اضطهاد عائلي

الفصل الثالث من رواية اضطهاد عائلي

.....: امسح دموعك يا سيادة المقدم بعد صعبت عليا اوي معلش بقا خدنا حته منك عارف انا بس عاوزة اقولك انت علطول بتختار البنات الحلوين العروسة الجديدة حلوة اووي وهبعت ليها ان شاءالله هدية بس علي الفرح كدة
ليث اتعصب اووي وعروق رقبتة بانت لكن قال بهدوء : اكيد العروسة هتستني هديتك وانا كمان اكيد هستناها في 60 داهية تخدكوا وقفل
واتصل بسرعة بقصي
سليم : الوو يا اسدي في اية يا بيبي وحشتك اووي كدة
ليث بعصبية : سليم مش وقتة دلوقتي انتوا فين
سليم : في الشقة مالك فيك اية
ليث : انا جي حالا ليكوا متتحركوش
سليم :انهاردة الجمعة علي فكرة وكل سنة وانت طيب بقا
ليث : انا قاعد وسط ناس ومش عاوز اقل ادبي عليك ودة مش تلفون قصي ولا اية
سليم : تلفونة لكن وحشني يا اسدي اعمل اية
ليث : سليييييييم
سليم بخوف : ماشي يا ليث احنا مستنينك والقهوة بتاعتك جاهزة من دلوقتي
ليث : ايوة كدة اتعدل سلام جي في الطريق
وقفل وقال :معلش يا جماعة لازم انزل دلوقتي
رنا : رايح فين
ليث : شغل
رنا: انهاردة الجمعة
ليث : واية يعني هو ممنوع الشغل يوم الجمعة
رنا  : اقعد معانا انهاردة يا ليث هو الشغل مش هيطير يعني انت طول الاسبوع فية
ورن التلفون بتاعة ثاني
ليث : بعد ازنكوا ارد
و رد
قصي :خير جي
ليث  :لا خليها بكرة علشان انا دلوقتي مرتبط بمواعيد
قصي : في اية
ليث : لما اجيلك اقولك
قصي : اديني فكرة عن الموضوع المهم دة
ليث :روني
قصي فهم انها العصابة وقال : هبدا من النهاردة اشوف كدة هوصل لاية انا وسليم وبكرة نبقا نتجمع سلام يا اسد
ليث : ماشي سلام
وقفل
ليث : ديني قعدت اهوا عاوزة اي حاجة ثانية يا رنا
رنا :وريني صور مراتك
ليث : روني لية يعني هو القاعدة كلها علي روني قفلي علي الموضوع دة بقا بجد انا مش بحب افتحه خالص
رنا : بس البت الله يرحمها كانت نوتيلا
ليث بضحك : انتي هتقوليلي عليها اقفلي بقا يا بت
سجي كانت هتموت من كثر الغيظ والغيرة
سجي : انا رايحة انام
رنا : نعم يا ختي هو انا جية اقعد مع الحيطة انا ليث خليتة يقعد اقعدي انتي كمان
سجي : مش عاوزة اقعد مع حد
ليث : عمي ممكن اتكلم مع سجي لوحدينا
فريد : ماشي يا ابني لكن مش كثير طبعا
رنا : وانا هقعد لوحدي
ليث : ما تسكتي شوية يا هبلة انتي
رنا : اشطا يا باشا
ودخلو في البلكونه
ليث : في اية يا سجي مالك هو انا عملتلك حاجة
سجي بضيق : قول معملتش اية
ليث : قولي حاجة واحدة
سجي : انا من امبارح عمالة اتخيل انت ازي هطلب مني الجواز وجية في بالي حاجات كثير وصحيت لقيتك بتتفق مع ابويا يكونش بتتفق انك تشتري خروف ولا حاجة ولما اقولك خد رائي تقولي انتي موافقة ولا لا ودلوقتى بتتكلم علي مراتك وجمالها وسرحت كمان فيها وابتسمت تكونش قدامك ولا حتي عامل اعتبار ل مشاعري اني بغير عليك ومدام بتحبها كدة لية جي تتجوزني لية لية بتقولي بحبك
