حب وكبرياء

البارت الرابع عشر 💜

البارت 《الرابع عشر》
من روايه حب وكبرياء
بقلم
#Asmaa_Elsaied...💙💙
نبدأ👇👇
💎💎💎💎💎💎💎💎💎
بعد وداع حمزه لولاء
حمزه : يلا اطلعي علي المستشفي وخلي بالك من نفسك ولو ابره بس شكتك ولا حد من العيال عض ايدك وانتي بتكشفي عليه رني بس عليا وانا هاجي فورا
ولاء بضحك : هههههه ماشي يا مجنوني
ثم قبل جبينها وذهب سريعا
🎊🎊🎊🎊🎊🎊🎊🎊🎊🎊
علي الجانب الأخر
داخل المستشفي وصلت نور ودلفت لتباشر عملها فأصبحت دكتوره اسنان في اكبر المستشفيات
ثم تقابلت مع ولاء
ولاء : ازيك يا نوري عامله ايه
نور : الحمد لله يا عصفورتي وبغمزه مش مضر الأيس كريم علي الصبح كده طب حافظي علي اسنانك طيب
ولاء بخجل : هههه بحبه اووووي يا نوري وهيكلم ابيه النهارده
نور : هيتكلم مع الطاووس عيني عليك يا ابني
ولاء بضحك : ليه بس يا نوري ده ابيه مراد ده كل حياتي ده كل حاجه ليا في الدنيا تعرفي يا نور مع ان بابا وماما عايشين
بس كنت دايما احس نفسي يتيمه بدموع تعرفي ماما عمرهاماخدتني في حضنها عمرها ما سرحتلي شعري كده زي الأطفال اللي في سني لما كان بيكون في حفلات في المدرسه ماما مكنتش بتيجي معايا كانت بتقول ان دي تفاهات وانها مش فاضيه
احساس وحش قووووي لما كنت بشوف صحابي وهما ماشيين مع امهاتهم لما بشوف صورهم لما بتحضنهم كده بحس بخناجر بتقتلني وانا طفله بحس بكل الأوجاع دي كنت بعيييط كتييير بس ابيه كان بيجي ويمسح دموعي ويقولي اوعي تعيطي وانا جمبك اوعي الؤلؤ ده ينزل من عينك ابداا انا ابوكي وامك واخوكي وحبيبك وكل حاجه ليكي انا دنيتك
دائما كان بيطبطب عليا ويلاعبني ويفسحني ويخرجني كان بيعملي كل حاجه حلوه كان دايما في ضهري
ماكنتش بنام غير في حضنه كان دايما بيسرحلي شعري وكان بيعملي تسريحات حلوه اويييي حتي زميلي كانو غيرانين مني
(باحراج) تعرفي يا نور لما جت عليا البيرود ساعتها انا كنت خايفه وبعيط جااامد اويي ومكنتش عارفه ايه ده وخايفه ورحت لما بتقولي بعدين لما اخلص سونه اغمي علي ساعتها وهو اللي جري بيا وخدني للدكتوره وعرف ساعتها وفهمني براحه وخلي دكتوره تفهمني احتياطاتي وكان دايما علي قرب معادها يجبلي الحاجه ويحطها في دلابي علشان معرفش وخدني في حضنه وطبطب عليا وانا عيطت جااامد اوي للدرجه دي انا مش فارقه مع ماما
يا نور احنا معشناش ذي الأطفال العاديين بابا يصحي الصبح يصحي البيت كله وام تجهز فطار ونتلم كلنا علي صنيه واحده ووانا ماشيه علي مدرستي امي تدعيلي
ده انا مش بشوف ماما من كثره الشوبينج والسفر والخروجات بس خلاص اتعودت علي كده
نور وشعرت بولاء لأفتقادها لوالدتها أخذت ولاء في احضانها : تعرفي يا ولاء احنا قصتنا زي بعض بس بعنوان مختلف تتفق ان كل واحد له وجع وله الم في حزن وشرخ كبييير جو القلب بس الشاطر اللي يداوي جرحو فكره انك تنسي او تستبدلي علشان تداوي بالعكس ده مجرد مسكن وهيحي الجرح تاني ويحرق جواكي من تاني
