لأنكَ المُراد

البارت الخامس

الفصل الخامس
************
حركت قلمها بملل وشرود وهي بتفتكر اللي حصل ف الماضي وافتكرت لما لمحته وهي ف التاكسي بيبص عليها من شباك مكتبه متعرفض ازاي بقي ف مكتبه وهو كان ف اوضتها من لحظات!! نفضت الذكريات دي من دماغها بسرعه وهي بترجع لشغلها لحد ما سمعت نداء مديرها اتنفست بعمق ودخلت جوا بعد ما سمعت الاذن
رمزي : اتفضلي اقعدي يا نواره
قعدت بوقار وهي بتبصله بهدوء : خير يا فندم
رمزي : طبعا انتي شغاله هنا بقالك ثمن شهور والكل بيشهد بزوقك وادبك حتي العملاء وانا كمان بشهد بده
نواره بابتسامه : ده من زوق حضرتك يا فندم
رمزي : عشان كده فيه حفله كبيره لرجال الاعمال ف القاهره وعايزك تحضري معايا ممكن؟
سكتت لحظات وهي بتفتكر بعد ما سابت القاهره وبعدت خالص واجرت شقه ليها ف اسكندريه واسست حياه جديده واشتغلت هترجع تاني!! وبكامل قواها العقليه !هتقدر تعمل كده !
رمزي : قولتي اي يا نواره
نواره : تمام يا فندم .. امتي حضرتك
رمزي : بكره هنتحرك من هنا والحفله بعد بكره ودب لاهم رجال الاعمال ف مصر يعني لازم نكون ف احسن صوره عشان المنظر العام للشركه
نواره بابتسامه هاديه : مش هخزل حضرتك يا فندم متقلقش
رمزي بابتسامه : وانا واثق من ده عشان كده اخترتك انتي .. تمام هجزلك معايا ف نفس الفندق ع نفقه الشركه
نواره : ملوش لزوم انا ليا بيت خاص بيا هناك
رمزي : تمام يا نواره .. تقدري تروحي
طلعت برا وهي بتفكر ممكن تقابله طيب ولو قابلته هتقدر تواجهه وتقف قدامه !!
نواره لنفسها : مالك يا نواره من امتي وانتي بتهتمي لحد هو شخص عابر زي اي شخص دخل حياتك وطلع منها بمنتهي السهوله مش قصه هتفضلي تقلبي فيها ده كان ماضي وانتي معملتيش حاجه غلط والماضي بيتنسي والحفله دي اكبر دليل انك هتقدري تتعاملي معاه عادي من غير مشاعر
اقنعت نفسها بكده او بتحاول لان هي نفسها مش مقتنعه بكلامها قعدت علي كرسيها بمشاعر ملخطبه مزعجهبتحاول تبعدها بس مش عارفه او مش قادره هي فعلا تايهه اااه يا قلبي انت السبب فاللي بيحصلي ده انت وبس!
مر اليوم بسرعه غريبه وجهزت شنطتها وتاني يوم اخدت اول قطر متجه للقاهره قعدت وغمضت عينها بألم وهي بتتنفس بعمق يمكن يخف القلق والالم اللي هي حاسه بيهم .. حست بايد بتخبط ع كتفها بحنيه فتحت عينها ولقت ست كبيره بوجه بشوش ابتسمت ليها نواره والست اتكلمت : متشليش هم الدنيا يا بنتي محدش هياخد منها حاجه زعلك ووجعك ده مش هيفيدك عيشي حياتك انتي لسه صغيره
ابتسمت ليها نواره من غير ما تتكلم ورجعت بصت للشباك ياريت لو كان الكلام سهل كده كانت عملته من زماان!!
بعد ساعات قليله وصلت ع بيتها دخلت باشتياق وابتسامه سعيده حست بريحه اهلها زي ما هي ف المكان نفس الدفا اللي مقدرتش تحصل عليه ف مكان تاني طول الثمن شهور اللي فاتوا ...
