حب وكبرياء

البارت السادس💜

《البارت السادس》
من روايه<<حب وكبرياء>>
بقلمي..أسماء السيد..♧♧
شييييير باا يا حبايبي وكومنتس كتيييير
وعايزه رأيكو يا حبايبي
بحبكوووو جداااا 💙💙
نبدأ...👇👇
بعد مرور بضع دقائق وصل أدم لمراد
أدم : في ايه يا مراد حصل ايه
مراد وهو مغيب : مش عارف مش عارف بس يطلع الزفت اللي جوه ده ويطمني
أدم وهو متعجب من حاله صديقه فلأول مره يري فيها مراد قلق علي فتاه لهذا الحد غير ولاء
علي الجانب الأخر حيث تجلس الفتيات
كان الجو مليئ من الخوف والتوتر فعندما يتعلق الأمر ليس فقط بصديقك انما هو الروح والحياه فكيف يكون حال قلبك
أيه ببكاء : يااارب يارب نجيها يارب
ولاء بتماسك : اهدي يا أيه ان شاء الله خير
جودي بدموع :هتكون كويسه باذن الله
كان يقف بعيدا كان يراها رأي دموعها ولكن أزعجته هذه الدموع كثيرآ
واقترب منها
أدم: هتكون كويسه باذن الله
أيه بدموع : إن شاء الله انا عندي امل في ربنا كبير
أدم : أحسنتي وهتكون كويسه باذن الله مش انتي صاحبتها ايه
أيه بطفوله : هو حضرتك تعرفني
أدم بابتسامه صافيه : ياريت والله كنت اعرف الملاك ده من زمان مكنش ده بقي حالي
أيه بعدم فهم : تقصد ايه وعرفت اسمي منين
أدم : متحطيش في بالك وعرفت اسمك يا ستي لما كنتي بتتكرمي الصبح ولما خدتي المايك وحكيتو عن مدي معانتكو والله كنت هدمع من كلامك علي والدتك تعرفي ان مامتي ماتت وانا صغير ومن بعدها اتحرمت من كل حاجه ادم لنفسه ((ايه ده يا أدم انت عمرك ما حكيت حاجه لحد ايه اللي انت بتعملو ده ))
أيه : سرحت في ايه كمل
أدم : لا متخديش في بالك هي هتكون كويسه باذن الله
أيه : تعرف نور دي مش بس صاحبتي نور دي اكتر من اختي أكتر من روحي اتربينا مع بعض من صغرنا كانت جارتنا في العماره زمان قبل ما ننقل لما جت تعيش مع خالتها حسيت ساعتها ان بقي ليا اخت تانيه امي مخلفتش غيري فكنت بحس بالوحده لحد ما دخلت هي حياتي حسيت ان الحياه رجعتلي تاني بقيت اضحك واهزر والعب وكننا روح واحده في جسدين
لحد ما نقلنا حسيت اني ضايعه واكتأبت الا ان رجعنا تاني تعرف ساعات كتير بحسها بنتي
أدم وهو يستمع لها باستمتاع ولا يستطيع فهم ما بداخله ام أن برائتها هيا من جذبته
أدم :سكتي ليه
أيه وتذكرت نور عندما رأتها فاقده الوعي بين أحضان مراد
أدم وهو يلوح بيده امام عيناها : اييه روحتي فين
أيه : هاه احم لا مروحتش طيب عن اذنك باا
أيه وهي تحدث نفسها : ايه يا ابله أيه شويه وكنت حكيتي له قصه حياتك واديتيلو رقمك غبيه غبيه هيفول عليكي ايه دلوقتي
أدم لنفسه : هوا في ايه يا أدم اول مره تنجذب لواحده من غير ما تكون عايز منها حاجه بس مش معقول هو لسه في برائه كده ياااارب مش عايز اركب المرجاحه
بعد مرور بضع دقائق خرج الطبيب من غرفه نور
مراد بسرعه : خير يا دكتور حصلها ايه
الطبيب: انهيار عصبي حاااد واحنا اديناها مهدأ دلوقتي وهتفوق بكره باذن الله ولازم تبعد عن أي ضغوط نفسيه لان ده هيأثر سلبي جدااا عليها وهيحصل عواقب احنا في غني عنها
مراد : تمام متشكرين يا دكتور
الطبيب : انا تحت أمرك يا مراد بيه عن اذنكو
مراد : أتفضل
مراد لولاء : يلا با ولاء روحي السواق هيروحك انتي والبنات
