الريم: هيه والله بخطف علييييج اوكي لا تسيرين الروحج
حموده: اوكي
الريم: امممممم وسالي بداوم والا؟
حموده: على ما ظن لا بتغيب هالاسبوع كله لانه امايه قالت حالتهااا ما تتحمل تسير المدرسه بتخليها ترتاح فلبيت كم يوم
الريم: الله يعينها صددددددق والله كلنا اثر فينا وفاة يدووه كيف سالي الي طول الوقت وياهاا
حموده: هيه والله ... الله يرحمها ويعل مثواها الجنه
الريم: ااميييييييين .... يلا الحين فديتج بنسير اشوفج باجر
حموده: ربي يحفظج
اليوم الثاني كلهم دامواا
الريم الصبح نشت وتسبحت وتكشخت بس هب ذاك الزود عسب يدتهااا وهي تنزل الدري
الريم: مرحبااااااااااااااا الساااااااااع اشوووف الصاله منوره اثره الشيخ حمد بن هناد والشيخهـ مريم هني
بو زايد: مرحب باجي النووور نوورج يا بعدهم والله
ام زايد : تعالي الريم فديتج جان تبين ريووق
وسلمت الريم على ابوها وامها: لا اميه مابا تسلميييييييييييين والله يلا انا بسيير بعد بخطف على حموده
بو زايد: اوصلج والا بتسيرين ويا الدريول؟
الريم: ما تقصر ابويه بس بسير ويا الدريول مابغي اعبل عليك وبعد بخطف على حموده
بو زايد: ايوا انزين وينه زايد بطااا انا بسير عنديه شغل
ام زايد: ما دريبه ..... زاااايد زااااااااااايد هزااااااااااااع
هزاع: ها انا ييت ييت
بو زايد: هلا والله بشيخيه وين خوك زايد؟
هزاع: يلبس سفرته الحين بيي
بو زايد: اهاا زين زين يلا عيل ما تبا ريووق
هزاع: لا مااباا
ام زايد: غصبن عنك يلا كل واشرب عصير والا جاهي
وعقب بو زايد شل ولده زايد وهزاع المدرسه
الريم: ويييين سلامه اميه؟
ام زايد: سلامه سارت ويا ميمي بطرانات سايرات ويا دريولهم اونه يبن يسيرن من غبشه
الريم: احسسسسن عسب ما نبطي ع الجامعه يلا اميه سي يوووو
ام زايد: يلا درب السهاله الريييم عندج فلوووس والا تبين؟
الريم: لا ثانكيو اميه عنديه البارحه عاطنيه ماي فاذر
ام زايد: مشكلله يوم وحده بتسير الجامعه تخلي عمرها تعرف انجليزي
الريم: هههههههههههههههههه شسوي اميه لازم ندرب يلا مع السلامه
وسارت الريم بيت قوم حموده وضربوا هرن وفنفس الوقت الي ظاهرة فيه حموده كان ظاهر سالم بعد
سالم سار صوب السياره الريم فجت الدريشه عشانه
سالم: السلام عليييكم
الريم: وعليك السلام والرحمه
سالم: شحالج الريم؟ ربج بخير؟
الريم: تسرك حاليه ولا تضرك ومن صوبك؟
سالم: بخييييير بشوفتج ويييين بهااا؟
الريم: الجامعه
سالم: اهاا امم انزين يلا حدري من السياره انا بوصلكن
الريم: لا ما يحتاي سالم تعب عمرك هذو الدريول موجود
سالم: لا عادي وتعبكم راحه يلا
حموده: هلا ريماني يلا نزلي <<< ترا حموده حركات هع
الريم خلاف نزلت من سيارتهم وركبت هي وحموده ويا سالم
حموده جدام عدال سالم والريم ورا طبعن
حموده: اوووووووووووه سالم خطف خطف الدكان ما عنديه رصيد
الريم: عادي حموده يبيعون فالجامعه خذي مناك
حموده: لا الحيييييين اباااااااااااه ابا ادق حق تيمون(ربيعتها اسمها نوره هع) عسب اقولها اني ظهرت من البيت
سالم: شو ها تيمون حشا لا يكون ربيعاتكن رسوم متحركه وانا مادري
حموده: هههههه سالم عادي عيل بزيدك من الشعر بيت عنديه ماروكو وليدي هههههههه
سالم: امحق والله
الريم: انزين حموده دقي من تلفونيه الحين وخلاف خذيلج بطاقه رصيد
حموده: اوكي .... هلا والله شحالج ... انا بخييير ... وين انتي... لا انا الحين فالدرب يايه الجامعه .. اوكي انتي في الرسبشن بس دقايق وبنوصل اوكي باي
ووصل مسج حق الريم ...