ليث : طب اهدي اولا انا راجل جدي مليش في الدلع ورمانسية دية وانا اعرف الاصول لما بحب واحد باجي اطلبها من اهلها وادخل البيت من بابوا سجي انا عمري ما اتجوزت عن حب انا جوازي من روني كان جواز صالونات انا مكونتش بشوفها في الخطوبة دية لدرجة اني  انا نسيت اني خاطب اصلا ولا كنت بكلمها في التلفون ولا اي شي ف انا معرفش انتي مستنية مني اية بس اوعدك احاول المرة الجاية افكر ازي هسعدك تمام كدة خلصنا من موضوع بتاع التقدم موضوع روني ف روني انا مشوفتش منها حاجة وحشة ابدا عمرها ما قالتلي لا علي حاجة طول عمرها بتعملني معاملة طيبة وانا حبتها اوي بعد الجواز وهي اول ما رنا جابت سيرتها افتكرت انها عمرها ما عملت ليا حاجة وحشة ولا نيمتني في يوم زعلان حتي لو انا اللي غلطان وماتت بسببي كمان يعني حرام افتكرها بالخير واترحم علي روحها دية كانت مراتي وعمرها ما دخلت الشيطان بينا يا سجي وبقولك بحبك لاني فعلا بحبك والدليل اني عندك في البيت وبطلب ايدك في الحلال ممكن منتكلمش في موضوع روني دة ثاني لو سمحتي وهاخد بالي بعد كدة اسف
سجي :الله يرحمها ماشي يا ليث تمام مسمحاك طب بص هو انا لحظت حاجة عن عمر
ليث :انه هو بينطق س ث
سجي : اكيد ملاحظة دة من زمان حاجة ثانية انه مش زي كل الولاد مش بيجري ولا بيلعب هادي وقاعد ساكت وحزين   هو دة كدة علطول!!
ليث بحزن  : ممكن تقوليي كدة عمر لما روني كانت عايشة كان زي اي طفل مرتبط بامة اوووي وروني كانت بتهتم بية جداا بزيادة عن الطبيعي علشان هو اول فرحتها فكانت حريصة اووي انها متقصرش في حاجة اتجاة وترجع تندم عليها لما ماتت روني عمر حس بفراغ كبير اووي في حياتة وملقاش اللي يملي الفراغ دة انا علطول في شغلي ف بقا علطول قاعد ساكت وهادي كدة من بعد ما كان شقي اووي وبيلعب 24 ساعة
سجي بحزن علي حال الصغير الذي لا زنب له في شي وقالت :انت مش بتجبلة بيبي سيتر لية تقعد معاه
ليث : انا متهيألي اني بجبلة كل يوم واحدة شكل هو مش مرتاح ليهم زي ما تقولي خد علي الوحدة ولا اية وبردوا وارجع واقولك مهما البيبي سيتر عملت عمرها ما هتبقا زي روني ومعاملة روني لية
سجي : طب لية مفكرتش تتجوز
ليث :نعم امال انا بعمل اية دلوقتي
سجي : مش اقصد روني ميتة من سنه تقريبا صح لية مفكرتش تتجوز خلال السنة دية
ليث : تقدري تقولي انا بقيت بعد موت روني مريض نفسي بسبب ان روني ماتت بسببي انا وحرمت عمر من ان يكون لية ام زي بقيت الاطفال اللي في سنه بقيت مش عاوز اتجوز واقول هعمل اية لو اتجوزت واتعلقت بيها من ثاني ولو خلفت وماتت هبيقا عندي عمر ثاني واحرمة من امه او يغيروا الخطة ويعملوا العكس واعيش ام من غير ابنها واكتشفت ان الجواز مش هيجي منه غير الوجع وبس فقررت اني مش هتجوز لكن انتي غيرتي حسباتي يا سجي خالص وخلتيني احب اكرر التجربة بتاعت الجواز دية من ثاني بس تاكدي يا سجي ان لو في خطر علي حياتك انا همشى منها نهائي
سجي وهي بتحاول تغير الجو للحزين هذا وقالت بمرح : انت مجنون وعاوز تسبيني كمان
ليث :  مقدرش اسيبك لكن لو كان اني اخرج من حياتك دة احسن ليكي ف اكيد هنسحب من حياتك فورا
سجي : اقفل الموضوع الحزن دة وعمر انا هخلية يلعب ويجري ونكسرلك انا وهو الشقة ان شاءالله جهز جيبك بقا
ليث : هههههه طب يلا علشان شكل كدة الوقت فات وابوكي قال مش كثير وممكن يضربي كدة