أدم بسرعه : لا انا هروح البنات روحي انتي يا ولاء علشان متتأخريش وتلاقيكي تعبانه انا هروحهم
أيه بإحراج : لا شكرا انا هروح بتاكسي عربيتي في الكافيه
أدم : لا اذاي يا أنسه. أيه انا هروحك قصدي هوصلكو ومتقلقيش العربيه هتوصلك
أيه : احم ماشي متشكره
كان مراد يستمع لحديثهم
مراد بمكر :تمام يا أدم وصل الأنسه أيه وجودي هاه وتبقي تروح الشركه تباشر هناك علشان انا مش هروح
أدم : اه تمام يا مراد يلا سلام
ولاء : بس يا أبيه انا عايزه أقعد جمبها
مراد : مينفعش يا حبيبتي وبعدين هي نايمه تعالي بمره وباذن الله هتكون كويسه
ولاء باقتناع : ملشي يا ابيه
جودي : أيه انا هقول لماما ايه لما متلاقيش نور معايا ومش عايزه اعرفها اللي حصل لحسن هي هتقلق اوييي عليها
أيه : لا يا جودي اوعي تعرفيها لحسن الضغط يعلي عليها بوصي قولي لها اننا تعبت شويه وهيا هتبات معايا
جودي : خلاص تمام
أدم : يلا يا أنسه أيه العربيه جاهزه
جودي لنفسها : والله حاسه نفسي قرطاس لب في الموضوع
واحد هيموت من خوفو عليها ومعرفش ليه والتاني هيموت ويوصلها
وانا عاااطف في النص هييييح يلا مش هنق علشان ميولعوش
ذهبت كل من الفتيات لولاده دقه جديده وقصه جديد سيخودها الحب والعشق ولكن هل من تخلي قصص الحب من الأشواك
💙💙💙💙💙💙💙💙💙
في المستشفي بعد ان رحل الجميع ظل مراد واقف امام باب غرفه نور وبعد دقائق دلف داخل الحجره
وجدها مستلقيه علي الفراش في ثبات عميق وجدها مثل الملاك سرح بها وبجمالها وبملامحها الطفوليه الجميله
تذكر ابتسامتها وسرح بها
تذمر ماحدث لها قبل ساعات
مراد. : فيكي حاجه غريبه وراكي سر في حاجه بتمنع ابتسامتك تطلع
فيكي مغناطيس مش عارف ايه المعركه اللي جوايا دي انا اول مره يحصل معايا كده
انا انا مالي اصلا باللي بيحصلك انا بس هنتقم من اهانتك ليا وبس ومن ثم خرج سريعآ من حجرتها ومن المستشفي بأكملها
"لما العناد يا صديقي فالقلب دائما يفوز والمشاعر تغلب اي غرور "
💔💔💔💔💔💔💔💔💔💔
في صباح يوم جديد أشرقت أشعه الشمس علي قلوب الجميع
[ ] فمنهم قلوب المحبين الذين ذابو عشقآ وكلمات بحر غزلهم لم توفي عشقهم
[ ] داعبت أشعه الشمس الذهبيه أيضآ قلوب محطمه ، مهشمه ، فرطت من الام وعذاب معشوقها
[ ] أشرقت أيضآ علي قلوب تتمني ولو فقط رؤيه من أسر قلبها ولكن البعد كان العذاب الأول
[ ] سطعت وأنارت علي قلوب كان الظلام هو خليفها ، صديقها بعد أن فقدت لذه الحياه
[ ] سطعت علي قلوب مهما بلغ شيبها فيبقي حبهم سيد العالم فهو أمير الشباب .....((فتشيخ الأجساد ويبقي الحب هو سيد الشباب))
[ ] سطعت علي قلوب تحالف عليها الماضي
وهجرها الحاضر
وكان المستقبل خصيمها
""وكيف عليك العيش ايها القلب مع هذا التخالف....أعليك أن تهاجر الحياه أم تعبر هذه الأشواك حتي وإن جرحت فلا يجب عليك خساره نبضات قلبك فهو كنزك بالحياه""
☆☆إن لم تستطيع نسيان الماضي فلون مستقبلك بألوان باهيه لكي تشعر بنبضات السعاده تضخ قلبك من جديد ☆☆
فأي قلب من قلوب أبطالنا هذا فهم قلوب حائره
استيقظت ولاء وكانت في قمه السعاده عند تذكرها ما حدث ليله أمس
Flash back
بعد أن وصلت ولاء من المشفي دلفت الي القصر وعند دلوفها للقصر تفاجئت
