البارت الثالث عشر
سحر كعدت من الصبح فرحانة نزلت
جوه كعدنه نحضر بالريوک
اجه اخوية ابو عامر خويه
أبو عامر نعم خويه رايده شي
سحر بخصوص شيخ عناد صليت استخارة وماارتاحيت
كوله ماكو نصيب
ابو عامر على راحتج
دك تلفوني هاي شيخة
سحر الووو هلو حبيبتي شلونج
شيخة والله مو بخير
سحر ليش ياستار
شيخة بسبب ابن اخوج واخته
سحر ليش شبيهم
شيخة حسام يسلم على عامر
ويكله هلا بخال الجهال عامر يكله ماعدنه بنات للزواج
شيخة وبنت اخوج تبيع ثكل ام التلفونات
سحر كافي عاد ماسمحلج تتجاوزين
شيخة وآلله والاسمه الله اكلب الدنيا على راس عامر اذا تعرضلي مرة ثانية
البارحة كله يتصل ويدز رسائل غرامية
وانتي روحي افتحي تلفون بنت اخوك وشوفي بيه كم رقم
يله باي
سحر مصدومه من اللى كالته شيخة
علي جنت بالمحاضرة واجانى اتصال من ابوية
بعد المحاضرة دكيت عليه
الوو هلو يابه خو ما اكو شي
الشيخ مصعب لا ماكو شي بس من تخلص دوام
حتى تروح تشترى غرفة
لان قررت العرس بعد اسبوع
يله رايد شي سلامتك
اويلي شلون بلوه صورته مطبوعة بالي
شكله يجنن
انتهى دوامي ونزلت للسوك
حتى اشتري غرفة
سحر رحت أخذت تلفون رشا بدون متدري
وفتحت الرمز وشفت البلاوي
اخذت التلفون ورحت على عامر وكتله عوف شيخة ترى ميصير هي علذمة رجال اذا درو اخوته راح تصير مشاكل
وهاك شوف اختك المصون شوف شمسويه
عامر اخذ الموبايل ونصدم اليوم الا اذبحه
سحر اوكف يمنه خطار لتفضحنه
بعدين اتصرف وياه
سحر عفت عامر ولتهيت بالمطبخ
وسمعت صوت امي تناديني
اي يمه جيت
ها يمه امري الام سدي باب الغرفة
سحر سديت الباب كولي يمه شكو
الام عمتج بدرية خطبتج لشيخ لوئ
سحر هااا😨
الام شبيج فتحتي حلكج
سحر انتي شنو رائيج يمه
الام والله انى غلطت مره ودخلت انى بعد معليه ضلت يمج
سحر لو موافقة من البداية جان هسه اني عندي اطفال بطولي
الام لاتلوميني هسه على شي صار ومضى
هسه انتي موافقة
سحر لا ماموافقة
الام بعصبية وجع اتوافقين احسلج
اروح انطيهم موافقتج
سحر بس اننى ماموافقة
الأم عافته وطلعت
سحر احس بروحي بحلم بعد ربع ساعة سمعت الهلاهل
خجلت كلش
شيخة جنت كاعدة بغرفتي وسمعت الباب
يندك منو جدو يصيحج بالديوان
شيخة اي جيت لبست شالي ونزلت
حسام بابا وين
حسام ابويه بالديوان يريدج موجود عمج
دخلت لديوان وكلت السلام عليكم
شيخ مصعب وشيخ منصور وعليكم السلام
الشيخ منصور تعالي بوية هذا عمج يريد يسلم عليج
الشيخ مصعب اللهم صلي على محمد هاي جنتي
الشيخ مصعب تعالي بوية شيخة تقربت منه وكتله اهلا عمو
الشيخ مصعب وباس راسه وكال هاج بوية هذا مهرج
واي شي تحتاجينه بس كوليلي
وباجر يجي عليج علي حتى تعقدون محكمة
الشيخ منصور ياشيخ مصعب ترى هاي وحيدتي على تسع ولد ومدللهه ترى انطيتك قطعة من كلبي
الشيخ مصعب هاي بنتك بعيوني
ومن اليوم هي وحده من بناتي
شيخة استأذنت وطلعت
سحر طلعت للمطبخ والكل يباركلي كالم باجر نعقد
وعمتي بدرية بوستني وكالتلي انتي راح تصير ين جنتي
وشفت الفرحه بعيون امي صار شكد صارلي مشايفة هاي اللمعة بعيونه
شيخة طلعت بالمطبخ وسمعت جدو يصيحني
رحت على جدو كتله نعم جدو تريد شي
الجد تعالي وقفلي الباب قفلت الباب وكعدت يم جدو
الجد الجد راح اكلج شي وهذا الشي يبقه سر بيني وبينج
شيخة كول جدو
الجد اني بزمناتي جنت احب بنت جيرانه جنت اشوفه كل يوم تجيب مي من النهر هي وبنات عمه
واني حبيته وقررت اخطبه وفاتحت ابويه الشيخ بالموضوع ورحنه خطبناها
بس طلعت ابن عمه ناهي عليه
تزوج هي واني تزوجت وظل حبه بكلبي
شيخة مندمجة وي حجي جدو اي جدو كمل
الجد البارحة سمعت عنه اخبار وشفت ولده وأحفاده
شيخة وشلون شفتهم
الجد خطيبج علي يصير حفيده
شيخة 😦
الجد شبيج نصدمتي
شيخة من البارحة كله صدمات شسالفة
الجد اريد بس التقى بيه
شيخة جدو والله طلعت مو سهل
الجد بصحكة شنو قصدج
شيخة ماادري بس انته تحبه
الجد اني عشكته
شيخةوالله ياجدو سالفتك سالفة
انتهى البارت
الكاتبة ياقوتة الانبارية😘😘😘
