والساعه 8 الا ربع صاح تلفوونه
راشد: مرحبا الساااااااااع
هزاع: مرحب باجي
راشد: شحالك ؟
هزاع: والله بخير وسهاله
راشد: شوو راقد انته؟
هزاع: لا والله ما عرفت لذة النوم الا منسدح
راشد: اها انزين شو ما تبا تي الدوام ارقبك اوكي
هزاع: هيه لحين ياي بتسبح الا وبييك
راشد: اوكي نترياك
وهزاع تسبح وتكشخ وظهر من البيت ووصل الدوام ولقا سعيد وراشد يتريونه وتوايه وياهم وتموا يسولفون
سعيد: قالوليه هب راقد شعنه؟
هزاع: لا رديت البيت الساعه 5 وما ياينيه الرقاد
سعيد: خيبه رديت البيت 5 انا ودرتك الساعه 3 فيا من تميت؟
هزاع: ولا حد تميت ادووور فهالشوارع
راشد: ماعندك سالفه
هزاع يلس كان مضايق
سعيد لاحظ هالشي: شفيك يا بو حمدان؟ البارحه مودرنك بخير؟
هزاع: والله مهموووم يا بو عسكور
راشد: من شوو افا يا هزاع؟
سعيد: يا ها الحب اسميه معوقنك
هزاع:
ونه والقلب ميهوود والروح معتله من ناعم العود
ووصله عنيه مسدود خبروه اني به متيم وميهوود
ريم الفلا وحبه مفنود وما بنساه لو عشت مفروود
هو حبيبي سيد الخود ماغيره بيسكن بالي وبيسود
خذته مني ليالي سود مع الايام وشهورن امدوود
وهل الدمع ع الخدود ومارحم عليلن حيله مهدود
ياعاذلي ابشر بردود وعلى هالخشم بكون جلمود
عذلت بيننا وكلن شهود هيه نعم انته المقصود
يعل فثوبك عقارب سود ويعلك من السوط مجلود
دعيت ربي يعلك ما تعود يا من هدمت السدوود
والعهد لو تبغي عهود لفجر قصيدي هذا رعود
حشمتك وربي المعبود وتراالكلام البذي منقود
اختم كلامي بالورود واطلب المعذرة من الوفود
وعسى كلن ينال قعود ودومه مع الفرح موعود
(( جميع الحقوق محفوظه للكاتبة قطوة يتيمة ^^))
والسلوومة
سعيد وراشد: صحححححححححح لسااااااااااااااااااااااانك
راشد: مافيييييييييك حيله هزاع
هزاع: صح بدنكم تسلم شيخيه
سعيد: خييييييييييييييبه يا هزاع عقارب عاده حرام علييييييك
هزاع: اااااااااه يا سعيد من الضيجه الي فينيه والهم والغم
راشد: الله يبعده عنا وعنك
هزاع +سعيد: امييييييين
فالعين
فبيت حمد بن هناد
الساعه 12 كلهم فالصاله
الريم وشواخي يسووولفن ويا ام زايد
سلامه: الريم شواخي جان تبن طالعن فلم هندي
الريم: منو البطل
شواخي: منو البطله؟
سلامه: يمثل فيه زايد خان وشاروخان والبطلات ماعرفهن ههههههههه
وكلهن تمن يطالعنه ومندمجات
ام زايد: الريم
الريم:لبيييييييييييييييييييييييييييه اميه
ام زايد: لبيتي حايه سيري شلي المدخن ودخني الميلس
الريم: لا مافيه اميه اتااااااابع الفلم الهندي لا تخربين خلي البشكاره ما منها فايده هذي
ام زايد: اننننننننف عليج الحين انتي بتغدين حرمة وبتمين جذه يلا انقفضي ورمستيه ما بثنيهاا
الريم: اوهووووووووووووووووو والله ضييييييييق
شواخي: انا بسيييييييييير وياج ولا يهمج ريماني
الريم : سلامي الشينه سيري دخني انتي شو فايدتج
سلامه: اميه قالت انتي هب اناا اوكي ونتي الشينه هب انا
الريم: حشاا معوفج انزين وقفي الفلم لين ما ندخن
وسارن الريم وشواخي يدخنن الميلس لان بيي ريال ربيع بو زايد
وطبعن هن يدخنن سوالف وضحك وطنازة
ام زايد: اقولج الريم روحي زقري نانسي ( الخدامه) عسب تحط الغدااا
الريم : ياربيه كله الرييييييييييييم , شواخي بييج اوكي انتي دخني بداليه
شواخي: من عيونيه
الريم: يسلمن عنووونج فديتهن
