تغيرت لأنتقم 💔

البارت 2«

#تغيرت لأنتقم 💔
#البارت ـ التاني
الصوره أمير 💖

خرجت سيلا وهي تتحدث في الهاتف
سيلا،  هاي شاهي فينكم
شاهي،في الديسكو يابنتي
سيلا، اوكي جايه
شاهي،اوبا خلعتي ازاي
سيلا، عيب عليكي دا انا سيلا
شاهي، تمام يا قلبي مستنياكي باي
سيلا، بااي
*****************
شاهي،جايه
مراد،حبيبي زي ما اتفقنا
شاهي، اكيد يابيبي بس كل حاجه بحسابها
مراد، اكيد يابيبي بس اطولها
شاهي،انت هتموت عليها كدا ليه
مراد،مش حكايه هموت عليها بس حابب اكسر مناخيرها اللي رافعاها في السما دي شايفه نفسها اووي
شاهي،اوكي هات الحبايه
مراد، خدي اهي اول ما تتمطوح عرفيني بيس
شاهي،بيس ياقلبي

*********************

في نادي رياضي
يجلس أمير ومروان مع بعض زملائهم ليلاحظ مروان شرود آمير
مروان هامسآ له،ايه ياباشا مالك اللي واخد عاقلك
أمير، قوم نمشي
مروان، نمشي فين يالا احنا لسه جايين
أمير، مش عارف يا مروان حاسس في حاجه هتحصل
مروان، قوم معايا كدا نتمشي شويه ونرجع لهم تاني وتفهمني في ايه
معلش يا شباب خمس دقايق وجايين
ليبتعدو عنهم
مروان، فهمني بقي في ايه
أمير، مفيش حاجه يا مروان عايز امشي
مروان، أمير مش هنستعبط كنت هتموت وتخرج حصل ايه
أمير، انا مش عارف حصل ايه اتخنقت مره واحده استني ارن علي ماما وألما اشوفهم كويسين
مروان،  بس الوقت اتأخر زمانهم نايمين شوف كدا
ليتصل علي امه ليجدها بالفعل نائمه واخته ايضا فقد تعدت الساعه 12
أمير،  يووه بقي مش عارف طب اتصل علي عمي كدا
مروان،  عمك مين ياحج انا سايبه نايم اصلا 
أمير، طب ما  تتصل كدا علي سيلا اقصد يعني شوفها كدا واطمن عليها وعلي عمي
مروان، مش عارف انا مش عايز اقلقهم
أمير،يوووه خلاص هتصل انا عليها
يحاول الاتصال بها ليجد الهاتف مغلق او غير متاح
أميربقلق واضح، تليفونها مقفول
مروان، وايه المشكله ممكن قفلته ونامت متقلقنيش وحيات عيالك
أمير، انت ايه البرود دا انا ماشي اشوفها انا متأكد فيها حاجه
مروان، طيب ماشي هاجي معاك يالا قلقتني

***************×**********

في الديسكو تصل سيلا تركن سيارتها وتنزل منها لتدلف للداخل فتلفت جميع الانظار إليها فهي ترتدي  فستان احمر قاتم يصل الي ركبتها بدون اكمام تركت شعرها الاسود مسترسل خلف ظهرها تضع كحل اسود يبرز زرقه عينيها مع حمره شفاه حمراء بنفس لون الفستان لتخطف الانظار بطلتها
تتقدم منها شاهي،ايه القمر دا ياقلبي
سيلا،  طول عمري ياقلبي 
شاهي، هههههه تعالي كلهم هناك
سيلا، اوكي يالا
تتجه لمجموعة من الشباب في زاويه ما
سيلا، هاي جايز
مراد، سيلا هانم اخير تكرمت وجت قعد معانا
سيلا، قولت اعطف عليكم هه هه
لتردف فتاه،بس اي الحلاوه دي ياسيلا
سيلا، دي اقل حاجه عندي انا سيلا الراوي برضه
شاهي،اجبلك  كاس
سيلا، انت تقلتي في الشرب ولا ايه انت عارفه مش بشرب
شاهي، ااه اوكي نسيت يبقي اكيد عصير
سيلا، انت عايزاني اشرب اي حاجه وخلاص
شاهي بتلعثم، هههه لا اكيد مقصدش
سيلا، هاتي العصير بتاعي
شاهي، اكي ياقلبي
تذهب وتعود بعد قليل لتعطيها كوب العصير وتغمز لمراد
سيلا، مرسي
لتكمل الحديث معهم وبعد بضع دقائق تشعر بالدوران وتشويش في الرؤيه
شاهي، تعالي ياسيلا عايزاكي
تستند عليها لتأخذها بعيد عنهم بالقرب من البار  وتغيب عن الوعي
يأتي مراد من خلفها
مراد، ها تمام
شاهي، كله تمام بالهنا ياقلبي ومتنساش حلاوتي
مراد،اكيد 
يقترب ليحملها فتفتح عيونها فجأه تمسك زراعه في حركه سريعه وتلويه خلف ظهره وتكسره ثم تمسك بمقدمه رأسه في حافه البار فتنظر الي المصدومه أمامها بإبتسامه خبيثه
سيلا، مصدومه ياقلبي مش كدا لعبتي مع الشخص الغلط