تعرفي انا كمان اتحرمت من امي اتحرمت من حنانها عليا من حبها وخوفها اتحرمت من كل حاجه بعد وفاتها امي ماتت وانا صغيره يا ولاء وموتتها عمري منساها ابداا امي ماتت مابين ايدي وبشر ولازم اجيب حقها وحق كل لحظه سوده عشتها في حياتي حق كل مره كنت محتاجه ايديها تطبطب عليا ولقيهاش حق دموعي في الليل
هجيب حق كل لحظه عشتها من غيرها وكانت المفروض تكون جمبي كان المفروض يكون مكاني في حضنها مش مع مخدتي في سواد الليل ودموعي هي ونسي
ثم افاقت علي صوت احد الممرضات : دكتوره نور في مريض في عياده حضرتك
نور وهي تخبئ وشها وتمسح دموعها : ماشي يا حنان اتفضلي انتي
نور : يلا بقي امسحي دموعك احنا قلبناها دراما كده ليه يلا هروح اشوف المريض يلا احنا اقوي من كده اشوفك في الاستراحه يا عصفورتي وذهبت
ولاء : ياااااااه يا نور ده انتي شايله كتييير قوي في قلبك ورافضه ان حد يشاركك فيه او يشيل عنك بس في سر ورا موت مامتها نور كانت بتتكلم بلهجه اول مره احسها فيها
💔💔💔💔💔💔💔💔💔💔
علي الجانب الأخر
ياسين : ماشي يا مراد تمام
مراد :فهمتني لازم نلعب علي نفس النمط
ياسين : اطمن يا باشا هنرقصهم علي الشناكل
مراد : انت الفاظك مبتتحسنش
ياسين : هههههه لا
مراد : انت فين اصلا
ياسين : اسكت يا مراد ده انا ضروسي حاسسها اضمرت بتوجعني جامد بقالها فتره قولت اما اروح اكشف
مراد : ماهو من كتر الأكل يا حووت
ياسين : لا وحياتك من كتر قرك يا غووول
كاد مراد ان يتحدث لولا سماع هذا الصوت اللتي جعل نبضات قلبو كالطلول تكاد ان تسمع من كثرتها
نور : اهلا بحضرتك اتفضل
ياسين اهلا بحضرتك طيب سلام باا يا مراد
شعرت نور بشئ لم تستطيع فهمه عند سماع اسم طاووسها ولكن تجاهلت الأمر وكأن شيئ لم يكن
اردفت نور بابتسامه : اتفضل اقعد علي كرسي الكشف
شعر ياسين بشيئ غريب تجاه نور شيئ غريب تسلل داخل عروقه
نور : ممكن تفتح بوقك
لم يجيب ياسين وكان قد سرح بنور وبهذا الجمال الطبيعي
نور : حضرتك سامعني
ياسين وقد افاق : احم نعم مع حضرتك
نور : ممكن تفتح بوقك علشان اشوف شغلي
ياسين وقد فتح فمو ونور بتفحصو بعنايه
نور : يا خبر ضرس حضرتك بايظ خاالص لازم اعمل لحضرتك تنظيف ولازم حشو عصب
ياسين : تعبت حضرتك
نور : ولا تعب ولا حاجه يا فندم ده شغلي
وذهبت لاحضار حقنه المخدر
نور : انا هعمل حشو مؤقت لحضرتك
وتجيلي بكره اعمل لحضرتك حشو العصب
ياسين : تمام
نور وأعطته البنج وقامت بفحصو بمهاره
وبعد مرور بعض من الوقت
نور : انا خلاص كده خلصت مطلوب من حضرتك متكلش عليه لحد بكره
ياسين : تمام بس سؤال معلشي
ياسين : هو انا بوقي كبر ليه
نور بضحك : لا يا فندم مكبرش ولا حاجه بس ده أثر البنج مش اكتر ساعات ومفعوله يروح وترجع طبيعي
ياسين يا جمال ضحكتك : اشوف حضرتك بكره باذن الله
نور : ان شاء الله تقدر حضرتك تتفضل والف سلامه
ياسين : الله يسلمك عن اذنك
وذهب ياسين وظلت نور تباشر عملها
💙💙💙💙💙💙💙💙💙💙
علي الجانب الأخر