دخلت اوضه اهلها وقربت من الصوره اللي متعلقه وابتسمت : ازيكم .. وحشتوني كتير .. تعرفوا الدفا اللي انا حاسه بيه هنا ده محستوش ف البيت بتاع اسكندريه ابدا تقدروا تقولوا اخدت ع هنا بس كان لازم ابعد سامحوني هحاول ازوركم قبل ما اسافر وعد
باست الصوره بهدوء وبعدت عنها ومسحت دمعه شارده منها ونامت عشان تكون جاهزه لحفله بكره او ممكن هروب من وجودها هنا معاه ف نفس المحاظه وده لوحده خانقها مش عارفه!!
عدا اليوم بسرعه اسرع مما كانت تتوقع وجيه اليوم التاني اللي بردو قضته ف بيتها وبعد فتره قامت وجهزت ولبست فستاب كب اسود ضيق لحد الوسط ونازل باتساع لحد رجلها ولمت شعرها علي شكل كحكه وخلت بعض الخصلات طليقه تتمرد ع عيونها وجالها تليفون وكان من رمزي
رمزي : انا وصلت ف العنوان اللي انتي قولتيلي عليه
نواره : تمام حضرتك .. انا نازله فورا
وخدت شنطتها ونزلت تحت وكان واقف ساند ع العربيه منتظرها وفضل دقايق باصص ليها باعجاب واضح وبدون اي مقدمات فتح ليها الباب وهي ابتسمت بمجامله وقعدت وقفل الباب وراها وركب من الناحيه الثانيه واتحرك وفضل الصمت لحظات قطع رمزي الصمت : احم شكلك مختلف
نوراه : بمعني شكلي وحش ولا اي؟؟
رمزي بسرعه : لا جميل .. احم يعني شكلك حلو الفستان حلو عليكي
نواره بخجل : احم شكرا لحضرتك
رمزي بمرح : حضرتك اي بس ع فكره انا 32 سنه مش 50 يعني
ابتسمت بخفوت وهو ابتسم : احنا برا العمل ممكن تقولي رمزي عادي ع فكره مش هعاقبك متخافيش
نواره : لا والله
رمزي بيقلدها : اه والله
ضحكت وبعدين سكتت : ماشي يا رمزي
رمزي : نتكلم شويه ولا انتي مبتحبيش الكلام
نواره : لا عادي نتكلم ف اي
رمزي : اي حاجه .. عنك مثلا .. عن اهلك كده
نواره : اهلي اتوفوا من 10 سنين ومليش قرايب عندي 25 سنه وكنت عايشه هنا ف القاهره وبعدها حصلت ظروف نقلت اسكندريه وزي ما حضرتك عارف اشتغلت عندك
رمزي : اسف اني فكرتك
نواره : لا عادي ولا يهمك مش بنساهم اصلا عشان افتكرهم
رمزي : لا بس الاعتذار واجب بردو
نواره : ماشي ممكن تتكلم عنك بقي
رمزي : انا يا ستي رمزي عندي 32 سنه صاحب شركه زي ما انتي عارفه والدي متوفي من ثلاث سنين وامي ربنا يخليها ليا ويحفظلي ف عمرها عندي اخ متجوز ومسافر برت وسنجل
قالها بمرح ابتسمت هي بنوع من المجامله وسكتت وهو احترم سكوتها ووصلوا ع الحفله حست بإن نبضات قلبها بتتسارع بشكل مش طبيعي وحست ان الناس هيسمعوها وفضلت تهدي نفسها لحد ما هديت فعلا مد ايده ليها بصتله بتردد وبعدين مدت ايدها ناحيته وهو ابتسم ومسك ايدها بخفه ودخلوا جوا مع بعض والكل بيبص عليهم البعض بتعجب والبعض بغيره وحب دخلوا وبدأ يعرف الناس عليها ووقف قصاده وهي كمان بس مرفعتش نظرها عكسه تماما باصص ليها بدهشه من وجودها ف المكان ده
رمزي : حسن .. اقدملك نواره شريكتي ف الحفله وف نفس الوقت السكرتيره بتاعتي
همس لنفسه باستغراب : سكرتيره!!
