حظيّت بصديقٍ يزيد دهشتي دهشةً
وحُبي حُباً وقلبي قلباً، وأؤمن بأن هذا
هو أعظم رزقٍ في هذه الدُنيا💙.
حوراء
من نفتح شباك طلع حسن ميت ضحك
اني بسرعه عفته وطلعت وضليت اغلط عليه
وهم اغلط ع نفسي شوكت ياحوراء كبرتي ع هل سوالف شنو هسه انتي مو شفتي روحج بالغرفه ال شوفيها بعد اوف اوف وصلت للمدرسه اول مافتت وشفت شمس مبين عليها تعب وعيونها وارمه
شكو شبيج
شمس :تعبانه مابيه شي
البارحه اتصل عليج ليش مغلق
شمس:سيف اخذ موبايل
انعل ابوه
شمس:نجبي لاتغلطين ع عمو
حوراء ديلا كومي كومي مابيج شي شبيج تعبانه
اخذتها نفتر شوي من دك جرس ودخلنا لدرس شفت رفل كاعده وحده ود ماجوده ضربتها ع ظهرها التفتت عليه ود وين
رفل :شعرفني المشكله ماعرف اكعد وحدي😭😭
شمس ادني شوي
شمس :ليش
خ تكعد يمنا رفل
رفل رفل تعاي يمنا
كامت كعدت يمنا
دور ضلينا نفتر ٣ اخذتنه سوالف
لحد اخر حصه
رجعت للبيت لكيت يقين تطبخ
ها هلوز يقينو
يقين :يلي يشوفج قبل يومين مو هذي حالتج
حوراء :الكبر ال تعكر مزاجي (بكلبي حجيت عليها)
دخلت واني ملابس المدرسه لحد يكعدني نعسانه نعسانه لو انفجار يصير لاتكعدني حبابه ماميتو
الام:عود مصعدين ال غرفتج نهار كوله يمي
حوراء :اني نايمه لحد يكعدني
الام :عابت لهل جهره اكلي ونامي
تقريبا بال ٤ وحده فوك راسي
كومي كومي كومي
ها ماما
الام :كومي اكلي
حوراء اي كايمه من كمت ولكيت صينيه يمي رحت غسلت ورجعت
ضلت امي سوالفلي يومها وكلتلي حسن راح ابوه اتصل عليه
حوراء اصلا مااهمني الموضوع شلي علاقه بي
رجعت بدلت ملابسي فتحت موبايلي ولكيت كروب اني ورفل ود طلعت خطيه جانت بالمستشفى شوي دردشنه كليلي ضيفي شمس
رديت عليهن جهازها حاليا مغلق
مرت الايام وقوت علاقتي وي البنات وغموضي هم طار حسيتهن صارن خواتي منا لحد
ماتريد تخلص سنه حياتي ماشيه عاديه واجت متحانات اخير سنه واتفقنا اني ورفل وشمس انو ندخل ب سادس مدرسه وحده .....بالعطله قبل لا يبدي دوام سادس قررت اروح البغداد اتونس قبل سادس من رحنا مرينا بيت خالتي
احنا بالاساس اهلي عمامي واخوالي بغداد
بس خالو يلي كاعدين عنده احنا بكربلاء
من رحنا البغداد البيت خالتي ام علي
عكس خالتي ام شهد تماما اساس طيبه مثل امي ب ضبط ونور بوجها
سالت ع هدى هدى بالاساس اجتي هم يمنا لان انقبلت معهد بكربله سنتين ف متعوده عليها سالت خالتي عنها
كلتلي نايمه ضليت كاعده يم امي لحد ماادخل علينه ولد شاب مااعرفته تقرب من امي بوسها واني كاعده قبل لا يطلع خنزرني وطلع وطلعت خالتي وراه امي اجتي ولطمت ع خدها وج فشلتيني ليش مااكمتي سلمتي ليش منو هذا هذا علي
ها مدري بي اشتم ايدي
شوي ودخل مره ثانيه
شلونك علي
علي :بعد وكت
مو مااعرفتك بالبدايه
علي:صار خير
من طلع تندمت شوي واجتي هدى ضلينه نسوالف وندردش وعلي ضل يحوم علينه نظراته غريبه
واني متفشله منا كلما اشوفه اذكر موقف يلي سويته وياه من جنت ب ثالث ابتدائي اوففف يارب كون ميذكرها لان اذا يذكرها وافشلتاه وين اضم وجهي منا ....