قبل ساعات
مراد : ده صوتها ايوا صوتها هي قلبي مش بيحصل فيه كده غير لما بيسمع صوتها
وكان هناك حوار شاد بين عقل وقلب مراد
عقله : ايه هتفكر في ايه انت اصلا نسيتها
قلبو : والله اومال ايه اللي حصل لما سمعت بس صوتها
عقله : عادي فكره انتقام مش اكتر
قلبه : انتقام ايه هو مراد الماسي عمرو ساب حقو هتسيبو الفتره دي كلها لا وكمان شيلتها ووديتها للدكتور
عقله : عادي صعبت عليا
قلبه : صعبت عليك مره واحده طب دي البنت الكام اللي صعبت عليك
عقله : بصراحه الاول انا عمر ما صعبت عليا بنت
قلبه : يمكن علشان دي مش اي بنت
عقله : ليه يعني انت مكبر الموضوع قويي عادي زي اي بنت
قلبه : طب ممكن تفهمني انت خلتني ادق ليه لما سمعت صوتها او لما بتلمح اسمها
عقله : مش عارف قول انت يا ناصح
قلبه : هقلك ان مراد الماسي حبها حب نور مراد قلبو دق باسم واحده وبس
عقله : لا انت كبرت وخرفت احب ايه ومين الي احبها دي دي عنيده اويي ومغروره ومش بطيقني
قلبه : امشي ورا قلبك امشي ورا مشاعرك وهي هتحدد طريقك القلب عمره ما كان غلط
مراد : معقول معقول اكون حبيتها ده بجد ...ايوا انا عمري ما حسيت كده تجاه اي بنت بتلغبط لما بسمع صوتها بتجن علشان اشوفها حاولت اشغل نفسي الفتره اللي فاتت علشان انساها وبردو كانت بتطلع في خيالي مكنتش بتفارق احلامي
انا من ساعه معرفتها وانا مشوفتش بنت غيرها ملمستش واحده نوووور انا فعلا بحبك وانتي هتحبيني وهتكوني ليا وده وعد من مراد الماسي
(عندم يعشق الرجل يصنع المستحيل للوصول الي قلب معشوقته )
💙💙💙💙💙💙💙💙💙💙💙
علي الجانب الأخر
قد انهت أيه عملها وذهبت للغداء
أيه : الوو يا ولاء لا انا خرجت
ولاء : روحتي فين احنا مش هنتغدي
أيه : ما انا روحت اجيب غدا
ولاء : طب استني هنيجي معاكي
أيه : تمام انا تحت مستنياكو
ولاء : نور يلا علشان هنروح نتغدي
نور : لا يا لولو روحو انتو انا ورايا مشوار مهم لازم اخلصو وبعدين هرجعلكو
ولاء : مشوار ايه ده
نور : هتعرفي بعدين يا فضوليه
ولاء : ماشي يا اختي انا هروح
ولاء بعد ان خرجت من المستشفي
أيه : فين نور
ولاء : وراها مشوار
أيه : ايه ده مش ده حمزه
ولاء وهي تلتفت : يا روحي
حمزه : اتأخرت عليكي يا حبيبتي
ولاء : احم أيه من اقرب الأصدقاء ليا
حمزه : اهلا بحضرتك
أيه : اهلا بيك طيب همشي انا يا لولو مره تانيه باا
ولاء : ماشي يا قلبي باااي
حمزه : حياة قلبي وحشتييييييني جداااا من الصبح
ولاء : حمزه مش هتبطل تحرجني كده انت احرجتني قدام أيه
حمزه : الله مش حبيبتي ولازم ادلعها
ولاء : هنتغدي ايه باا
حمزه : نعم اكل ايه بدل ما تقولي كلمه حلوه تبللي بيها ريقي تدلعيني كده
ولاء بضحك : هههه ادلع ليه فاكرني نانسي عجرم
حمزه وهو يرفع حاجبه : نانسي وبمكر اه ياريتك فيكي حاجه من نانسي تيجي ايه جمب رقتها وحلاوتها وجمالها وشعرها وجسمها
ولاء بدموع : حمزه احترم نفسك طيب يا حمزه اشبع بنانسي انا ماشيه