وفي الميلس شواخي يالسه ادخن وتغني ضاربنها الهوى ( لا تكتب همومي وترسم عذابي وانا تركت الناس واخترتك انته )
وفجاءة وهي تغني وماخذه رراحتها من الخاطر حدر الريال وانتوا تخيلووا الموقف الشيله ع الجتوف وكانت عاطتنه ظهره
الريال من شاف وحده جدامه تقفط ما توقع يشوف حد فالميلس لان زايد الي حدره الميلس وقاله حياك ماحد هنا فما عرف شو يسوي غير انه يهود عسب تنتبه : هود هود
شواخي تيبست من سمعت حس ريال وامرة لبست شيلتها وصدت ورااا منو المفاجاء نهيااااااان انصدمت وفجت عيونهااا ونهيان ماصدق هذي شواخي ماحلمت حتى انيه اشوووفهاااااااااااااا
شواخي : قرب قرب حيااااااك وظهرت وهي متقفطه ومعصبه من الخاطر
ونهيان شراتها واخس بعد : هذي شواااااخي لالا ماصدق بس شو تسوي هنا عندهم
اما شواخي معصبه وسارت الصاله: وكييييييييييف هذا يحدرررررر الميلس الا جذه
زايد: شفيييييج انا الي حدرته لانه ابووويه الحين بيي فدق عليه تلفون وقاليه دخل الريال الميلس
شواخي: انت الي دخلته يعني؟
زايد: هيه لييييييييش تتخبرييين؟
شواخي: ااااااااااااااااخ يالقهر والله معصبه ترانيه منك قووم احسن لك لا ازنطك
زايد: خييييييييييييييبه بشررررررد عاده كله ولا شواخي يوم تعصب بسير اشووف الريال انا اخير باي باي
الريم: اوووووووووووب شفيج شواخي حشا جبرييييييت هب شواخي
شواخي: صخي انتي والله ما تدريييين شو استوى توه
الريم بفضول: شووو؟
شواخي: وانا ادخن الميلس وانتي تدرين بشيلتيه الا جذه عاقتنهاا ولا بعد يالسه اغني غاديه نانسي بس تغني ميحد
الريم: ههههههههههههههه غربلات عدوووج انزين وخلاف
شواخي: تعرفييييييييين منو حدر الميلس وانا جيييييييي؟
الريم: منو منو
شواخي: لالا ما بقولج غيرت رايي
الريم: والله لتقولي قووولي لا امطج من كشتج
شواخي: هيه تيسريين انتي بس بقولج نهياااااااااااااااااااااان الي كان ويانا في السفر قوم موزاني
الريم: فذمتج اويييييييييه يالقفطه يعني هذا الريال الي يقول عنه ابوويه
شواخي: هيه وتخيلي انا ما انتبهت له عاطتنه مقفايه بس هو حليله تقفط شكله وهود وانا من سمعت حسه حشمت عمريه ولبست شيلتيه وانصدمت من شفته والله بس قلتله اقرب وظهرت خيييييييييييييييييييبه ياهالموقف والله بمووت من القفطه احس راسيه مغرووووس ف الترااااااااااب
الريم: هههههههههههههه تعيشين وتاكلين غيرهاااا عادي فديتج خلاص شو بتسوييييين
شواخي: اوووووف منج عسى الله يحطج فهالموقف واخس بعد عسب تعرفين شقايل القفطه صدق
الريم : لالا دخيييييييييييلج سحبيها مافيه ياكثر ما تستويليه هالمواقف صدق اتقفط بعد اخس عن موقفج
شواخي: ها ريماني من ورانا قولي قولي علنيه هب بلاج ما بخبر حد سرج فبير عند شواخي
الريم: خليها مستوره هههههههههههههههه عن الفضايح
شواخي: ترانيه فاهمتنج اعرف ويا منو هالمواقف
الريم: متحيذقه ماشاء الله عليج انزين خلاص صخي
وخلاف صلن الظهر ورقدن ^^
بو زايد حدر الميلس: مرحبا الساااااااااااع ( وتوايه ويا نهيان)
نهيان: الله يرحب بك ع فضله
بو زايد: وشحالك ربك الا بخير؟
نهيان: بخييير وسهاله ومن جداك؟
بو زايد: ما شكي باااس
وتموا يالسين يسولفون ونهيان سارح بالي شافها مساعه وتم يذكر اايام سويسرا والمواقف الي استوت له ويا شواخي وفخااطره :احس انج رديتي النبض فقلبيه يا شواخي واحس فواديه وروحيه ردت محلهااا من عقب فقدها