ف اللحظه دي كانت ف حرب مع نفسها عايزه تشوفه وف نفس الوقت مش قادره تبصله لسه فاكره اتهامه ليها واهانته لكرامتها وكبريائها رفعت نظرها وبصتله واتقبلت العيون وبس ف حديث صامت من غير كلام واخير اتكلمت
نواره بجمود : اهلا استاذ حسن
حسن : اهلا نواره
رمزي : انا لي حاسس انكم تعرفوا بعض؟!
نواره : استاذ حسن مديري سابقاا
رمزي بتفهم : اه تمام .. تعالي اعرفك ع الباقي
ومسك ايدها تحت نظرات حسن الثاقبه بصت لايدها وبصت لحسن بشكل لا ارادي اللي بصلها بغيظ بادلته بحده ومشيت مع رمزي اللي بدأ يعرفها علي الموجودين تحت عيون حسن اللي متابع حركات نواره وابتسامتها اللي بتوزعها ع الجميع التفت بعيد عنها ومسك كاس قصاده وشربه دفعه واحده من الغيظ ولف راسه ناحيتها بقاها بتبصله لفت راسها بسرعه لما شافته وهو ابتسم نص ابتسامه وشرب كاس كمان بغضب وهو متابعها بعنيه وهي بتضحك وكأن ابتسامتها دي سهله تظهرها لأي حد!! وبدون مقدمات راح ناحيتها وشدها من ايد رمزي اللي بصله بدهشه وهي شهقت بعنف من حركته المفاجأه بالنسبه ليها واتحرك بيها بس رمزي وقفه
رمزي : حسن انت واخدها فين
حشن : ابعد عن وشي يا رمزي
رمزي : لا يا حسن سيب البنت
حسن بغضب شديد : بقولك ابعد عن وشي
واخدها وسط اعتراضها ورمزي مقدرش يتدخل لانه عارف بل واثق انه لو اتدخل هيرجع هو الخسران مش حسن ابدا!
وقف بغضب فجأه اتخبطت ف صدره العريض بعدت عنه بسرعه واتكلمت بعصبيه : اي اللي انت عملته ده انت مجنون؟
حسن بغضب : وانتي مش شايفه اللي بتعمليه
نواره : والله لو بعمل اي ده ميدلكش الحق انك تعمل كده قدام الناس منظري هيبقي اي قدامهم دلوقتي .. انت عارف هيقولوا عليا اي
حسن : يقولوا اللي يقولوه .. سيباه يمسك ايدك ها خطيبك هو جوزك ولا حتي قريبك
نواره : وانت مالك كنت ولي امري
حسن : اه ولي امرك يا نواره
نواره بسخريه : لا ده انت بتحلم .. انسي يا حسن بيه انا مش الداده بتاعت ابنك ولا الموظفه اللي كانت شغاله عندك ف شركتك ولا اللي لعبت ف دماغ ابنك عشان يشيله صوره والدته انا نواره سكرتيره رمزي بيه مش اكتر من كده واعتقد ان ملكش اي كلمه عليا
حسن : متعصبنيش يا نواره
نواره ببرود : والله انت اللي معصب نفسك مش انا
بصلها بغيظ وهجم ع شفايفها اللي عماله تغيظه بالكلام اللي بيطلع منها اتصدمت من حركته وفضلت تزقه جامد لحد ما ضعفت قوتها وبعد خمس دقايق بعد عنها وهو بياخد نفسها وهي اتنفست بحده وضربته بالقلم جامد خلت كل الشياطين تحضر قدامه وهو بيبص ليها بنظرات حارقه
نواره بغضب ودموع محبوسه : انت حيوان .. حيواااان
وسابته وجريت من قدامه وهو بيبص مكان ما بتجري بغضب ووعيد انه يلقنها درس قاسي تتعلم منه ازاي ترفع ايدها عليه مره تانيه !!
**************************
.... يتبع
#Nemo