قصة حبي الأخيرة بحال فيديو كليب عمرو دياب الأخير كنت غادة فسوق وهزا واحد الميكة فيها جوج كيلو ديال الهندية ومع عزيزة عليا كنقول غير إمتا نوصل لدار باش نزرد عليها غادة ومكنشوفش طريق قدامي تا تزادحت مع واحد سيد أش غنقول ليكم يوسفي الجمال بدارجة بوكّووووص طاحت لي لهندية كلها فالأرض ونزلنا بجوج كنلقطو فيها وحطينا تيليفوناتنا فالأرض تيليفونو سامسونكّ كّلاكسي إس 5 وأنا نوكيا بيل ومافيهش البيل بكترة مبقينا مبهورين فبعضيتنا كّاع محسينا بشوك ديال لهندية وكّاع محسينا بأننا كل واحد هز تيليفون لاخور وصلت لدار ولقيت سامسونكّ إس 5 فجيبي الله شحاااال فرحت مم اللهم لك الحمد حتى ترضى شوية بدا كيصوني تيليفون وتصويرة البكّوص فشاشة هو كيصوني وانا كنقطع تا طلع ليا دم وأنا نلوح لاكارط ديالو مع قشور الهندية مزيان وتبارك الله إلى عاود شتي وجهي مرة وخرا دفل عليه وإلى شديتي تيليفونك عاود دفل عليه