...........
شمس بعد محجيت وياهم صعدت ومانزلت ابد لليل بس ابجي شكد بجيت بوقتها بجيت ع ضياع الي جاي احسه بجيت ع وحدتي بجيت ع اهلي بجيت ع حظي
لحد مانمت وتخيلت عندي اهل ام اول مااجي من دوام الكاها طابختلي من ايديها ابوه يسالني ع دراستي
اخو اذا خفت من شي اجي احجيله بدون مااخاف
اخت نتشارك اني وياه كولشي
صعب احساس انو تكون وحيد صح عمو ماامقصر بس ابد مااحسسني مثل روان وغزل ولا روان طيبه وحبابه بس هم مااحسستني اني اكون اختها
ولا خالتي حسيتها امي لان مااشفت بيوم انو خافت عليه نمت احلم وارسم واتمنى
نمت واترجاه ربي انو مااحسد غيري خفت احسد روان وغزل ع اهلهن خفت حيل والله
ثاني يوم داومت عيوني وارمه شافني سيف مبدله
كلي مستعجل مااكدر اوصلج خلي احمد يوصلج وطلع يطبك طوب لاتوصلني
رحت ال احمد لكيته يتريك خالتي من وحدها حجت شنو هل عياره هاي وياه مدرسه مترحين وحدج
رديت عليه واني مدنكه لان خفت اباوعله وابجي مرات من احجي وي احد اكون مهضومه لدرجه اكره اني نفسي كوتله سيف ميقبل ردت عليه بصوت شبه عالي روحي وحدج لاتخافين محد يباوع الوجهج
اني بسرعه طلعت اول مااوصلت لدوام لكيتها بعد وكت عفت جنطتي ورحت للحديقه مال مدرسه بجيت هوووووووووواي تالي شفت بنات يباوعلي بسرعه كمت غسلت وجهي وكعدت شوي ودخلت حوراء
افترينا شوي هل ايام رفل وحوراء قويانه علاقتهن وراه بيومين سالني ع موبايل موبايل روان بالاساس انشال اخذه سيف وعمو هم قابل لان كامو يشكون بخيالهم كوتلهن معندي رفل اتفاجئت
سمعت ود مريضه اتمنيت اتصل اسال عنها تالي شكم يوم وداومت تحمدله ب سلامه وكلش قوت علاقتي وياهن ساعه نتبادل الاماكن رفل تكعد مكان حوراء وتجي يمي ساعه ود تجي يمي هيج لحد ماانتهت سنه
سيف علاقتي بي قلت بس من دره انو طالعه وحدي كلب دنيا ع راسي وضل يوصلني بس ميحجي احس عنده شي واني هم لهيت نفسي عنه لان بالاساس بعدنه صغيره خل اخلص دراستي واوصل شي تالي افكر بهيج سوالف
قوت علاقتي ب غزل بعد مااساعدتها صرنه كولش قريبات وسوالفتلي ع شي يخصني اتفاجئت بي وكدرت افسر نظرات سيف.....
