" الحبّ يستأذن المرأة قبل أن يدخل قلبها ..وأمّا للرّجل فإنّه يقتحم قلبه دون استئذان "
* ف احد الاكواخ المنحدره ع السواحل الجنوبيه *
ليلي (لينا) بتفتح عينيها براحه وبتبص حواليها قامت اتنفضت عشان دي مش اوضه اوس ولنفسها ايه اللي جابني هنا وقامت تدور ف البيت لقيته كوخ كلاسيكي جدا .. وقعدت تكلم نفسها.. ومسكت دماغها انا مش فاكره اني انا جيت هنا انا اخر حاجه فكراها اني اوس كان .. وتنحت وبصت ع هدومها لقتها لبسه قميص رجالي يانهار اسود لالا اكيد محصلش حاجه لا
اوس بهدوء : صحي النوم
ليلي (لينا) : اتنفضت وفضلت ساكته .. وبتلعثم .. هو .. هو ايه اللي حصل امبارح
اوس : عدا من قدامها وجاب كاس نبيذ وقعد قدامها .. قلقها ده كان مفرحه اووي ومش عارف ليه .. محصلش حاجه انتي اغمي عليكي امبارح .. وانا جبتك هنا
ليلي (لينا) بستغراب : ورفعت حاجبها .. اغمي عليا ازاي ! انا اخر حاجه فكراها واتنحنحت .. احم يعني المهم دي مش اخر حاجه حصلت
اوس بخبث : منا مكنتش اعرف اني شفايفي فيها مخدر وهتخليكي يغمي عليكي وغمزلها
ليلي (لينا) بغضب : وقححححححح . وكانت هتمشي ووقفت تاني ولفتله .. و مين بقا غيرلي هدومي !؟
اوس بمكر وخبث : انا وانتي ولوحدنا من امبارح .. ف مكان منعزل مافيهوش حد نهائي .. عقلك يتوقع مين يكون غيرلك هدومك .. اكيد انا .. بس متخافيش مشوفتش حاجه .. وسكت شويه .. او شوفت مش ضامن
ليلي (لينا) : مبرقه من هول الصدمه عليها .. وحست انه دلق عليها مايه سقعه وحرفيا هيغمي عليها بجد من الكسوف والاحراج
اوس بصلها : وملاحظ وشها الاحمر من الكسوف والاحراج ..وضحك ضحكه رنانه ول اول مره الزعيم اوس يضحك كده
ليلي (لينا) : فضلت متنحاله .. ونسيت انها من دقيقه كانت هيغمي عليها .. ولقت نفسها بتبتسم تلقائي .. كويس ماهو طلعنا بنعرف نضحك اهو زي الناس
اوس : قام ووقف قدامها .. شكلك كان يضحك جدا فمقدرش مضحكش .. وابتسامته مفرقتهوش وقرب منها وهمسلها بهدوء : شعرك حلو اوووي وهو مفرود ع ضهرك .. متلميهوش تاني
ليلي (لينا) : اتكسفت اووي واتأكدت انه قربه منها بيوترها جدا .. احم .. احم انا هروح اخد شاور .. اوعي
اوس بهدوء : تمام اكون حضرتلك تفطري
ليلي (لينا) بستغراب : تحضرلي الفطار !؟ هو انت ناوي تموتني النهارده ولا ايه
اوس بلامبالاه : نعم اموتك ؟ لا كان زماني موتك من اول يوم شوفتك فيه .. روحي شوفي انتي رايحه فين عقبال ماخلص الفطار
ليلي (لينا) بعدم استيعاب : سابته ومشيت بس مخدتش بالها انها بتكلم نفسها بصوت عالي هو عنده انفصام .. لا هو اكيد انفصام مافيش كلام .. ده مش طبيعي
اوس بضحك : سمعك ع فكره .. بطلي تفكري بصوت عالي
ليلي (لينا) بهيام : يالهوووي يا مستهوي .. يخربيت دي غمازات يا شيخ .. خطفت قلبي يا بن مراد
اوس : هتفضلي بصالي كتير
ليلي (لينا) : احم لا .. وغير انا سرحت بس لكن مببصلكش وسابته وجريت ع الاوضه
اوس ببتسامه : مجنونه والله مجنونه
..
ف بيت الاوميغا
مراد بغضب : علي .. علي الزفت
علي بخضه : ايوه يا زعيم !؟
مراد : هو فين اوس !؟ من امبارح مشوفتوش !؟
علي : مرجعش من امبارح ولا هو ولا الهانم لينا
مراد : مرجعش من امبارح .. ولنفسه لالا انا مش هرحمها لو هدمرلي اللي انا ببنيه طول السنين دي كلها .. وبغضب امشي وغور من قدامي يا علي
..
