الكلام دة بس الواضح انها كبرت وانا اللي مش واخد بالي
جميلة : انا بقا كنت عارفة انه هيجي يوم وتحب و تتجوز لكن مش عارفة انه هيجي بسرعة دية مكونتش بفكر هعمل اية من بعدها لما تروح وتتجوز لكن دلوقتى فكرت هعمل اية من بعدها فاكر يا فريد ساعت ما الدكتور قالي انك ممكن متخلفيش وانا عيط كثير اووي لحد ما عملت العملية وحملت في سجي واول ما اتولدت حسيت ان الدنيا بقت جنة
فريد : جميلة حبيبتي كدة كدة كانت هتتجوز واية اللي احنا بنقولة دة هي حتي اتخطبت حسيت فجاة انها ريحة بيت جوزها دلوقتي دة لسة جي يقابلني بكرة 
جميلة : حكتلك انه ارمل ؟!
فريد : حكت
جميلة : وانت اية رائيك
فريد : مش مهم يا جميلة مش مهم ارمل ولا مطلق المهم انه ياخد باله منها ويصونها ويحطها في عيونة مش مهم حاجة ثانية خالص وهيفيد في اية اعزب ومتجوزش قبل كدة ويوريها النجوم في عز الظهر
جميلة : عندك حق يا فريد هي فين البت سجي صحيح
فريد : دخلت تنام
جميلة : والعشا
فريد : سبيها النوم احسن ليها دلوقتي طول النهار قاعدة في توتر واول عملية ليها
جميلة :والاكل يا فريد تلقيها مكلتش حاجة من الصبح سجي لما بتبقا متوترة مش بتاكل
فريد : برحتك صحيها لو عرفتي
                         🧡💛🧡💛🧡💛
في غرفة سجي
اتصلت ب ليث
ليث : الو
سجي :اية يا ليث روحت ولا لسة
ليث : روحت اهو لسة داخل من الباب وكنت هتصل بيكي بس كنت خايف انك تكوني نمتي ولا حاجة
سجي : انت كنت متخيل اني هناك منغير ما اطمن عليك
ليث : قولت من كثر التعب
سجي : لو تعب الدنيا كله فيا لازم اطمن عليك بردو يا ليث
ليث : ربنا يخليكي ليا يا رب ويجعلك من نصيبي وقسمتي
سجى : امين يا رب بقولك عمر عامل اية
ليث :نايم والسخونية راحت شوية علي الصبح هبيقا كويس ان شاءالله
سجي : مش كلمت بابا
ليث :امممم
سجي : يعني اية اممم دية
ليث : امممم دية مستني الباقي حصل اية يعني 
سجي : ها قولتلة علي حقيقة مشاعري اتجاهك
ليث : لابوكي
سجي :لا ل ابو الجيران ما تركز معايا كدة
ليث : سجي من الصبح في قضايا ومهمات وتعبان ممكن نتكلم بعدين معلش علشان مش مركز معاكي
سجي بلهفة : الف سلامة عليك يا حبيبي خد اي دواء مسكن او اي حاجة
جميلة : ايوة انتي قعدة هنا  تحبي وقال اية ابوكي بيقولي تعبانة ونامت
سجي بخضة : لا اله الا الله اية يا ماما يا حبيبتي في باب في احم احم في دبت رجل مش تخضيني كدة
ليث :هههههههه
سجي : حضرتك فرحان اووي بخضتي دية
خدت منها جميلة الموبيل وحطتة علي اذنها
ليث : اووي كنت لسة هتكلم واقولك مش احنا اتفقنا اننا نرعي ربنا في العلاقة دية ونشكرة انه يجمعنا بالطاعة والعمل الصالح لقيت مامتك قامت بالواجب
جميلة : السلام عليكم يا ابني
ليث : وعليكم السلام ورحمة الله وبركاته ازي حضرتك عاملة اية يا رب تكوني بخير يا طنط
جميلة : الحمد لله كويسة يا ابني الحمد لله ان لقيت سجي  بتكلمك عشان كنت هكلمك اكد عليك معاد بكرة بعد صلاة الجمعة تيجي انت وابنك
ليث : ماشي ان شاءالله هنيجي
جميلة : ان شاءالله يا حبيبي خد سجي معاك اهية وقالت بتحزير لبنتها : سجي العشا جاهز 
سجي : حاضر حاضر ليث سلام علشان اتعشا وانت نام ونبقا نتكلم بكرة
ليث :تصبحي من اهلي
سجي :وانت من اهلي يا حب سلام بدل ما تفتحلي انت كمان مخاضرة
وقفلت
وراحت تتعشا معاهم واكدت عليهم ان اول ما ياتي اي احد يصحوها علي الفور ونامت
                         🖤💜🖤💜🖤💜
وفي الصباح
جميلة : سجي قووومي سجي ليث جية وقاعد مع ابوكي قومي
سجي : بجد ولا بتهزر
جميلة :وهزر لية يعني قومي يا بت ولا اقولك خلاص خليكي نايمة
سجي : لا لا خالص هلبس الفستان واجي
ولبست الفستان فعلا وطلعت مع امها وامها شيلتها العصير  وجدت ليث  يجلس مع ولدها وعمر قاعد بجانب ليث
حطت العصير علي الطاولة
عمر :ثجي
