"كيف ستكون النهايه .. هل ستكون سعيده .. ام ستكون حزينه .. هل ستكون موجعه ... ام سترضي قلوبنا .."
* ف بيت الاوميغا *
اوس بزعيق مبالغ فيه .. لدرجه ان كل البيت ف حاله من الرعب
اوس : علللللللللي
علي برعب وخوف : ايوه يا زعيم امرك
اوس بعيون كلها شر : فين ضحيه كل اكتمال قمر !؟
علي : هو مش خلاص .. مبقاش فيه ضحيه من بعد ما الهانم لينا دخلت البيت اصل يعني .. عدا شهرين من غير ضحيه جديده
اوس قرب منها وكان هيفترسه : هو انت بتاخد قرارات بالنيابه عني !؟
علي برعب : لا يازعيم بص ع بليل هتكون عندك
اوس بشر : دلوقتي .. مفهموم دلوقتي .. وكمل بتحذير واياك ملقكش جبتها اياك يا علي
علي برعب : حاضر يا زعيم اوامرك هجبها
ريماس ولارا وتيا سامعين اللي بيحصل
لارا : هو ماله شكله مايطمنش خالص
ريماس بقلق : هي فين ليل قصدي لينا
لارا بستغراب : ايوه فعلا مش عارفه انا مشوفتهاش انا خالص النهارده
تيا : واضح كده ان ف حاجه حصلت بينهم خلته كده
ريماس كانت هتروحله بس لارا مسكتها : لا يا طنط ريماس .. هو ف الحاله دي ماينفعش تخشيله .. ده بيكون وحش كاسر .. ومش بعيد يقتلك من غير ندم ..
ريماس بزعيق : وانا لازم اعرف هي فين ..عايزه اعرف عمل فيها ايه !؟
ريماس اقتحمت عليه مكتبه ...
ريماس بزعيق : هي فين .. عملت فيها ايه يا اوس انطق !؟
اوس ببرود : رجعتها .. للاسف ياريماس هانم انك مبتحترميش ذكائي .. متخافيش هي رجعت سليمه وجيه يقوم حس انه تعب فجأه بس حاول مايبنش عليه ..
ريماس : بطل تعاملني كده .. انا مأذتكش ف حاجه
اوس : تجاهلها وكان هيمشي بس هي مسكته
ريماس بعياط : انا نفسي تبقي كويس .. انا مش عايزه اي حاجه من الدنيا غيرك ..سامحني يا اوس سامحني .. جفائك معايا كل يوم بيقتلني
اوس : هش .. اسامحك !؟.. اسامحك ع ايه .. اسامحك ع انك اتجوزتي واحد حقير وللاسف ماينفعش اضره .. اسامحك ع ايه ولا ايه .. انا دايما لوحدي
ريماس بعياط : ارجوك نبدا من جديد .. انا محتجاك سند ليا .. وركعتله ف الارض .. ارجوك سامحني
اوس بعصبيه : اوعي تعملي كده تاني .. اوعي .. ولقي نفسه خدها في حضنه .. انا عارف انك مالكيش غيري .. بس انا هطلب منك طلب ولازم تنفذيه من غير ماتسألي ليه بعمل كده
ريماس بفرحه : بجد يا ابني .. طبعا قول سمعاك
..
* في بيت الالفا *
ليلي صحيت او بمعني اصح هي منمتش اصلا .. صحيت تعبانه جدا وجسمها مرهق .. مرهق من كل حاجه .. بقت حاسه انها جسد بلاروح .. قامت خدت شاور وخرجت وهي بتلبس هدومها حست بدوخه بس راحت ع طول
ليلي لنفسها : مسكت راسها ..واضح اني رجعت اتعب تاني وبصت ع علامتها ف المرايا ولقت نفسها ابتسمت بس ابتسمه وجع ابتسامه كسره ع حالها اللي وصلتله وحاولت تدور ع حاجه تلبسها تداري رقبتها .. ونزلت
* ف اوضه الجلوس *
ادم بقلق : انا عايز اعرف ايه اللي ف بنتي .. وغير دي حجبه افكارها عني
مريم : محدش يتكلم معاها ف حاجه ماشي
افنان : ليلي مريضه .. مريضه من الخذلان وكسره القلب .. وبصت ل ادم .. الحب ضعفها مقوهاش وسابتهم وقامت وهي خارجه شافتها جايه
افنان : عايزه اتكلم معاكي يا ليلي
ليلي بهدوء : انا قولت لحضرتك اني فشلت .. مافيش حاجه نكلم فيها .. وبسخريه اظن الفشل مافيش حد بيكلم فيه .. بعد اذنكوا انا نازله صاله التمرين
..