امال : اهدي يا افنان !؟
افنان : مش عارفه اهدي .. محدش حاسس باللي جوايا يا امال وليلي عمرها ماهتفهم قلقي عليها
امال : هتفهموا مسيرها هتفهموا .. بس انتي شيلي الهواجس دي من دماغك بقا
امال : هواجس لا مش هواجس يا امال .. انتي مختيش بالك من لمعه عينيها وهي معاه .. ليلي حبيته يا امال .. حبيته وانا واثقه انها هتعمل عشانه اي حاجه .. واتنهدت وبخوف حبها ليه هيضعفها ياامال
..
عند ساحرات الجنوب ..
صوفيا : اهلا مراد .. مبتجيلناش غير وانت اكيد عامل مصيبه
مراد بضحكه سخريه : وانتوا كمان مبتجوليش غير وانتوا خايفين من الالفا ادم يقلب عليكوا
صوفيا : عايز ايه المرادي
مراد : المره اللي فاتت قولتولي اني اخلي اوس يتنازل عن انسانيته عشان يوم مايقتل اي حد مايحسش بندم او يحس بأي مشاعر وعملت ده .. لكن دلوقتي انا ف مصيبه .. اللي اسمها لينا دي بقت معاه دايما وغير كده .. ده من اول يوم دخلت ف القصر وهو بيحذرنا اني نقرب منها .. علي قالي انها كانت هي الضحيه ومقتلهاش انا هتجنن ازاي
صوفيا بصدمه : هي اللي كانت الضحيه ومقتلهاش ... غريبه دي اوووي .. ولنفسها ف حاجه غلط ولازم افهمها
مراد : ها اعمل معاها ايه؟ .. وغير انا لو دبحتهاله زي قصي هيقلب عليا انا واثق .. وانا مش عايز يعمل كده نهائي .. انا عايز اكسبه مش اخسره .. انابس انفذ اللي عايزه
صوفيا : ف حل واحد ..
مراد : انجديني بيه
صوفيا : انها تكون وعاء
مراد : مش فاهم ! وعاء ازاي يعني !؟
صوفيا بمكر : يعني تحمل منه !
مراد بصدمه : نعم !؟
صوفيا : نعم الله عليك يامراد .. ايوه يخليها حامل بأي طريقه واظن انك هتصرف ف ده
مراد : بس هو مبيحبهاش انا واثق من ده
صوفيا : او بيحبها بس مش مبين ده .. الزعيم ذكي وانت عارف ده كويس .. ومتنكرش يامراد انك بقت تخاف منه .. وببرود المهم مقابلتي معاك انتهت
..
لارا بفرحه : تيا يا تيا
تيا : يا ساتر خير .. انتي فرحانه ليه .. اوعي تكوني عملتي حاجه ف لينا .. والله اوس ماهيرحمك
لارا : اوس ايه ولينا ايه دلوقتي ! انا جيالك عشان حاجه تانيه
تيا بستغراب : اللي يشوفك دلوقتي مايشوفكيش امبارح كنتي بطلعي نار من ودانك .. بس اتفضلي قولي سمعاكي
لارا : بدات تحكلها ع اسر .. وانه قد ايه هو لطيف وانها اول مره تشوف راجل لطيف كده وبيتعامل بالرقه دي مع البنات
تيا بفرحه : بجد كل ده حصل امبارح .. واو بجد ده ولا ف الاحلام وانتي حاسه بأيه دلوقتي
لارا : حاسه اني فرحانه اوووي يا تيا .. معرفش ليه ف احساس غريب جوايا .. وشاورت ع قلبها احساس اول مره احس بيه .. والغريب اني حسيته امبارح
تيا بضحك : ده الحب يا يحيي وضحكت جامد
لار بضحك : انتي بتهزري حب ايه بس يا تيا .. ايه هحبه من اول نظره زي مابيقولوا
تيا : وليه لا .. شوفي نفسك ف المرايا انتي شكلك فرحان ازاي .. شوفي انا اعرفك بقالي قد ايه وعمري ماشوفتك مبسوطه كده .. ويلا بقا سلام عشان هعمل شويه حاجات وسابتها وخرجت
لارا وقفت قدام المرايا : هي فعلا حاسه احساس غريب ولنفسها هو ممكن يكون قلبي حبه بالسرعه دي .. طب واوس .. لقت افكارها بتطرد اوس منه ويظهر قدامها اسر وكلامه معاها .. ولقت نفسها ابتسمت ابتسامه واسعه
..