حمزه : خودي يا بت اركبي هنا تمشي ايه ده انتي بتاعتي انا روحي انا انتي لو مشيتي هتاخدي روحي معاكي انتي كياني يا ولاء انتي امي وبنتي واختي وحبيبتي ومستقبلا مراتي انتي كل حاجه فيا انتي يعني انا ومنغيرك اموت
ولاء بدموع : بعد الشر عليك بس مش هتعاكس حد تاني صح
حمزه : حبيبي اللي بيغير
ولاء : يلا يا حمزه جعااانه
حمزه : حاااضر يخرببت كرشك بيقطع اي لحظه رومانسيه
وانطلقو عصافير الحب بجمال حبهم ورحهم وتضحيه كل منهم فستنمو علاقتهم بالحب والعشق فهل من اشواك تخوض هذه المعركه
💜💜💜💜💜💜💜💜💜💜💜💜
علي الجانب الأخر
ذهبت أيه للغداء في احدي المطاعم البسيطه الشعبيه فهي تعشق هذا عندما تكون منفرده
أيه : اممم روعه لو سمحت هاتلي واحد فول بالزيت الحار لو سمحت يا كبتن اوووف لازم اقوم انا
وذهبت ايه لاحضار طعامها
أيه : لو سمحت هاتلي واحد فول بالزيت الحار
العامل : حاضر يا انسه تؤمري بحاجه تاني
أيه. : اه ياريت باا مخلل وطعميه سخنه ومسقعه بس هلت الفول وهات الباقي علي التربيزه ومتنساش سندوتشات البطاطس
العامل : من عيوني يا فندم اتفضلي وكل اللي تؤمري بيه هيكون عندك بس عيزاه سندوتشات ولا
أيه : اه كلو سندوتشات انما باا الفول ده اللي ولا بلا هات وهستني الباقي هناك
العامل : اتفضلي يا فندم انتي تؤمري
والتفتت أيه لرجوع الي الطاوله اذا بها تصتدم بشخص وينسكب عليه الفول
=ييييح مش تفت.....وتنعقد الكلمات كاللجام ها هي فتاه احلامك تقف امامك ها هي من سلبت كل كيانك ما اجمل هذه الصدفه حبيبتي
أيه : بجد انا اسفه جداااا والله مش قصدي
أدم : وهو في عالم اخر
أيه : لو سمحت بجد اسفه هو حضرتك اتأذيت
أدم بتوهان : اه
أيه : قوي
أدم : جداااااا فوق ما تتخيلي(( لحظه لوقاكي خلاص روحي رجعت تاني ليا ))
أيه : طب انا اسفه اعمل احضرتك ايه
أدم : مش عايز حاجه غير انك متسبنيش
أيه : افندم
أدم : انا اسف بس الاغنيه دي معقله معايا قويي
أيه : لا عادي بس انا حاسه اني شوفت حضرتك قبل كده
أدم : اه وانا كمان بس انا بشوفك علي طووول كل يوم وكل ساعه وكل ثانيه قصدي يعني انا ادم صاحب مراد
أيه : احم خلاص عرفت حضرتك
أدم : هو الفول ده بالزيت الحار
أيه : اه ليه
أدم : اصلو بيحرق
أيه : ههههههههههه معلش
💙💙💙💙💙💙💙💙💙💙💙

علي الجانب الأخر دق مكتب مراد ودلفت
وكانت الصدمه لمراد
أئنتي احقا أئنتي امام عيناي ام هي صورتك قفزه من خيالي
استوووووووووووب
بس كفايه كده البارت طويل اهو علشان حبايب قلبي اللي كانو طالبينو
يلا باا رأؤكو اقسم بالله اتعبت
يلا باا رأيكو وتقعاتكو
وشيييير
بحبكو جداااااا
ياتري ايه اللي هيحثل بعد كده ياتري ايه سر الدقه الغريبه اللي حصلت لياسين هل هيحبها وهتتولد عداوه مابين اقرب الأصدقاء
وايه اللي حصل انور ودقتها دي وهتعاند ولا هتسلم قلبها وياتري الشناوي حصل علي الخطه الجديده
لو حابين تعرفو تابعو معايا روايه 《حب وكبرياء》
بقلم...
#Asmaa_Elsaied....♡♡♡