سجي خدتة في حضنها وقالت :حبيبي انت عامل اية دلوقتي كويس
عمر : ايوة كويس الحمد لله مش هنروح الملاهي
سجي : هنروح ان شاءالله بس سيادة المقدم يوافق
ليث : انتي بتجبيها فيا انا يعني
سجي : طبعا امال
فريد : سجي خلاص اقعدي ساكتة كنا بنتكلم في اية يا سيادة المقدم
ليث : عمي حضرتك ممكن تقولي ليث عادي انا
فريد :ماشي يا ابني كنا بنتكلم في اية بقا
ليث : كنت بقول لحضرتك علي شقتي في التجمع الخامس
فريد : اه والعفش
ليث : اللي تقول علية حضرتك هجيبة اكيد وانا مرتبي مش وحش غير ان كل مهمة بتكلف بيها اكيد بمبلغ
سجي : اية دة الف مبروك هتتجوز دة انا هزغرط  بقا
ليث : اه زغرطي يا اختي عقبالك في اية بقا مالك
سجي : يعني انتو اتفقتوا منغير ما ابقا موجودة وانت ايش عرفك اني هوافق عليك اصلا
ليث : ودة من اية دة
سجي : من انك المفروض تسالني اني موافقة ولا لا
ليث : لا والله طب انتي موافقة نتجوزني
سجي بغيظ : متزفتة اتفضلو كملوا
فريد : مالك يا سجي
سجي :مليش انا دخلة الاوضة بتاعتي عقبال انا عمي يجي
وقعدوا يتفقوا مع بعض وليث مستغرب من رد فعل سجي وجم عمها واولادة رنا ورانيا توأم مختلفين جدا عن بعض
رنا اول ما شافة ليث : اية دة ليثوا عامل اية
ليث : الحمد لله عاملة اية يا رنا
جميلة : انتي تعرفية يا رنا
رنا :اومال دة انا معة من ابتدائي يا انطي ومراتك القمر  عاملة اية
ليث ابتسم : كويسة
سجي : انتي تعرفي مراتة منين
رنا :واحنا في الساحل يا بنتي شوفتة هو ومراتة بيعملة شهر عسل جديد وسيبين ابنهم عند امها مش حرام كان اسمها بيداء بحرف ر بردو قولي معايا يا رانيا
رانيا بزهق : انا رايحة اغير هدومي
رنا : طب قول انت معايا يا ليث 
ليث :اقولك اسمها يعني ولا اعمل اية
رنا : كلك مفهومية ما اسمها كان غريب افتكرة اززي دية
ليث : اسمها روني اية الغريب في كدة 
رنا : بس مقولكيش يا انطي قشطة علي مهلبية بشرتها بيضة اووووي عيونها ازرق فاتح وشعرها اصفر اووووي وطبيعي وعندها حسنة في رقبتها وجسمها متقوليش منحوت وصوتها دة واطي وحساسة اوي تشوفيها تقولي عليها بسكوتة يا انطي
ورنا بتوصف روني كان ليث سرحان ويبتسم  وبيتخيلها انها قدامة وبتصلة بكسوف ايوة كان جوازة من روني صالونات لكن هو عشقها بعد الجواز بكل معني الكلمة
رنا :ليث ليث روحت فين لييييييث لييييث
ليث : ها نعم في اية
رنا : انت مش معانا خالص بقولك هي فين مش معاك اوعي تقول انك مزعلها
ليث مش حابب يقولها انها ماتت وقال  : صحيح يا رنا عرفتي كل دة اززي هي اصلا محجبة اووعي تكون اتجننت ونزلت بشعرها
رنا : لا جيت عندكوا لما انت كنت نازل تجيب حاجة ليها وشوفتها واتصحبت عليها وانت جيت قبل ما انا اخد رقمها مردتش انت من غيرها ليه فين هي
سجي بغيرة : علشان هي ماتت يا رنا
رنا : بجد روني ماتت بجد
ليث : للاسف
رنا : ودة من امتي وازي
ليث : دة من سنة كدة من بعد شهر العسل واحنا راجعين هجموا عليا عصابة من اللي انا كنت المفروض اني مسكت كبرهم ورميته  في السجن واتحكم علية بالاعدام وحبوا يحرقوا قلبي عليها خدرونا خطفونا وكتفوني في الكرسي وادوني حقنة تساعد علي الشلل واني مقدرش اتحرك خالص وقتلوها قدام عيني وهي كانت قعدة تصوت وتقولي الحقني يا ليث وانا مش قادر اني اصلا اتحرك قتلوها او بمعني اصح  وذبحوها قدام عيني وعنية دمعت ومسحها علطول
رنا بشفقة علي حالة : طب اهدي كدة ربنا يرحمها
واتصل علية احد
ليث : لو سمحتوا ممكن ارد
فريد : اكيد يا ابني لو عاوز تخرج تتكلم برحتك
ليث : لا مش لازم دة رقم غريب اصلا
و رد
ليث : الو
.....: امسح دموعك يا سيادة المقدم بعد صعبت عليا اوي معلش بقا خدنا حته منك عارف انا بس عاوزة اقولك انت علطول بتختار البنات الحلوين العروسة الجديدة حلوة اووي وهبعت ليها ان شاءالله هدية بس علي الفرح كدة
توقعتكم 🖤
بقلمي منه ماجد 💓💗