ليلي خرجت من الحمام ونشفت شعرها ولقت تيشرت رجالي لبسته وخرجت من الاوضه
لقت اوس بيحط الفطار ع التربيزه
ليلي (لينا) : وقفت جمبه وبصت ع التربيزه .. شكل الاكل حلو ع فكره
اوس : شكرا جزيلا و قعد وهي قعدت ع الكرسي اللي جمبه وفضلت تقلب ف الطبق بتاعها
اوس : شد الطبق منها وجاب معلقه وأكل منه .. متخافيش مش حططلك فيه سم وضحك
ليلي (لينا) : بص من غير لف ودوران وقامت وفضلت رايحه جايه قدامه .. طريقتك غريبه .. اللي يشوفك امبارح مايشوفكش دلوقتي .. ايه الهدوء ده .. يعني النهارده مثلا النهارده مش بارد وشك مش مكشر لدرجه اني افتكرتك مولود مكشر .. انت امبارح سألتني انا ضحكت ع ايه .. انا ضحكت عشان قولت عليك ف افكاري انك ميكس بين الحلو والحادق حاجه كده مستهبله ف نفسها .. هو انت عندك انفصام .. ماهو لو انت عندك انفصام .. فليس ع المريض حرج وقربت منه ووطت عليه .. انت ايه !؟
اوس ببرود : قام وقرب منها .. هقولك حاجه واحده بس .. انا واحد عاش طول حياته لوحده .. وفعلا زي مانتي قولتي فليس ع المريض حرج .. خش البسي هدومك عشان هنروح القصر
ليلي (لينا ) : مكنش قصدي ع فكره بس حقيقي مش عارفه افهمك
اوس بغضب : وانا مش عايزك تفهميني .. ومش محتاج اي حد يفهمني يلا اتفضلي
ليلي (لينا) : اوس .. انا
اوس : يلا اتفضلي
ليلي مشيت من قدامه لبست هدامها وجتله
ركبوا العربيه وكان فيه هدوء تام
ليلي (لينا) : بصتله بغضب .. بص بقا .. انت هادي بمزاجك وبتتعصب بمزاجك .. ومبتديش فرصه للي قدامك انه يكلم .. انت بجد مستفززززز
اوس : برغم انه سايق .. بس شدها عليه وباسها بوسه طويله لحد مالقاها هديت .. وبعد عنها عشان يسيبها تتنفس .. انا عرفت هخرسك ازاي بعد كده وبخبث لو صوتك علي عليا تاني هيكون ده عقابك وغمزلها
ليلي (لينا) : سافل وحقير
اوس ببرود وابتسامه شيطانيه: حاجه جديده .. عشان دول عارفهم بسمعهم كتير
ليلي (لينا) بغضب : وبتفكر بصوت عالي صح مانت متعود ..
اوس : سامعك .. فكري بصوت واطي مش لازم اللي حواليكي يسمعه وضحك
ليلي (لينا) : اوف .. مريض وعلت صوتها
اوس : بتعلي صوتك تاني اهو .. ها وكان هيقرب
ليلي : بعدت .. خلاص خلاص سكت
اوس بضحك : ناس تخاف متختشيش صحيح !
ليلي (لينا) : من جواها مبسوطه .. ولنفسها هو انا ممكن اكون حبيته دي كارثه ..
اوس : هو انا ليه حاسس الاحساس ده .. ليه مبسوط وهي موجوده معايا انا عمري ماحسيت اني عايش غير وهي موجوده .... وغمض عينيه جامد وفتحها انا دلوقتي اتأكدت اني وجودها خطر عليا ..
يتبع ««««««
أنت تقرأ
سجينة القمر الاحمر ( مكتمله ) بقلمي آلاء محمود
Romanceبقلمي الاء محمود 💜 قاسيَ القلبِ قدْ أشعلتَ أحزاني ناراً بها مقلتي ذابتْ وأجفاني آلمُ بعدكَ كالإعصارِ هائجةٌ ضجَّتْ بها مهجتي واعتلَّ شرياني تأتي إليَّ بذكرى عشتُها فرحاً بينَ الجفونِ وفي صدري ووجداني أعانقُ الطفلَ عبرَ الطيفِ أحضنُهُ فأشعرُ الدِّفء...
