في منزل سهي
عندما سمعت للاذان اتجهت للتؤضا ثم شرعت في الصلاة اخذت تدعو الله ان يحفظ ابنتها ويسعدها فبعد وفاة والدها لم يبقي لها سواها عندما سمعت عدة طرقات علي الباب تعرفها جيدا قامت من مجلسها واتجهت الي الباب لتقوم بفتحه
فريدة : اهلا ياعبير
عبير : ازيك يافريدة عامله ايه
فريدة : الحمد لله كويسة انتي اخبارك ايه
عبير : الحمد لله تمام
فريدة : طيب تعالي اتفضلي
عبير : الله امال سهي فين مش سامعه صوتها
فريدة : سهي عند واحده صاحبتها
عبير : هي هتتجوز امتي
فريدة : لسه عريسها محددش
عبير : ربنا يسعدها
فريدة : يارب وعلي اخباره ايه بقالي فترة مشفتوش
عبير :كويس هو بعتلك معايا السلام اصله استلم شغله عند المحامي اللي قولتلك كان عاوز يدرب عنده
فريدة : بجد طيب الحمد لله علي طيب ويستاهل كل خير
...................................
في شركه السيوفي
انشغل باللعب في الهاتف فهو يقوم بالاتصال عليها منذ اكثر من ساعة وهي لاتجيب : الله راحت فين دي وما ان اغلق فمه حتي سمع صوتها فهتف بقلق: الله انتي فين ياسهي بقالي اكتر من ساعه برن عليكي مش بتردي
سهي : معلش والله يابسام انا كنت عند واحده صاحبتي ونسيت الموبيل صامت
بسام : بعد كده متعمليش الزفت صامت انتي قلقتيني
سهي : حاضر والله خلاص
بسام : انتي لسة عندها
سهي : لا انا خلاص علي باب البيت
بسام : ماشي
فريدة : الظاهر سهي جت هروح افتح
اومات شقيقتها فاستقامت واقفه وتوجهت تستقبل ابنتها :حمد لله علي السلامة ياحبيبتي
سهي : الله يسلمك ياماما
فريدة : خالتك جوه
سهي :علي معاها
فريدة :لا مش معاها
اؤمات براسها واتجهت لغرفة الجلوس لالقاء التحيه عليها : اهلا ازيك ياخالتو
عبير : الحمد لله يا حبيبتي عاملة ايه
سهي : كويسة الحمد لله
بسام بصوت عالي : انتي يابنتي انتي روحتي فين
عبير : ايه الصوت ده
سهي : ااااخ بسام ده انا نسيتة عن اذنك يا خالتو هكلمه واجي
عبير : ماشي ياحبيبتي اتفضلي
سهي : ايه يابني فضحتني
بسام : والله ده انتي اللي نسيتني يا هانم
سهي : معلش انا اسفة انت عامل ايه
بسام : الحمد لله انا كويس
سهي : اه صحيح كلمت باباك في موضوعنا
بسام : بصراحه مجتش فرصة بس هحاول افتحه النهارده
سهي : طيب
بسام : انتي زعلتي
سهي: لا عادي يابسام خلاص معلش مضطره اقفل لاحسن خالتي هنا وانت اكيد سمعت صوتها وانا مقعدتش معاها سلام
بسام : طيب مع السلامة ابقي بلغي سلامي لطنط فريدة وخالتك
سهي : حاضر سلام
بسام :يعني اعمل ايه انا الوقتي انا لو منها كنت قفلت السكة في وشي
.................................
