اني شاب عمري سبعة وعشرين بس ما وصلت لعمري
هذا الا بسالفة طويلة......وتعب.....
اني عشت طفولتي مرتاح بالمدرسة ادرس بجد......
واطلع الاول......
وبالعطلة العب واساعد بابا وماما.......ومتونس بحياتي......
هذا الحجي واني بالرابع ابتدائي......
جان دنيا العصر بابا رجع من الشغل تعبان لذلك....
اول ما رجع نام.....
جان جايب وياه مسواك فكمت رتبتة......
ماما سوتلة غدة.....بس هو امتنع عن الاكل.....لان
جان كلش مرهق وتعبان......
ماما كلتلي حبيبي انت روح ادرس.....ومعليك.....
بس الصراحة اني ضجت على حال بابا.....فقررت
اساعدة.....حتى بالشغل....
كتلها لماما.... اني راح اشتغل وية باباخطيةاساعدة.
ماما كلتلي.....هسة روح ادرس....وبعدين ايصير خير
بابا متعود يكعد بالسبعة.....لذلك رحت كعدته....
وكتلة.....بابا ما تكعد تتعشى.....
لان الصراحة اني ما تعشيت جنت منتظره......
بابا شوية شوية كعد......اني فرحت حيل من كعد....
ماما كامت سوتنا عشة......تعشينا سوة......
ورة ما خلصنا عشة رحت يم بابا كتلة.....بابا عادي
اشتغل وياك......
بابا امتنع بالبداية وكالي اهم شي دراستك......واني
اشتغل وانت بس ادرس حتى اجيبلك شهادة عالية
اني ضجت حيل وردت ابجي......بس سكتت وكتلة....
بابا انت تعبان.....ومريض....خلي اساعدك واني اوعدك......
اشتغل وادرس واحصل كلية عالية......
بابا....كال.....بس بعدك ازغير مو مال شغل....اخاف
عليك......
كتلة......عادي بابا بالبداية اتعب بس بعدين اتعود.....
بابا....كال ميخالف من باجر من تجي من المدرسة مر
عليه......انت تندل المكان مو.....
كتلة.....اي بابا اندل المكان....المهم اساعدك.....
الصراحة ترة بابا يداوم بالجيش.....يعني عشرة ايام
يمنة.....وعشرين يوم يروح للدوام......
المهم خلصت حجي وية بابا....وراح نام......
ماما هم راحت نامت....ولو شفت على وجهها علامات
حزن......
رحتلها كتلها ماما ليش تعبانة وضايجة......
ماما ما خلت بخاطري كلتلي بس نعسانة اريد انام....
كتلها....تصبحين على خير ماما......
بعدين اني رحت راجعت دروسي وصارت الساعة.....
بالعشرة ونص.....
كمت نمت.....لان الصبح عندي صباحي.......
من كعدت الصبح.....رحت بدلت.....
ورحت سلمت على ماما.....بس بابا جان نايم....لان
هو يطلع بالتسعة للشغل.....
طلعت للمدرسة.....ودرست وبالفرصة لعبت وية
اصدقائي......
ورة فترة من الوقت....خلص الدوام.....
الصراحة اني جنت فرحان لان راح اشتغل وية بابا.....
مريت على بابا لكيتة خطية يشتغل وتعبان.....
هو يشتغل يصلح اجهزة عطلانة.....
كتلة.....هلو بابا....اني اجيت......
بابا كلي حبيبي هسة روح للبيت واتغدة وشوف
دروسك.....وشوف امك شتحتاج.....
وباجر ما طول جمعة تعال على عمو احمد هو
يعلمك على الشغل.....
الصراحة اني استغربت كتلة بابا ليش غير انت
تعلمني......
بابا كال....مو باجر الالتحاق مالتي......
اني بعد ما عرفت شكول من كثر ما خايف على بابا
حتى الموعد مال دوامة ناسيه......
كتلة بابا.....هسة اني رايح وان شاء اʴ باجر اجي
لعمو احمد ويعلمني......
بابا كال.....يلا حبيبي روح......
اني رحت بسرعة لان جانت عيوني مليانات دموع.....
وما ردت ابجي كدام بابا حتى لا يضوج......
لان الصراحة اخاف على بابا حيل......
رجعت للبيت.....ماما شافتني......
كالتلي......شبيك حبيبي جنت تبجي شنو.....
اني من كثر ما خانكتني العبرة ما كدرت احجي كلمة......
رسن رحت غسلت وجهي شوية يالة ارتاحيت......
كتلها لماما.....باجر التحاق بابا.......
ماما كلتلي......اي حبيبي ادري.....ربي رجعة بالسلامة
.....بس انت ليش تبجي.....
كتلها.....مو اني متعود على بابا واخاف عليه.....
ماما كلتلي.....بس هاي مو اول مرة ابوك يلتحق......
كتلها لماما.....من رخصتج ماما راح اروح اشوف
دروسي.....بينما يصير الغدة.......
ماما كلتلي.....روح حبيبي بعد نص ساعة ويكمل.....
بس انت مريت على ابوك لولا......
كتلها لماما الي كلي بيه بابا.....
المهم رحت لغرفتي طلعت دروسي وبديت اكتب واقرا.....بس قلبي ما اعرف شبيه.....
ورة فترة صار الغدة ورحت تغديت اني وماما......
والحمد الله شبعنا.....وصارت دنيا العصر......
ورجع بابا للبيت....ومثل عوايدة كل يوم....هم نام
وكعد بالسبعة....وتعشينا سوة.....
مر اليوم وصار وقت النوم.....واني ما نمت اصلا....
لان بابا يكعد وية صلاة الصبح ويلتحق......
وجنت كلش ضايج.....واحس الهوى ما اتنفسة.....
صار الفجر.......يتبع.......
اتمنى عجبكم البارت
دمتم بصحة وعافية
