BANGUNGOT (Book 2)

We Know Where You Fucking Live!

WARNING: This story may contain strong language, adult content, depictions of sex, violence, religions, and elements that are not suitable for some audiences. Read at your own risk.

KUMAKALAT sa social media ang iba't ibang videos ng mga taong pinupugutan ng ulo, tinatadtad ng saksak ang katawan, hinihiwa ang tiyan, at brutal na pinapatay.

Dahil mahilig si Raymond sa mga gore videos at live murder videos, inimbitahan siya ng isang kaibigan na magpunta sa Deep Web.

Curious si Raymond kung ano nga ba ang deep web. Bago ito sa kanyang pandinig.

Deep Web is the part of the world wide web that is not discoverable by means of standard search engines, including password-protected or dynamic pages and encrypted networks.

Ang deep web daw ay naglalaman ng mga personal email accounts, government resources, private databases ng mga kumpanya, medical records, legal documents, at multilingual databases.

Lahat din ng galaw ng tao sa internet at sa social media ay nare-record dito.

Ayon pa sa ibang artikulong nabasa niya, the deeper you dive into the deep web, the more disturbing things you would find.

Kapag narating ang pinakamalalim na parte ng internet, doon makikita ang dark web kung saan nakapaloob ang iba't ibang illegal activities ng mga hackers, kriminal, at malalaking sindikato. Talamak din dito ang bentahan ng mga weapons, drugs, at nakaw na bank accounts.

Ito rin ang tambakan ng mga disturbing videos na naglalaman ng madudugong mga pagpatay.

"Ayos!" Larawan ng pagkasabik si Raymond. Parang nakahanap ng bagong kaibigan.

Sinunod niya ang mga instructions na binigay ni Donny para makapasok sa dark web.

Kailangan daw mag-download ng TOR (The Onion Routing) browser para maging anonymous ang surfing sa internet at maitago ang IP address.

Pina-install din sa kanya ang special software na kung tawagin ay TAILS or The Amnesiac Incognito Live System na makakatulong para burahin ang bakas ng mga activity sa PC at operating system.

Sunod naman niyang dinownload ang CyberGhost, isang uri ng VPN service na tutulong sa kanya para itago sa mata ng gobyerno ang web traffic ng mga site na pinupuntahan niya.

Pagkatapos mag-install ng mga software sa laptop niya, sinimulan na niyang i-set up ang mga ito.

Nakatanggap pa siya ng warning sa screen nang i-maximize niya ang tab ng TOR browser.

Ayon sa warning message, mas makabubuti kung i-minimize lang daw ito para hindi ma-trace ang size ng computer screen. Maaari itong gamitin ng mga hacker para i-bypass ang protection ng user at i-hack ang computer.

Basta't lahat ng warning ay sinunod niya, hanggang sa matagumpay niyang napasok ang deep web.

Isa-isa niyang binuksan ang mga onion links na binigay sa kanya ni Donny. Ang iba ay na-take down na ng FBI. Ang iba naman ay sobrang bagal mag-load. Hanggang sa matagpuan niya ang isang link na may titulong "Chat with Murderers: We know who you are. We know where you fucking live".

Napakunot-noo siya. Posible nga bang makipag-chat sa mga mamamatay-tao?

Sa labis na kuryosidad ay hindi niya napigilan ang kamay na i-copypaste ang link sa search bar ng TOR browser.

http://cfflmurcjhatfl2g.onion

Hanggang sa lumitaw ang dark colored website na naglalaman ng isang chat room. Green ang font ng mga letra at may larawan ng isang madre sa bandang itaas kung saan nakapailalim ang titulo at description ng website.