تقي بحزن : انا خايفه ع ليلي اووي
ياسين سرحان
تقي : ياسييييين
ياسين : ايه ف ايه
تقي : انت اللي ف ايه مالك !؟
ياسين : ليلي .. ع رقبتها علامه .. انا خت بالي منها امبارح
تقي : علامه ايه !؟
ياسين : حط ايده ع علامه تقي .. زيها
تقي بصدمه : يانهار اسود .. يعني ليلي بقت مرات اوس .. لالا مستحيل ..انا مش قادره استوعب ..
ليلي : لا استوعبي .. انا بقت خاينه لقطيعي .. وبابي مصيره يعرف .. وهطرد من القطيع
تقي بدموع : لا ياليلي .. مش هيحصل ده ماينفعش انه يحصل ..
ليلي بعياط : حب يدمرني ونجح ف ده .. نجح يا تقي .. نجح اني يكسر كل حاجه فيا.. بس انتي عارفه هو خد عذريه قلبي قبل عذريه جسمي .. بس اللي هيجنني ان انا شوفت ف عنيه حب .. حب صادق كمان .. بس اللي شوفته امبارح ده مكنش اوس .. لا حتي برضوا مش اوس اللي كنت ريحاله ضحيه .. ومش اوس اللي لما شوفته من 20 سنه ف الغابه وحسيت من نحيته حاجه بس ساعتها مكنتش فاهماها .. بس لما عشت معاه عرفت اني عشقاه مش بحبه بس يا تقي .. عشقاه بكل جوارحي .. ورمت نفسها ف حضن تقي
ياسين : ليلي .. العلامه دي لازم نشوف فيها حل
ليلي : مش عايزه حل .. انا ملِك ليه هو بس .. قلبي انكتب عليه الجراح .. و هو علاج لقلبي .. وساعتها قلبي هيطيب من الوجع وهفضل كده طول حياتي يا ياسين .. هفضل كده .. منهُ واليهي نعود وبشحتفه قلبي هيفضل ينهدله .. هيفضل ومش هييأس .. وانا واثقه انه سمعه .. سامع وحاسس كمان ..
..
* ساحرات الجنوب *
احد الساحرات : صوفيا ناويه ع ايه !؟
صوفيا : مش ناويه ع حاجه !؟ احنا ناخد بعضنا ونبعد بس عن الانظار ومحدش يعرف عننا حاجه
احد الساحرات : طب ومراد !؟
صوفيا : مراد معندوش عزيز .. مراد هيخلص من ابنه وانا واثقه من ده وهو اكيد دلوقتي بيظبطله مكيده عشان يخلص منه عشان اوس وشخصيته وقوته اقوي منه .. بس انا عايزه اعرف سر النبوءه
احد الساحرات : بس خلود قالتلك ان مالهاش سر
صوفيا : مادي حاجه هتتجني انهم مش عارفين السر .. وجود ليلي و اوس ف حياه بعض مايطمنش نهائي
احد الساحرات : قصدك ايه !؟
صوفيا بتفكير : قصدي ان سر النبوءه يا ف ليلي يا ف اوس انا متاكده من كده ...
احد الساحرات : ماهو ممكن يكونوا هما لاتنين
صوفيا : لا حد فيهم
..
