ماما ختنكت حيل بعد ما عرفت شسوي.....
لان سمعنا خبر.....القاعدة الي بيها بابا وعمو سامي...
تعرضت للحصار.....وعددهم قل لان هواي استشهدوا....
اني ردت ابجي بس ما ردت ازيد على ماما.....
خطية ماما ختنكت حيل حتى الاكل عافتة......
وكامت صلت.....وتدعي رب العالمين.....
يرجع بابا وعمو سامي بالسلامة......لان خطية زوجة
عمو سامي.....منتظرتة يجي....حتى يشوف ابنة
جود......
اني كمت شلت العشة.....ورجعتة للمطبخ.....
ورجعت بسرعة طفيت التلفزيون.....لان الا شوية
ماما تموت.....
ماما بقت صلي وتدعي.....اني رحت لبيت ام جود...
جارتنا.....
وشفتها خاف تحتاج شي.....بس ما كتلها على الخبر
لان خطية بعدها تعبانة.....
وما تتحمل اي ضوجة....لان بسرعة تتمرض......
لذلك ما بينت على روحي.....ورحت ساعدتها شوية
وساعدت امها......
ورحت جبتلهم شوية غراض من محل قريب يمهم محتاجيها.....
ورجعت....وخطية داريت جود وسويتلة ممة.....
وشرب....وشوية لعبتة حتى يسكت وينام......
بس الصراحة جود عبالك عمو سامي وناسختة.....
كلش يشبها بالضبط ....
المهم كملت من عدهم وكتلهم تحتاجون شي.....
كالوا.....ما نحتاج شي وممنونين منك.....
الصراحة من اساعدهم احسبهم اهل من جيران.....
خصوصا من اجى جود للدنيا....
كلش تعلقت بيه وازداد تعلقي باهلة.....
المهم رجعت للبيت....وجانت الساعة بالتسعة بالليل....
رجعت لكيت ماما نايمة على سجادة الصلاة.....
خطية كمت كعدتها على كيفي ولزمت ايديها.....
وخطوة خطوة وياها.....
لحد ما وصلتها لفراشها......خطية ونامت.....
وغطيتها......
وبعدين رحت على الجنطة مالتي....وطلعت كتبي
وكملت كتابة الواجبات الي مكاتبهن.....
وقريت ودرست هواي.......
ومن صارت الساعة بالدعش......
احس روحي كمت انام على الكتاب.....لان نعست....
ردت ابقة بعد ادرس بس بعد ما بيها مجال.....
بعد ما اكدر افتح عيوني......
كمت سديت كتابي.....وصفتت كتبي على جهة.....
وفرشت لروحي.....وطفيت الضوة....واجيت انام....
بس الصراحة مثل ميكولون.....المخدة جيب.....
كل الافكار......
لذلك اني ما نمت ظليت افكر ابابا......ومقهور عليه
كلش......
وتغطيت.....وظليت ابجي......واجتي ابالي فكرة...
اروح التحق بالجيش واصير وية بابا.....لان الصراحة
جنت كلش خايف عليه......
بس تعوذت من الشيطان....وفكرت.....بماما.....
ومستقبلي.....
وافكر بجارتنا.....وجود بعدة طفل رضيع.....وامها
مرة جبيرة......
وارد اصبر على نفسي.....بس ضليت بس اتكلب.....
وابد ما نمت.....استعانيت بالقران.....وكمت اقرة
ايات.......
شوية شوية لحد ما نمت.....
من صار الصبح.....كعدت بالستة ونص.....كمت
صليت.....
وسويت فطور......وعفت ماما نايمة.....لان تعبانة
بس اني اكلت.....
وكمت كملت دراستي......
من صارت الساعة ثمانية......خطية ماما كعدت.....
اني مباشرة عفت كتابي ورحت عليها.....
كعدت اكلت فطورها......وراحت على البيت......
وكامت تنظف واني خطوة بخطوة وياها......
بعدين ماما كملت شغلها....راحت على بيت جارتنا.....
هم كامت بواجبها وياهم.....
ورة فترة ماما رجعت للبيت.....هي تحب اطرز.....
لذلك.....كعدت اطرز.....
اني كمت سبحت...وبدلت وكتلها....لماما راح....
اروح لعمو احمد.....
المهم طلعت.....من البيت.....بس اول ما طلعت....
لكيت النسوان ملتمات على بيت جارتنا.......
اني خفت كلت شصار....بسرعة رحت لباب البيت....
ردت اشوف شصار..........يتبع.......
شنو تعتقدون شصار ابيت ام جود.....وكلما ينوي
يريد يطلع للشغل يصير عارض وياه...؟؟؟
اتمنى ان تنال اعجابكم
دمتم بصحة وعافية
