البارت الرابع
شيخة صارت الساعة بالتسعة خابرت اخوية حسام
اجه فات سلم قبل منطلع اباوع عليه احس عيونه ادور على احد عرفته يدور على رشا بنت خالي يحبه
كتله ماموجده
كال منو
كتله اللى عيونك ادور عليه
هو ضحك كال لعد وين راحت
كتله راحت البيت جده
شيخة حسيته عصب شنو تسوي بيت جده
ابن خالته اجه من برا جان يدرس
ومسوين عزيمة جان يكول هااا
كتله اي وبعدين
كال شنو بعدين
كتله شوكت تخطبه كال بعد
انتظر الوقت المناسب
كال يله وصلنه
نزلت لكيت الكل موجود
سلمت عليهم
كعدت يم امي كتله جده وخوالي ينشدون عليج
يكولون زمان مارايحتهلهم
الام اي والله صحيح ان شاء الله هل يومين أروحلهم
وعندي الج بشارة
الام شنو البشارة
شيخة مرت خالو عيسى حامل
الام الله يبشرج بالخير خطية هسه اكيد فرح صارله سنه ونص من متتزوج ومرت ماحبلت
شيخة ليش تحسسيني انو صارله قرن متزوج
الام راح من تزوجين تعرفين راح ادوخينه ليش ماحبلت وليش وليش
شيخة بغرور ومنو كال اني اتزوج
الام بعصبية ليش تردين تعنسين يمي
شيخة وشكو بيه
الام اي هسه متردين بعد الثلانين يمه اريد ازوج
شيخة يمه نسيت
الام شنو نسيتي
شيخة خالتي سحر
الام شبيه بعد
شيخة متقدمله شيخ ورافضته وبيبي لعبة طوبه بيه
الام ماتنلام أمي بيه لازم تكسر خشمه
شيخة ليش لا متردين تتزوج
ترى الزواج مو غصب
الام اختي اعرفه لازم احد يجبره ويزوجه
كثر الدلال خلاه هيج
يله اريد انام تصبحين عالخير
الأم وانتي من اهله
شيخة صعدت غيرت ملابسي
لبسن دشداشه لون سوده قصيرة
ودخلت بفراشي اكلب بالتلفون
ما حسيت الا احد دخلى عالخاص
المحادثه
…………… الو
.......هلو
شيخة الو
شيخة منو
........ اني اللى حبيتج وبعت الدنيا علمودج
شيخة😨😨😨
شيخة تكول منو انته لو اسويلك بلوك
..........اني ابن عمج اللى يحبج ويبيع اهل ويشتريج
شيخة انت منو من ولد عمي
..........اني ابن عمج قاسم
شيخة وهسه شنو تريد استاذ قاسم
قاسم ما اريد شي بس اسأل عليج
شيخة هذا وكت تسأل بيه
قاسم اي شكو بيه مو بنت عمي وحبيبتي
شيخة حبك برص استحي اني بنت عمك
مو من هذني البنات اللي تعرفهن وتخابرهن
هاي اولا ثانيا اني مااحبك ولا اطيقك
ومستعدة يذبحوني ولااتزوجك
قاسم بعصبيه ليش شبيه انى مو عاجبج
ترى انتى بنت عمي واكدر انهى عليج
شيخة ههههه ضحكتني يابن العم
اريد انام وانته ازعجتني
وللتراسل بعد
مرة ثانية اكو لابوية واخواني ولد عمي
.تشوف شنو يسولك
قاسم افهم هذا تهديد
شيخة افهم مثل متفهم
يله روح احسلك
باي
اوووف يمه شلون لزكة شكد اكره راح احجيلكم عنه
هذا ابن عمي قاسم على ست بنات .مدلل عطال بطال مزوج ثلاث نسوان ومطلكهن يعني(نسونجي) يحب البنات مامخلي بنية تعتب عليه وفوكاه سكير ويشرب كل يوم طلابه بسببه بابا وعمي ميتحاجون ههه يحبني صارله خمس سنين وكل مايتزوج يكلي انتي السبب اريد انساج مااكدر
طفيت الموبايل ونمت
الى هنا ينتهي البارت انتظروني
للكاتبة ياقوتة الانبارية