ود
كعدت واحس الم براسي كلش قوي عيوني مغوشات شويه شويه بديت استوعب اني وين يعني اكيد بعد السوا بيه ابويه اكيد اكون بالمستشفى بس مو ابويه الجابني ولا امي ولا من البيت اي احد الجابني اخويه محمد اي سمعت صوته قبل لتصير الدنيا سوده يمكن لا اكيد محد يحبني من اهلي غير محمد هو الوحيد اليحميني من ظلمهم وقسوتهم هو اليدافع عني هو اليحن عليه بعد ما اهلي كرهوني بسبب الحادث المشؤم الغير نظرات اهلي اتجاهي وصارو يكرهوني اني شنو ذنبي من جنت بالكماط وهم يكرهوني اني شنو ذنبي حملوني ذنب موت اخويه الكبير ليش لان بيوم ولا دتي انقتل واني اخذت الذنب كله اني الفكر ياريت اني ميته وخلصانه ولا هو اخويه حيدر انقتل بسبب الشقه بين اصدقائه هو واصدقائه عدهم اسلحه فجانو ينضفون بيها واحد اصدقائه شال مسدس بس بلا مخزن وبقى يتشاقه ويا حيدر وموجه المسدس ع راسه ويكله تسكت لا اضربك وفجأة صديقه ضغط ع الزناد وثواني وجان حيدر مدد بالكاع بلا حركة وهيج صرت اني الفكر اني القتلت حيدر هيج حسب كلام اهلي وحتى بيوم ولادتي امي شمرتني وكالت ما اريدها وانطوني ل بنت اخو امي خالي لان هي ميصير عدها جهال بقيت 6 اشهر وزوجها توفه بحادث سيارة وهم حملتني الذنب بموته ورجعت ذبتني عند اهلي بقيت متعذبه حتى حليب امي مضكته لحد مكبرت وجان محد يهتم بيه غير محمد هو السجلني بالمدرسة وهو صارلي اب وام واخ وكبرت وصرت افهم سبب كره اهلي الي وانتشر هالشي حتى لخواني الصغار صارو يكرهوني
طلعت من المستشفى محمد كلي تعاي لبيتنه بس مقبلت رحت لبيتنه حتى محد كلف نفسه يكلي الحمد اللّٰه ع السلامة لو شمحتاجه لا عافوني وحدي اني هم تعودت ع معاملتهم مرت الايام وعلاقتي بصديقاتي كامت تقوه وصارن شي حلو بحياتي كمت ما اكدر اكمل يومي بدون ما احجي وياهن بس شمس خطية ما اكدر اتواصل وياها الا بالدوام ومرت الايام وذبتني بالسادس
رفل
يربي صرت سادس ممصدكة شلون نجحت اني لا ولج رفوله انتي شطورة همممم لا يرجع السبب ل يوسف هههه هم حجيت ويا نفسي بس صدك يوسف دخل ع حياتي مثل نسمه باردة بنص الحر جنت بالبداية احجي ويا عادي لان احجي ويا كومة بس يوسف كمت اتعلق بي لا إرادياً وكل ما اقرر ما احاجي اتخبل صار ادمان وصار يومي كلش مليان بالدوام صديقاتي وحبيباتي صارن اعز من روحي وخصوصا حوراء ومن ارجع للبيت ابقى بين يوسف وصديقاتي ومرة حجيت للبنات كلهن معترضن بس حوراء كالت جذاب وبس يتسلى وحجت كومه اني عذرتها لان هي صعب تثق بأحد الثقة عدها سالب لو جان يوسف جذاب لعد ليش حتى من عرف اني من كربلاء و معايشه بغداد مصار عصبي وكلي انتي مجذبتي اصلج بغداد وكلتيها وشجعني اكمل دراسة واصير شاطرة ليش خلاني التزم بحجابي بعد مجنت مخربطة بي حتى ملابسي وابد متجاوز حدودة او كال كلام محلو لو يحسسني بس شي وقتي بالعكس يحسسني جوهرة ثمينة ويخاف الناس ليشوفوها ويطمعون بيها هالسنة جانت كلش حلوه جمعتني ب أعز واحسن واحلى ناس صديقاتي ويوسف والأثنين ما راح يفرقني عنهم بس الموت حتى السادس مكدر لأن راح ندخل مدرسة اهلية سوا وقدمنة عليها ويوسف حتى صار صديق اخويا المقرب بس اكيد ميعرف علي بعلاقتي هو سوه هيج علمود يثبتلي حبه وهم يثقون بي اهلي وبس اخلص سادس نكدر نتزوج من دون اعتراض....يتبع
أنت تقرأ
عقبات الزمن
Romanceالزمن يعطي فرص ذهبية وعلينا التمسك بها ان لم نستطع ذهبت واصبحت عقبات عقبات الزمن كيف لنا ان نتخطاها دون خسائر كيف لنا الاستمرار ومجاراتها دون الألم هل تكون الصداقة والحب اكبر من الزمن وعقباته ام هو المنتصر.....