سجي : لا دة فيروو طيب اووي متخافش قولي بقا انتو اتفقتوا علي اية علي المهر والشبكة والعفش  وكدة
ليث : قالي هتعيشوا فين قولتلة في شقة التجمع الخامس بتاعتي واي حاجة انتي تطلبيها بعد كدة اوامر وانا هنفذها علطول انتي تشاوري علي العفش اللي يعجبك والشبكة اللي تعجبك وانا اجبهم فورا والمهر والمواخر المبلغ اللي ابوكي يقول علية هدفع ولسة هو قال ان دية قاعدة تعارف وكدة ويعرف انا معايا اية وبشتغل اية وبعد ما خلصنا كلام قال هيسال عليا وياخد رائيك ثاني ويقولي هو قرر اية ممكن بقا كفاية اسالة انا حاسس اني في تحقيق
سجي بضحك  : اعتبر نفسك في تحقيق مليش نفس يعني احقق معاك ما انت طول الاسبوع بتحقق مع المتهمين حد قالك حاجة اشمعنا انا يعني
ليث : وانا متهم باية بقا حضرتك
سجي : بخطف قلبي دة مش جريمة يعاقب عليها القانون يا سيادة المقدم
ليث ضحك وقال مصتنع الجدية :  يعاقب يا فندم بس فين دليلك
سجي : انك لما خطفت قلبي انا مش قادرة اعيش من دونك لانك معاك قلبي
ليث : طب ناجل المحكمة دية لبعد كتب الكتاب ونطلع علشان ابوكي هتضربنا احنا الاثنين
سجي : علي فكرة انا بحبك
ليث :استغفرالله العظيم يا بنتي اتهدي بقا ما قولنا بعد كتب الكتاب
سجي : هو انا قولت حاجة بقول بحبك بعبر عن مشاعري انا ممكن اموت لو معبرتش عنها وخلتها مكبوتة كدة يرضيك اموت يعني
ليث :  لا ميرضنيش يا ختي هي البلكونة دية فيها حاجة يلا ندخل بقا
ودخلوا
فريد : اية اتصلحتوا ولا اية
ليث : اه الحمد لله يا عمي بقول لحضرتك هو امتي هننزل نجيب الشبكة
رنا : لولولولولولولولولولوللولولولولي فرح مين بقا
ليث : وربنا مجنونة فرحي انا وسجي ان شاءالله
رنا بفرحة : لولولولوللولوللولولولولي الف الف الف الف مبروك وعقبال عيالكو ان شاءالله وعقبااااااالي معندكش عريس الله يسترك
ليث : عندي واحد مجنون زيك كدة اسمة سليم
رنا : بجد لولولولولولولولولي وهتجوز هتجوز انا خالص هتجوز وهبطل ابص علي البنات بنات اية بس خليها هبطل ابص علي الرجالة وهتجوز هتجوز اسمة سليم يعني لو احب ادلعه اقولة يا سولي هيييييح يا سلام علي الحب وجمال الحب يا جدعان الواد بقا عندة جفاف عاطفي وربنا بس خلاص سولي جية وحط مية في الجفاف وهبقا مرتبطة ياااا اخيرا كنت فين من زمان يا ليثوا يا جامد انت بس تعرف اني انا مش عاوزة اخلف بنات انا عاوزة اخلف ولاد وكلهم شبه سولي حبيبي
ليث : يالهوي دة انتي ضايعة منك علي الاخر انتي اصلا لسة شوفيتة
رنا : مش مهم اشوفة انا حبيتة خلاص سبني اتخيا وانا حامل كدة وقولة انا بولد يا سولي يا قلبي انا ونجيب ولد ونسمية فهد يااااا هييييح
ليث : مجنونة وربنا انت مستحمل بنتك دية اززي
عم سجي : والله مش عارف يا ابني
رنا :سولي حبيبي هو اللي هيسحملني
ليث : ربنا يكملك بنص عقلك اللي فاضل يا رب
سجي : سيبك منها هنعمل الخطوبة امتي يا بابا
فريد :هو انا لسة سالت علية يا سجي ولا وفقت اصلا دية قاعدة تعارف وبس وعلشان انتو صحاب قاعدين نهزر ونضحك لكن دية قاعدة تعارف لا اكثر ولا اقل
سحي : تسال علي مين يا بابا ما هو قدامك اهوا ليث عندة  30 سنة  ضابط ارمل ومعاه العسل دة وعندة شقة في التجمع الخامس ومحترم في اية ثاني تسال علية وكل دية شكليات اصلا