ريماس بصدمه : عايزني اروح بيت الالفا يا اوس
اوس : ايوه هتروحي هناك .. انتي هناك ف امان عن هنا
ريماس بخوف : طب وانت !؟
اوس : هشوف مراد عايز مني ايه ..ف حساب مابينا ولازم نصفيه انا وهو وقصي !؟
ريماس : قصي عايش ! لا مش هسيبك .. ارجوك اسمع الكلام
اوس : ده موضوع طويل بس اللي هقولك عليه بس ان قصي اخويا هو ابن مراد وابن رنيم اللي من الالفا
ريماس بصدمه : نعم ..
اوس ببتسامه : ماما ده موضوع طويل اووي .. اهم حاجه خلي بالك من نفسك .. وحضنها .. وبصلها .. ماما انا عمري مكرهتك صدقيني
ريماس بحب وعياط : ارجوك خلي بالك من نفسك انت .. مش عشاني .. عشانها يا اوس .. عشان ليلي
اوس بتنهيده : علي هيوصلك للسواحل الشماليه
..
مراد بغضب : انت بتقول ايه لينا تبقي ليلي بنت ادم وافنان .. وبغضب بقا يكسر كل حاجه حواليه ..كانت تحت ايدي اني اكسر ادم ومحصلش ده .. اوس عرف !
احد الرجال : صوفيا قالتله
مراد : كل يوم كرهي ليك بيزيد يا اوس .. وبصله تاني .. جهزلي كل حاجه حضرتها عشان انا لازم اخلص منه
..
ف احد الكافيهات ..
لارا بقلق : خير يا اسر خضتني
اسر : لا متقلقيش كل خير
لارا : طب ايه في ايه !؟
اسر : لارا انا بحبك
لارا مصدومه
اسر : لارا انتي كويسه !؟ .. انتي موجوده معايا !؟
لارا : ها !؟
اسر ضحك جامد : ياعيني انتي مصدومه !؟
لارا : ضربته ف ايديه اتلم يارخم .. ماانت اللي فجأتني
اسر بحب : قرب منها ومسك ايدها .. لارا انا ف حاجات كتير ف حياتي كنت فكرها صح بس لما عرفتك .. عرفت اني كانت كل حساباتي لحياتي كانت غلط .. لارا انا بجد بحبك وعايزك تكوني حبيبتي
لارا ببتسامه رقيقه : وانا كمان يا اسر
اسر برخامه : وانتي كمان ايه !؟
لارا بكسوف : بس بقا ده انت رخم
اسر ضحك جامد : ياروح قلبي يا ناس
..
*المجلس *
تيا : لا منا لازم اقوله .. بس انا هتجرء واروح اقوله يا جو انا بحبك وسمعت صوت من وراها
جو : وانا كمان جدا جدا .. لو كنتي استنيتي شويه كنت جيت انا اللي قولتها
تيا بفرحه : بجد يا جو !؟
جو بضحك : لا ده واضح انك واقعه بقا
تيا : جدا جدا عندك مانع بقا
جو : لا ياكبير انا تحت امرك ف كل حاجه
تيا : ايه ده بقا .. بس عشان بتكسف
جو ضحك جامد : مصيبه بجد
تيا : بس المصيبه دي بتحبك اوووي بجد
جو بحب : وانا كمان بحبك اووي .. المصيبه بتاعتي دي غيرتلي حياتي
..
الشخص : انا جهزت كل حاجه ع التنفيذ بس
افنان : وانا واثقه فيك الشخص قفل .. ولنفسها .. انا هعمل اي حاجه عشان احميكي يا ليلي
..
أنت تقرأ
سجينة القمر الاحمر ( مكتمله ) بقلمي آلاء محمود
Romanceبقلمي الاء محمود 💜 قاسيَ القلبِ قدْ أشعلتَ أحزاني ناراً بها مقلتي ذابتْ وأجفاني آلمُ بعدكَ كالإعصارِ هائجةٌ ضجَّتْ بها مهجتي واعتلَّ شرياني تأتي إليَّ بذكرى عشتُها فرحاً بينَ الجفونِ وفي صدري ووجداني أعانقُ الطفلَ عبرَ الطيفِ أحضنُهُ فأشعرُ الدِّفء...
