وصلت باليلة الحنا
"هواجس شوقك بتذبحني"
عشت عمري بليا حب
قضيها بين جد ولعب
قضيتها بين اوراقي
وفي لحظه كبرت وشفت
حياتي تكسر اللعابي
كبرت وصارت الدنيا
تحكمني وتجرني لمعاناتي
من طفلة لعبها عند باب الدار
لبنت جلستها وسط الدار
وحكم وسرار لازم احترم فيها
وعاداتنا وعقايدنا بوسط عيني اخليها
هذي قولتج يمه تعب من زود تقوليها
حفظت درسي ونسيت انك علي بخوف قلتيها
كبرت وصارت النسوان تتكلم علي بدووم
يأم افلان هذي بنتج فلانه!!!
ما شالله عليها حسن وزين والدلع بيها عنوانه
عروسه يحرسها ربي وش رايك بولدي زوجه على شانه
اجت امي لابوي فرحانه وقالت يانظر عيني خطبوا بنتك لولد فلانه
تراهم من قرايبنا وكله زين ولد دايم مصلي وذكر الله على لسانه
وكل هذا بعد رايك وكل شي تقوله لزوم نمشي على قولك
وصار كل شي بسرعه مر الضحى وجانا الليل ولا لي علم بالمره
اجت امي وقالت لي يمه باقي لك ايام وشوفك عروسه وادينج متخضبه
وقفت من هول ما قالت وطحت من طولي منهضمه
يغايب ما الك عنوان تعال وشوف وش نيت اعز انسان
رحت لبعيد يا غالي وجا يوما تشوف اهمومي ملتمه
صحت ويلي عليج يا روحي خلاص رحتي بلا رجعه
لازم للقدر تمشين ولاترفضين امر الوالد بالمره
وقولي له تحت امرك وانت تفصل ونلبس
تحت امرك يابوي قوليها وكتمي العبره
بليلة البدر منور وانا لابسه الاخضر
وتهليل الحريم وبحناي منغصه
احاول اكتم ادموي حبيبي احبه من صغره
سافر يشتغل بديار لجل مهرج يا قمره
تخونينه لجل اهلج وترضين بعرس أفراحج منكسره
اثاري نزلت الدمعه وصل مكتوب وفاطمة تغمز بنظره
وصل غاليج يامريم وصل لديره بسرعه
سمع انج عروسه وطار عقله بالمره
وش الصرفه يامريم وش تسوي بهل قصه
صرخ قلبي يمه ذبحتي روحي بيدينج
وقلبي دووم اصبره
قمت والحنا بيديني لعند الباب
شفت الغالي ينتظرني بحزن مليان
اشر لي خلاص يا مريم هذي كتبت الرحمن
وردي كملي افراحج ولا ترفضي كلام الوالد وتكسري كلمة السانه
عيشي بحضن المكتوب لج وانسي حبي من شانه
وانا لي الله يامريم بصبر روحي ولهانه
رجعت ادموعي سيل تصب وذا كله من نار العشق يا فلانه
كرامة اهلج صونيها ونسي انج عشتي بدنيا احلامه
مالج بالقدر مكتوب تعيشي معه ياالدانه
ابوج النوخذه الا قال قولي له تم يابو مريم ورفعي راسه من شانه
ترى هواجس شوقك ذبحتني وكل هذا لانك قلت ردي يافلانه
وسط فرحي تناجيني يابحر وسط المحار الدانه