حموده: عادي افجه الرييييييم
الريم: عادي اتوقع هذي سلوم
حموده: لا بقرالج اياه ( صباح الورد متعطر بعطرك اقدم لك كلمة احبك مع مشاعر ما تهدك وهمس يذوب على خدك وشوق يغني على قلبك وعيون بس خاطرها تشوفك واذن ما تريد تسمع غير صوتك ولي قلب يصون حبك وماقدر اقول شي ثاني غير اني احبك موووت ..... لو حاولت انساج ماقدر لو حاولت ماطرش مسج بعد ماقدر )
الريم: حلوو بس من عند منوو؟ اشوووف ..... وشلت الريم التلفون وهني صدق توترت الريم واستغربت ليش هزاع مطرش مسسج من زمان ماطرش وخلاص هو الروحه قال انه ما بيحاول ينسانيه
حموده: ماعرف هب مسيفه رقمهاا اممم تعرفيييييين تذكرت هالرقم شرات ذااااااك اليوم الي مطرشلج وقلتي مغلط نفس الرقم بعده هذا يطرش لج مسجات؟
الريم توترت : ها لا ثاني مررة تحيدين بس هذاك اليوم والحين غريييييييييييبه منو هذاا
سالم: عطينيه رقمه عسب اشووف منو هذا وليش يطرشلج
الري تروعت: لالا ما يحتاي برايه بسفهه اصلن شكله واحد مغلط والا وحده والا بعد جاد تكون وحده من ربايعيه مسوتليه مقلب
سالم: انزين هاتي الرقم عسب اتاكد من الرقم
الريم: ما يحتاي خلاص شو يعني الا مسج وتراه هو ما يدق وعمره ما دق اليه يوم بيدق بعطي ابووويه الرقم ما بيقصر فيه
ووصلوا باب الجامعه الريم امررررة نزلت عقب رمستهاا
سالم: شفيهاااا الريم عليه جنه هب خطيبها اناااا والله اسلووبها وايد تغيييير حموده انتي وياها وايد شوفي شفيها ما تبغيني هي والا شسالفه انزين لو ما تبغيني ترمس والله صدق انا احبها ومن زمان اترياها بس هب بالعافيه اخذهاا
حموده: لالا ماعلييييك بس يمكن توترت والا تستحي منك وانته قلت لوما تبغيك بترمس ادريبها الريم متسحيييييل طيع على اي حد ما تبغيه
سالم: بس حموده هذا هب اسلوب ترمسني فيه اونه بخلي ابويه يرمسه جيييييه انا شو هب ريال هب عايبنها هي تبا تفهمني انها لو احتايت ريال ما بكون انا الي بتحتايني
حموده: لالا ماظن المهم انا الحين بنزل وبشووف بلاهاا
سالم: اوكي ربي يحفظج .... سالم صددق اضااايق من الريم وليش هالجفا وهالاسلوووب القاسي من صوبه هو ما سوالها شي ولا ضرها فحايه بالعكس رافعنها فووووق يعني من حقه يعصب وينتقد اسلوبهااا حتى لو ما تحبه بس هو شدراه هي ما رمست وما يخصه فشي ان امها ما وافقت على هزاع ووافقت عليه <<< مسكين حاله ساالم والله ^^
