تغيرت لأنتقم 💔

البارت 15«

#تغيرت ـ لأنتقم
#البارت ـ الخامس عشر
#سهام ـ راضي
ـــــــــــــــــــــــــــ
بعد وداعه للجميع وتوصياتهم التي لا تنتهي ذهب لاداء مهمته
وظلت سيلا قلقه بشده بعد ما قاله لها والصندوق الذي اخذته منه ولم تفهم شئ من توصياته لكن المؤكد ان هذا الصندوق مهم للغايه ولا تقوم بفتحه الا اذا حدث له مكروه

ــــــــــــــــــــــــــــــــــــــــــــــــ
في مكان عملهم
اللوا، اظن كدا فهمتوا المطلوب
أمير ومروان،تمام يافندم
اللوا، اتفضلوا ربنا معاكم
أمير ومروان، تمام يا فندم
خرج الاثنين من مكتب اللوا استقلوا السياره الخاصه بالمهمه وانطلقوا
في السياره
أمير، مروان انا مش مطمن خالص للموضوع دا ليه احنا بس مفيش حد  معانا ليه اصلا احنا بالذات علي الرغم ان اكتر من ظابط فاضي
مروان، عشان انا المقصود من كل دا
أمير، انت المقصود ازاي  يعني
مروان،  انا المطلوب بالاسم للمهمه دي وليهم غرض من كدا تقريبا يصفوني عشان كدا سلمت الورق لحد تاني
أمير، يصفوك! وسلمت الورق لمين
مروان،لو حصل لي حاجه الشخص دا هيقولك...
أمير،  بطل هبل يا مروان وانت فاكر ان انا هقف اتفرج عليك وانت بتموت ووعد مني هفديك بروحي يا صحبي وهنرجع سوا كمان
نظر له مروان وكأنه يقول له هل تصدق ما تقوله  ثم اردف،
يالا وصلنا
غادروا السياره في حرص شديد وبدءو في التسلل الي الداخل حدث اشتباك مع بعض الافراد حتي هرب احدهم ومن الواضح انه رأيسهم خرج مروان خلفه سريعا طارده بالسياره  فتره حتي ابتعد عن المكان ظهر له من العدم عدد كبير من السيارات وبدءو في مطاردته حتي وصل الي قمه جبل وتوقف لكن لم تتوقف هذه السيارات واقتربت منه سريعا هنا قد فهم مخطتهم حتي ضربت هذه السياره مؤخره سيارته ووقعت في الهاويه وانفجرت بعد دقائق

علي الجانب الاخر عند أمير  اثناء اشتباكه مع بعض الاشخاص لاحظ خروج مرون واتباعه لشخص ما فاستقل سيارته واتبعه حتي رأي سقوط السياره من فوق الهاويه نزل سريعا واقترب في صدمه وهو يري انفجار السياره
أمير، مروااااااان
اتلفت علي صوت احدهم
~~،متخفش هتحصله
واتبع هذا الصوت صوت الرصاصه التي استقرت في صدره

فتح عينه سريعا بعد ان عاد من ذكرياته علي صوت الباب الخاص بمكتبه
أمير، ادخل
دخل شخص ما وهو يؤدي التحيه العسكريه،تمام يا فندم حضره اللوا اسماعيل طالب سيدتك
أمير وهو ينهض، تمام روح انت وانا جاي وراك
الشخص، تحت امرك ياباشا
ارتدي كابه وذهب الي مكتب اللوا دق الباب ودخل بعد سماع صوت يأذن له بالدخول
أمير، تمام يافندم حضرتك طلبتني
اللوا، ايوه في مهمه جديده انت وفريقك القديم سليم ويامن مع اللوا اسامه وهتروحوا من بكره
أمير، تحت امرك يا فندم
اللوا اتفضل انت دلوقتي
آمير، عنئذنك
ــــــــــــــــــــــــــ
استيقظت في الصباح علي صوت هاتفها التقطته دون النظر للمتصل فهي تشعر بالتعب بعد تفكير دام طوال الليل في مهمتها وثأرها ومابلتها له بعد تلك السنوات
سيلا، الو
انت لسه نايمه يا كسوله انت قومي يالا بسرعه
سيلا، عايز ايه يا اكمل علي الصبح لسه بدري
اكمل، بدري من عمرك الساعه 10
سيلا، لسه معاد الطياره بليل
اكمل،  لازم نخرج ونلف ونودع البلد يالا يالا بسرعه انا مستنيكي تحت البيت من بدري
سيلا،اوك نص ساعه واكون عندك
اكمل،تمام سريع كدا
سيلا، اقفل يالا
ـــــــــــــــــــــــــــــــــــــــــــــــــــــــ
في مكان اخر بفيلا معتز الراوي تجلس وحيده في حديقه الفيلا في الليل المظلم تعتلي الارجوحه التي تحركها ببطء شديد تنظر للفراغ بعيون دامعه  مازالت تبكي حتي الان علي فقد حبيبها ونصفها الاخر لم تشبع عينيها منه بعد خطف منها ولا تعرف السبب لما حدث كل هذا...!
انتشلها من تفكيرها صوت عمها وحماها
معتز، ما كفايا بقي يابنتي حرام عليكي نفسك انت دايما كدا قاعده لوحدك سرحانه وبتعيطي كلنا حزنا عليه بس الحياه لازم تمشي ومش بتقف علي حد وابنك اللي مش بتقعدي معاه خالص ولا تعرفي عنه حاجه ولا هو يعرف عنك حاجه
ألما، غصب عني مش قادره اصدق لحد دلوقتي يمكن ادم هو الحاجه الوحيده اللي مصبراني لحد دلوقتي لولاه مش بعيد كنت اتجننت او حتي موت نفسي انا جوزي وامي ماتوا في نفس الشهر مينفعش محزنش عليهم 
معتز،طب ابنك ذنبه ايه ليه تبعدي عنه كدا ابنك محتاجك مش هيتحرم من ابوه ومن امه كمان
ألما، غصب عني مش بقدر ابص في وشه علطول بفتكر مروان واعيط دا نسخه منه مش بقدر
معتز، مفيش حاجه اسمها مش بقدر انت كدا بتظلمي ابنك معاكي وهتتحاسبي عليه وانت حره
تركها وذهب لتنهار باكيه محدثه نفسها،وانا مين يقف جمبي انا اصلا مش قادره ومحتاجاه ليه يا مروان سبتني ومشيت ليه...