البارت السادس
شيخة كاعدة احضر جنطتي مال السفرة
دك التلفون رحت شفته هاي سحر
الووو هلو سحر حبي شلونج
سحر هلا فيج انتي شلونج
شيخة تمام وانتي
سحر اني زعلانة عليج ياخايسة
شيخة ليش زعلانة ياروحي
سحر ليش مااجيتي وي امج
شيخة هااا اي ماجيت لان كاعدة احضر جنطتي حتى اروح للاربيل
سحر شعندج باربيل يادايحة
شيخة جدو راح يسوي عملية لعيونة واني راح اروح وياه
سحر اكلج شيخة
شيخة كولي احس وراج شي اتصالج مو لله
سحر شيخة عامر يسلم عليج ويكول ليش ما اجتى وي عمتي يكول لو بس تنطيني فرصة والله اعيشه اميرة
شيخة سحر انتي اكثر وحده تعرفين اني مااحبه معتبرته مثل اخوية وخلي يكطع نفسه من الدنيا انى مو اله
ولو حتى انى اقبل بي ولد عمامي ينهون عليه
مااريد تصير مشاكل بسببي
خليه ينساني
سحر شيخة ترى عامر يموت عليج افهمي
شيخة انتي اكثر وحده تعرفين اننى تأ ذيت من الحب فلا تحاولين ياي
سحر يله حبي اني اسفه بس هو لح عليه الا اخابرج
تروحين وتردين بسلامة
شيخة الله يسلمج محتاجة شي مناك
سحر لا يكلبي سلامتج يله باي
شيخة باي
عامر اليوم فرحان عمتي سعدية اجتي
يعني راح اشوفه واملئ عيوني
عامر اجتي عمتي يمنه اليوم فرحت حيل كلت راح املئ عيوني بشوفته طلعت من الديوان دخلت للمطبخ
عيوني ادور اله مالكيته
كلت اكيد بالصالة
دخلت وسلمت على عمتي سعدية شلونج عمه
العمه سعيدية هلا عامر شلونك اخبارك ماتسال على عمتك
عامر لاوالله عمه دائما اسأل عليج
العمه سعدية شوكت تزوج مانويت
عامر والله ياعمه مالكيت اللي بالي
العمه سعدية
عامر عمه شنو رايج اصير نسيبج
العمه سعدية والله ياريت ما الك احسن منك أمن على بنتي ولا شنو رايج ياام عامر
ام عامر نتشرف عيوني ناخد شيخة بس هي تقبل أو ولد عمه يقبلون اخاف ينهون عليه وتصير مشكلة
العمة سعدية اي والله ولد عمه ينخاف منهم وبنات العشيرة ميطلعن للغريب
ام عامر يمه عامر ليش متأخذ وحده من وبنات حالتك حلوات ودارسات ومثقفات
عامر عرف قصد امه يمه خليه بعدين
يله انا اترخص اروح للديوان
عامر يحجي وي نفسه اوووف يمه اعرفج تكرهين شيخة وتسميه المتعجرفة بس والله بحيل الله اخذه
عمه سحر
سحر نعم بس من تريدون شي تسموني عمه
عامر يعني هو اني اكبر منج بسنة
سحر جيب من الاخر
عامر اريدج تخابرين شيخة اريد أسمع صوته
سحر مااكدر
عامر فدوه رحتلج عمه
سحر اوكي وتصلت عليه عمه اويلي يمه من كالت الووو
احس الدنيا وكفت يم صوته
بدت تحجي وي سحر وصدمتني لمن كالت ماتحبني
اويلي شكد كسرت قلبي ليش ياشيخة مو انى احبج
خلصت سحر مكالمة وحسيت سحر انقهرت عليه
سحر عامر حبيبي شيخة عوفه هي متحبك هاي اولا
ثانيا ولد عمهه ميقبلون
اويلي احس اريد اصيح ليش يبت كلبي
الى هنا ينتهي البارت
للكاتبة ياقوتة الانبارية