في فيلا السيوفي
عادت مساءا فرحه فبعد عدة ايام سيحتفلوا بيوم مولده تتذكر اول يوم جاء فيه الي المنزل بعد وفاة والدية وكم ان الابتسامه لم تعرف طريقها لشفتاه سوي عن طريقها
فلاش بالك
فؤاد : تعالي يايوسف اتفضل ده من النهاردة بيتك
يوسف : متشكر ياعمي
فؤاد : تاني مش قولت مافيش ما بنا الكلام ده انت ابني سامع
تطلع اليه بابتسامه حزينه وهو يؤمي براسه
فؤاد : دي يايوسف ايمان مراتي وهويشير الي سيدة تقف بجواره
ايمان : ازيك يايوسف حمد لله علي السلامة ان شاء الله ترتاح معنا ودول اخواتك بسام وباكينام
ليقاطعهم صوت إعصار صغير وهي تضع يدها في خصرها : وانا بقن ياست ماما
بسام : وانت بقن ايه ياقردة
ساره وهي تجذب كم والدها : ثوف يابابا بيقول عليا قده
فؤاد : ههههه لا يا حبيبتي ده هو اللي قرد
ساره وهي تخرج لسانها لاخيها :ثوفت
ايمان بابتسامه : اما دي بقا الانسة سارة
بسام :قصدك الانسة اعصار
فؤاد : بس بقا اتلم
بسام : انا عملت حاجه
فؤاد :لا انا اللي عملت ثم التف لسارة : وده بقا ياسو يوسف ابن عمك
يوسف بابتسامة : ازيك ياسارة
ساره : الحمد لله كويثه ازيت
يوسف :ههههههه الحمد لله كويس
ساره وهي تنظر لوادها :ده مجدون (مجنون) بضحك علي ايه
فؤاد : عيب كده ده احنا مصدقنا
يوسف : معلش ياستي انا اسف ايه رايك نبقا صحاب
ساره : موافقة بس بشرط
يوسف وهو ينحني لها : اؤمري
ساره :بوص انت طويل اوووي اطول من الواد ده وهي تشير لبسام لما يجي يضربني اضربه وانا هصاحبك
يوسف :ههههههههه حاضر
بسام مقاطعا : يضرب مين ياشبر ونص انتي طيب تعالي هنا
ركض بسام وراءه وهي تركض امامه وصوت ضحكاتها يصل الي عنان السماء ظل يتطلع اليها بابتسامة حتي قطع شروده صوت عمه
فؤاد : واضح ان ساره قدرت تعمل اللي احنا معرفناش نعمله
عادت من شرودها علي صوت شقيقتها
باكي : ايه يابنتي واقفه كده ليه
سارة : هاا لا ابدا مفيش هو بابا جه
باكي: اه كلهم جوه يلا تعالي دادة بتحضرالعشا
سارة : طيب يلا
اومات وتوجهت معها لتجد الجميع يحتل موقعه ع سفرة الطعام فهتف بتحية سارة : مساء الخير
الجميع : مساء النور
فؤاد : ايه كنتي فين ياحبيبتي
سارة : كان ورايا مشوار خلاصته وجيت
يوسف : مشوار اي ده
ساره : مشوار وخلاص
بسام بسخرية: اي مشوار حربي
ساره : هييييي بايخ ملكش دعوه
يوسف بغيظ : خلاص يابسام سيبها هي حرة
باكي :انتوا عاوزين حاجة تعملوا عليها قصة وخلاص
بسام : اسكتني انت ي
فؤاد :انا طالع انام بدل ما انا قاعد في وسطكوا وانتوا شويه عيال كدة
سارة : انت مكلتش يابابا
فؤاد : لا ياحببتي الحمد لله انا شبعت
بسام : بابا لوسمحت كنت عاوزك في موضوع
فؤاد : خير
بسام وهو ينظرلسارة لكي تساندة : بصراحة يعني انا عاوز اتجوز بقا انا بقالي اكتر من سنه خاطب سهي
سارة : ايوه يابابا فعلا ملوش لازمة التاجيل
شرد فؤاد قليلا في افكارة حتي افاق علي صوت
: بابا بابا حضرتك سامعني
فؤاد :ها اه سمعت طيب ناوي تعيش فين ان شاء الله
بسام : بصراحه لسه معرفش
فؤاد : طيب مادام مش جاهز متتكلمش انا مش ناقص وجع دماغ لما تبقا تظبط امورك ابقي ساعتها اتكلم
................................
مستنية رايكم ودعمكم ✌✌
أنت تقرأ
أحببتك ولكن إعذريني _مـي عُـمر
Tiểu Thuyết Chung......... بعد ان احبها واحبته تزوج بشقيقتها لماذا وكيف !!!! احبها وتزوجت بأخر عشقته وارتبطت بسواه تابع لتعرف الاحداث ✌✌ المقدمة أحيانا تعاندنا الظروف عند مواجه الصعاب فتقف في طريق سعادتنا من يساندنا يصبح سندا لنا حتي وإن لم نكن نعرفه من قبل ورب...