بتزيييين الحديقه بشكل ممتاز وعبقري وراااائع جدااااا وشريط من الورد علي هيئه سجاده مفروشه في الارض بدايه من باب القصر اللي داخل الحديقه فكانت مليئه بالورد الجوري والبلاين علي هيئه قلب سارت ولاء بخطوات بسيطه وهادئه وهي غير مستوعبه ما يحدث وسعيده جداا وكل خطوه تخطوها توجد ظرف صغير علي سجاده الورد أخذت أول ظرف وفتحته وكان مكتوب
^^مع أول صرخه ليكي جت علي وش الدنيا انا حياتي اتحولت^^
ثم صارت اللي الامام وجدت ظرف أخر فوق الورد
^^مع اول خطوه ليكي كنتي بتخطيها علي أيدي بس كان في شيئ غريب في قلبي ^^
ولاء وهي في قمه السعاده أخذت الظرف الأخر
^^ أول ما دخلتي المدرسه ومكنتيش بترضي تعملي الواجد غير معايا ولما كنت بتيجي تشتكيلي من اي حاجه بتحصلك وتجري علي حضني قلبي كان بيدق بشيئ مقدرتش اوصفو ^^
ثم أكملت ولاء طريق سعادتها والفرحه كادت توقف قلبها أخذت الظرف الأخر
^^ لما زعلتي من والدتك انها مش مهتميه بيكي وجيتي عيطتي في حضني ساعتها حسيت اني روحي بتروح مني مع كل دمعه منك كانت سيف في قلبي كنت عايز اروح اقتلها انها سببت في دموعك ومكنتش مفسر حاجه.. دموعك كانت بتقطع قلبي ^^
وأخذت الأخر. ودموعها تكاد تغلبها
^^ لما دخلتي الجامعه وكنتي مبسوطه جداااا وانك قربتي تحققي حلم حياتك ..ساعتها حسيت ان انا اللي دنيتي مش سيعاني من فرحتي ليكي حسيت انك بنتي وحاجه اكبر كمان^^
أخذت الأخر ودموعها علي وجنتها من سعادتها
^^ لما كان في واحد كلب جاي يتقدنلك وانو بيحبك من الجامعه وجاي يطلبك مني انا كنت عايز افعصو بايدي وياعتها بس اتأكدت من كل مشاعري من كل دقه في قلبي كانت ليكي وباسمك وبس ^^
^^النهارده في التخرج انا كنت موجود واذاي مكنش موجود في تخرج بنتي وطفلتي وحبيبتي ^^
اخذت الأخر
^^أنا دايما معاكي بقلبي وروحي وكياني وعقلي انتي اللي القلب دقلها. انتي الروح اللي بتخليني أحيي من تاني
عارفه لما كنتي بتقوليلي أبيه بحس ان قلبي بيتقطع بقول خلاص مفيش امل تكوني ليا كنت بموت في كل دقيقه ثم أكملت ببكاء أنتي أحلي حاجه في حياتي يا ولاء
بحبك بحبك وبمووووت فيكي
انا أموت من غيرك أنتي ليا ليا وبس ^^
=بحبك ومقدرش أستغني عنك
رفعت ولاء عيناها اذا بها تقع علي من أسر حياتها وقلبها وجعله ملكه فقط
صديق الطفوله وحب شبابها والروح اللي سكنت جواها هوا بطالته الساحره وطوله الفاخر وجمال عيونه ورشاقته وجمال لخيته اللتي عشقتعا حد الجنون ((حمزه))
حمزه وهو يمسح دموعها : بحبك ..بحبك بعدد حروف الكون بحبك ولو وزعو حبي ليكي علي الكون كله هيفيض لكون غيره انتي الروح اللي في مخلياني احيي انتي النبض اللي بيدق قلبي انتي اللي شاغله تفكيري وعقلي وبالي انتي اللي كنتي بتقطعيه وانتي بتقوليلو ابيه انتي بتاعتي يا ولاء بتاعتي أنا وهفضل احبك لحد بعد ما اموت انتي اللي هتكون حوريتي في الجنه
بسسسسسسس كفايه لحد كده ونكمل وصله حبهم وعشقهم البارت اللي جاي
ياتري ايه هامون رد فعل ولاء
عايزه تفااااعل باا يا حلوين وقولولي عجبكو البارت ولا وشييييير باا يا حبايبي
تابعو معايا روايه 《حب وكبرياء》
بقلمي....
Asmaa Elsaied..♡♡♡