فريد : سجييييي اسكتي وروحي ساعدي ماما
وبعد وقت طويل مشي ليث هو عمر  
ومر اسبوع ولم تحدث احداث الا
اجتمع ليث وقصي وسليم مع المدير وقال لهم ليث علي المكالمة وحطو حراسة علي سجي وعمر واهل سجي بدون معرفتهم وبداءوا يبحثون عن هذة العصابة المتخفية
                  🌸🌸🌸🌸🌸🌸🌸🌸
وفي المستشفي سجي اتعودت علي الجو وعلي دخلوها العمليات وتعرفت اكثر علي مني وفجر وادهم واحبتهم واحبوها اكثر
مني : واد يا ادهم مش هنتجوز بقا
ادهم :اعملك اية يعني
مني : بص يا ادهومي انا وانت خلاص بقينا مرتبطين ولازم نتخطب علشان سمعتي وكدة
ادهم : ودة من امتي ومين قال اننا مرتبطين اصلا
مني : انا بقولك اننا مرتبطين وهتيجي تتقدم
ادهم :امر واقع يعني
مني :اعتبرة كدة انا معرفش حد غيرك وانا عاوزة اتجوز هخلل كدة جنب الست الولادة
فجر :وانا كمان يا ادهومي
ادهم : وانتي كمان اية و احنا ريحين جنينة لا اية
فجر : انت ليك تتجوز اثنين وثلاثة كمان وانا وموني هنتصرف مع بعض
ادهم : وانتي يا سجي مش عاوزة انتي كمان
سجي : لا يا روح سجي انا زي الفريك محبش شريك انا مرتبطة اصلا
مني : سيبك منها  خليك معانا احنا  كدة هنتجوز علي نفسنا انا وفجر لو اتجوزنا علي نفسنا هتحصل مشكلة في المجتمع صدقني يعني انت في ايدك تحل مشكلة تعاني المجتمع فيها
ادهم : بس يا مجنونة منك ليها انا مالي ومال مشاكل بتاعتكم مع المجتمع
خل ليث
سجي بصدمة : ليث في حاجة اية اللي جابك هنا تعبان ولا اية اتصبت عمر جالو حاجة ما تنطق
ادهم : ما تديلو فرصة ينطق يا حجة والله انا محاط بشلة متخلفة وسعوا انا رايح امر علي المرضة قبل مت اتشل
ليث : سجي انا كويس والكل كويسين بس انا جي علشان اخدك اوديكي البيوتي سيتر علشان الخطوبة وكتب الكتاب انهاردة
سجي بصدمة اكثر :نعم مستحيل طبعا انت مجنون يا ليث انا حتي مجبتش الفستان ولا جاعزة ولا القاعة احجزت ولا اي حاجة
ليث : انتي انهاردة ملكة احلمي بس وانا انفزر ومتشليش هم حاجة يلا يا ملكتي علشان الحق اعمل كل حاجة
سجي : بجد مجنون
مني : هييييح يا لهوي علي الرومانسية طب مش هيجي بقا ابن الورمةاللي هيعمل معاايا كدة
ليث : هو انا كل ما امشي لقي رنا ثانية قدام ي اية يا ربي البنات اللي بتتجوز علي نفسها دية لدرجاي السوق نايم يلا يا سجي يلا علشان متاخرش
وفعلا سجي ذهبت مع ليث وذهبوا الي البيوتي سيتر وكانت كل حاجة مجهزة ولقت فستان ابيض طويل واكمام شفافة علية نقوشات وعملت ميكب خفيف وليق عليها وشعرها مفرود علي ظهرها وكانت ملكة  علي عرش قلب ليث وجية ليث وهو يرتدي بدلة سوداء وقميص ابيض وذهبوا الي القاعة وكل كان موجود وسعيد وبارك لها فريد وجميلة بدموع وبارك لهم الجميع وتمني لهم السعادة وفجاة كل الانوار انطفأت وفتحت ثاني كان ليث يجلس علي قدمية وبيدة خاتم وقال : تقبلي تتجوزيني يا اميرتي
سجي بفرحة : موافقة
ولبسها الخاتم  وجية الماذون وكتب الكتاب
الماذون : بارك الله لهما وبارك عليهما وجمعة بيهم في خير
ليث شال سجي وحضنها ولما نزلها ظهرت فتاة من عدم
ليث بصدمة : روني
توقعتكم 🌸❤
بقلمي منه ماجد 😍❤